حکومت نے انڈین کونسل آف ایگریکلچرل ریسرچ (آئی سی اے آر) اور محکمہ زراعت اور کسانوں کی بہبود (ڈی اے اینڈ ایف ڈبلیو) کے ذریعے آب و ہوا کے نقطہ نظر سے پائیدار زرعی ٹیکنالوجیز کو تیار کرنے اور ان کی مدد سے آگے بڑھنے کے لیے کئی اقدامات کیے ہیں ۔ آئی سی اے آر نے نیٹ ورک پروجیکٹ آن نیشنل انوویشنز ان کلائمیٹ ریزیلینٹ ایگریکلچر (این آئی سی آر اے) کے ذریعے خشک سالی، سیلاب، پالے، لو وغیرہ جیسے شدید موسمی حالات سے نمٹنے کے لیے آب و ہوا کے اعتبار سے پائیدار زراعت کو فروغ دینے کا کام کیا ہے۔ اس کے تین اجزاء یعنی اسٹریٹجک تحقیق، ٹیکنالوجی ڈیمونسٹریشن اور صلاحیت سازی، ہیں۔

آئی سی اے آر انتہائی نوعیت کے موسمی حالات کے لیے موزوں آب و ہوا کے اعتبار سے پائیدار فصلوں کی اقسام کی ترقی ، انتہائی خطرات کے امکان والے اضلاع/خطوں کی شناخت، موافقت اور تخفیف کے لیے انتظامی طریقوں اور آب و ہوا کے اعتبار سے پائیدار مویشیوں کی ترقی، ماہی گیری اور پولٹری بنانے کے طریقوں پر بھی کام کرتا ہے۔ ڈی اے اینڈ ایف ڈبلیو نیشنل مشن فار سسٹین ایبل ایگریکلچر (این ایم ایس اے) کا نفاذ کرتا ہے، تاکہ اس کی اسکیموں یعنی پَر ڈراپ مور کراپ، رین فیڈ ایریا ڈیولپمنٹ اینڈ سوائل ہیلتھ اینڈ مینجمنٹ کے توسط سے بدلتی ہوئی آب و ہوا کے تناظر میں زراعت کو زیادہ پائیدار بنایا جاسکے۔

آئی سی اے آر 25 ریاستوں/مرکز کے زیر انتظام علاقوں میں انٹیگریٹیڈ فارمنگ سسٹم (اے آئی سی آر پی-آئی ایف ایس) پر آل انڈیا کوآرڈنیٹیڈ ریسرچ پروگرام نافذ کرتا ہے جس کے ذریعے فصلوں کی تنوع کے لیے متبادل موثر فصل کے نظام کو تیار کیا جاتا ہے اور فروغ دیا جاتا ہے۔

پنجاب اور مغربی اترپردیش جیسی ریاستوں میں پردھان منتری راشٹریہ کرشی وکاس یوجنا کے تحت ڈی اے اینڈ ایف ڈبلیو، کراپ ڈائیورسیفکیشن پروگرام چلاتا ہے، تاکہ زیادہ پانی پر پروان چڑھنے والی دھان کی فصل کے رقبے کو دالوں، تلہنوں، موٹے اناج ، غذائی اناج، کپاس اور زرعی جنگلات جیسی متبادل فصلوں کی طرف موڑ دیا جائے۔ اس پروگرام کو تمباکو اگانے والی ریاستوں آندھرا پردیش، بہار، گجرات، کرناٹک، مہاراشٹر، اڈیشہ، تمل ناڈو، تلنگانہ،  اترپردیش اور مغربی بنگال تک بڑھایا گیا ہے تاکہ تمباکو اگانے والے کسانوں کو متبادل فصلوں/فصل کے نظام میں منتقل ہونے کی ترغیب دی جا سکے۔

ڈی اے اینڈ ایف ڈبلیو نے 2023-24 سے کرشی اُنتی یوجنا کے تحت فصلوں کے تنوع کے لیے آئی سی اے آر کے اے آئی سی آر پی-آئی ایف ایس پروگرام کے ذریعے 17 ریاستوں کے 75 نشان زد اضلاع میں ایک اور پائلٹ پروجیکٹ نافذ کیا، تاکہ موجودہ فصلوں کو کم پانی والی فصلوں جیسے دالوں، تلہن اور موٹے اناج کے ساتھ متنوع بنایا جا سکے۔ پروجیکٹ کے نفاذ میں کل 19 ریاستی زرعی یونیورسٹیاں اور 5 آئی سی اے آر ادارے شامل ہیں۔

این آئی سی آر اے پروجیکٹ کے تحت کم بارش والے علاقوں میں مونگ پھلی اور سرسوں کے ساتھ دھان اور گندم کی فصلوں کے تنوع کو بھی فروغ دیا جاتا ہے؛ درمیانی مدت کے سیاہ چنا کے ساتھ مکئی؛ سیلاب زدہ علاقوں کے لیے اعلیٰ قیمت والی سبزیاں؛ خشک سالی کے شکار علاقوں میں خطرے کو کم کرنے کے لیے بالترتیب شہتوت-سیریکلچر؛ اور مٹر، کپاس، سورج مکھی اور جوار کے متبادل فصل کے طور پر قلیل مدت کے فوکسٹیل ملیٹ کی اقسام کو فروغ دیا جاتا ہے۔

حکومت 2015-16 سے ملک میں مرکزی اسپانسرڈ اسکیم یعنی پر ڈراپ مور کراپ (پی ڈی ایم سی) نافذ کر رہی ہے۔ پی ڈی ایم سی مائیکرو ایریگیشن یعنی ڈرپ اور اسپرنکلر ایریگیشن سسٹم کے ذریعے فارم کی سطح پر پانی کے استعمال کی کارکردگی کو بڑھانے پر توجہ مرکوز کرتا ہے، جس میں اہم فصلوں سمیت مختلف فصلوں کا احاطہ کیا جاتا ہے۔ اسکیم کے تحت مائیکرو آبپاشی کی تنصیب کے لیے حکومت کی طرف سے چھوٹے اور معمولی کسانوں کے لیے 55 فیصد  اور دیگر کسانوں کے لیے 45 فیصد کی شرح سے مالی امداد فراہم کی جاتی ہے۔ آئی سی اے آر-انڈین انسٹی ٹیوٹ آف واٹر مینجمنٹ نے 26 نیٹ ورک مراکز کے ذریعے ڈرپ آبپاشی اور کھاد کے نظام الاوقات تیار کیے ہیں جو کسانوں تک پہنچائے جا رہے ہیں ۔

تمام 731 کرشی وگیان کیندروں (کے وی کے) میں ملک بھر میں فرنٹ لائن ڈیمونسٹریشن کی اسکیم کے ذریعے کسانوں کے کھیتوں پر لوکیشن اسپیسفک پائیدار ٹیکنالوجیز کا مظاہرہ کرکے آب و ہوا کے اعتبار سے پائیدار چیلنجوں سے نمٹنے کے لیے کئی سرگرمیاں انجام دی جاتی ہیں۔ این آئی سی آر اے کے ذریعے 28 ریاستوں اور 5 مرکز کے زیر انتظام علاقوں میں پھیلے اضلاع کے  151 کے وی کے میں کوششیں مزید تیز کی جا رہی ہیں۔

کے وی کے میں گاؤں کی سطح کے ادارے جیسے ولیج کلائمیٹ رسک مینجمنٹ کمیٹیاں ، بیج اور چارہ کے بینک اور کسٹم ہائرنگ سینٹر بھی ہیں جو کسانوں کو وقت پر زرعی کام کرنے میں مدد کرتے ہیں ۔ کے وی کے غیر معمولی موسمی حالات سے نمٹنے کے لیے کسانوں کو زرعی مشورے جاری کرنے میں بھی شامل ہیں ۔ مزید برآں ، آئی سی اے آر انسٹی ٹیوٹ اور زرعی یونیورسٹیاں کے وی کے، کے مضامین کے ماہرین کو تکنیکی بیک اسٹاپنگ فراہم کرتی ہیں تاکہ کسانوں تک مزید پھیلاؤ کے لیے آب و ہوا کے اعتبار سے پائیدار زراعت سے متعلق علم کو اپ گریڈ کیا جا سکے۔

یہ معلومات زراعت اور کسانوں کی بہبود کے وزیر مملکت جناب بھاگیرتھ چودھری نے آج لوک سبھا میں ایک تحریری جواب میں فراہم کیں۔

 

******

ش  ح۔ م م ۔ م ر

U-NO. 8289

(Release ID: 2111456)