آیورویدک سائنس میں تحقیق کی مرکزی کونسل(سی سی آر اے ایس)، آیوش کی وزارت، حکومت ہند، وزارت ثقافت کے قومی مشن برائے مخطوطات (این ایم ایم) کے تعاون سے، 13 مارچ سے 24 مارچ، 2025 تک مرکزی آیورویدک انسٹی ٹیوٹ (سی اے آر آئی) میں "آیورویدک مخطوطات پر نقل کی صلاحیت سازی ورکشاپ" کا انعقاد کر رہی ہے۔

اس طرح کی سرگرمی کی اہمیت کو تسلیم کرتے ہوئے اور کوششوں کے لیے سی سی آر اے ایس کی تعریف کرتے ہوئے، جناب پرتاپ راؤ جادھو، مرکزی وزیر مملکت (آئی سی)، آیوش کی وزارت نے کہا کہ "ہندوستان کا مخطوطہ ورثہ روایتی حکمت کا خزانہ ہے، اور آیوروید جدید حفظانِ صحت کے لیے بے پناہ صلاحیت رکھتا ہے۔ اس پہل قدمی  کے ذریعے، ہم نہ صرف ان انمول تحریروں کو محفوظ کر رہے ہیں بلکہ نوجوان دانشوران کو انہیں سمجھنے اور عصری تحقیق میں ضم کرنے کے لیے بھی بااختیار بنا رہے ہیں۔‘‘

آیوش کے وزیر نے مزید کہا، "یہ کوشش عالمی سطح پر آیوروید کو زندہ کرنے کے ہمارے عزم کو مضبوط کرتی ہے، اور ثبوت پر مبنی ادویات میں اس کی مطابقت کو یقینی بناتی ہے۔ مزید برآں، مخطوطات کے مطالعے میں مہارت کو فروغ دے کر، ہم صحت عامہ میں روایتی علم کے کردار کو بڑھاتے ہوئے آیوروید پیشہ ور افراد کے لیے روزگار کے نئے مواقع پیدا کر رہے ہیں۔ اس طرح کے اقدامات ماضی کو مستقبل کے ساتھ جوڑنے کے لیے ہندوستان کے عزم کی عکاسی کرتے ہیں، اور آیوروید کو آنے والی نسلوں کے لیے جامع اور سائنسی صحت کی دیکھ بھال کا سنگ بنیاد بناتے ہیں۔"

سائنسی برادری کے لیے اس پہل قدمی کی اہمیت پر زور دیتے ہوئے، آیوش کی وزارت کے سکریٹری، ویدیا راجیش کوٹیچا نے کہا، "آیورویدک مخطوطات کی نقل ایک اہم کوشش ہے جو روایتی حکمت کو جدید سائنسی تحقیقات کے ساتھ جوڑتی ہے۔ نوجوان دانشوروں  کو تنقیدی طور پر تجزیہ کرنے کی مہارت سے آراستہ کرکے، ہم آیورویدک تحقیق  کی نئی لہروں کو پروان چڑھا رہے ہیں۔ اس پہل قدمی سے کلاسیکی علم کی شواہد پر مبنی توثیق میں اضافہ ہوگا، جس سے عصری صحت کی دیکھ بھال اور عالمی طبی ترقی میں اس کے اطلاق کو یقینی بنایا جائے گا۔"

حکومت ہند کے 'گیان بھارت مشن' کے ساتھ ہم آہنگ، ورکشاپ ہندوستان کے مخطوطہ ورثے کے جائزے، دستاویزات اور تحفظ کی حمایت کرتی ہے۔ پروفیسر (ویدیہ) روی نارائن آچاریہ، ڈائریکٹر جنرل، سی سی آر اے ایس، نے زور دیتے ہوئے کہا، "سی سی آر اے ایس نے 5000 سے زیادہ طبی نسخوں کو ڈیجیٹائز کیا ہے اور متعدد کیٹلاگ بھی تیار کیے ہیں۔ اوڈیشہ کے پاس آیورویدک مخطوطات کا خزانہ ہے۔ یہ پہل قدمی مستقبل کی پیڑھیوں کے لیے ہندوستان کے طبی ورثے کو زندہ کرنے کی جانب ایک قدم ہے اور نوجوان آیوروید پیشہ ور افراد کے درمیان ملازمت کے نئے مواقع پیدا کرتی ہے۔"

ورکشاپ کا مقصد نوجوان آیورویدک محققین اور سنسکرت کے دانشوران کو آیورویدک مخطوطات کا مطالعہ، ترجمہ اور اشاعت میں تربیت دینا ہے، جس سے عصری تحقیق کے لیے ان کی وسیع صلاحیتوں کو کھولنا ہے۔ اوڈیشہ، اپنے متنی نسخے کے بھرپور ورثے کے ساتھ، ایک اہم موقع پیش کرتا ہے، اور یہ ورکشاپ آیورویدک علم کو محفوظ رکھنے اور فروغ دینے کے لیے ایک ہنر مند انسانی وسائل کے تالاب کی تعمیر میں مدد کرے گی۔ اوڈیشہ کے 30 اسکالرز 10 سے زیادہ نامور ماہرین کی رہنمائی میں شرکت کریں گے۔

آیورویدک ادبی تحقیق کے علمبردار کے طور پر، سی سی آر اے ایس نے 94 سے زیادہ کتابیں شائع کی ہیں اور نایاب مخطوطات کو محفوظ کرنے کے لیے آیوش مینو اسکرپٹس ایڈوانسڈ ریپوزٹری (اے ایم اے آر) اور آیورویدک تاریخی نقوش کی نمائش(ایس اے ایچ آئی) جیسے ڈیجیٹل پہل قدمیاں تیار کی ہیں۔ یہ ورکشاپ ایک ملک گیر سی سی آر اے ایس پہل قدمی کا حصہ ہے جس میں آیورویدک متنوں کا منظم طریقے سے مطالعہ اور تنقیدی تدوین کیا جائے گا۔

ملک بھر میں ورکشاپوں کے اس سلسلے کے ذریعے، سی سی آر اے ایس آیوروید کی ادبی تحقیق کو مضبوط بنانے کے لیے پرعزم ہے، اور اس امر کو یقینی بناتی ہے کہ ہندوستان کی روایتی طبی حکمت سائنسی ترقی اور سماجی بہبود کے لیے بامعنی بنی رہے۔ اس طرح کی کوششیں حفظانِ صحت کی بہتر فراہمی کے لیے روایتی علم کو سامنے لانے میں معاون ثابت ہوں گی۔

**********

 (ش ح –ا ب ن)

U.No:8284

(Release ID: 2111390) Visitor Counter : 8