આંતરરાષ્ટ્રીય મહિલા દિવસ નિમિત્તે શનિવારે રાણપુર, બોટાદ ખાતે આયોજિત એક વિશેષ કાર્યક્રમમાં સુરેન્દ્રનગરના સાંસદ શ્રી ચંદુભાઈ શિહોરા અને શ્રી મનોજ કુમાર, અધ્યક્ષ, ખાદી અને ગ્રામોદ્યોગ આયોગ (કેવીઆઈસી) ઉપસ્થિત રહ્યા હતા.

આંતરરાષ્ટ્રીય મહિલા દિવસ નિમિત્તે, શનિવારે બોટાદના રાણપુર ખાતે આયોજિત એક ખાસ કાર્યક્રમમાં, ભારત સરકારના સૂક્ષ્મ, લઘુ અને મધ્યમ ઉદ્યોગ મંત્રાલય, ખાદી અને ગ્રામોદ્યોગ આયોગ (KVIC) ના અધ્યક્ષ શ્રી મનોજ કુમારે સુરેન્દ્રનગરના સાંસદ શ્રી ચંદુભાઈ છગનભાઈજી શિહોરા સાથે મળીને ખાદી ક્ષેત્રમાં નોંધપાત્ર કાર્ય કરનાર 'નારી શક્તિ'નું સન્માન કર્યું. આ પ્રસંગે, ગ્રામોદ્યોગ વિકાસ યોજના અંતર્ગત સિલાઈ સમૃદ્ધિ યોજના હેઠળ ભાલકાંઠા ખાદી ગ્રામોદ્યોગ બોર્ડ અને ઉદ્યોગ ભારતી સંસ્થાના 100 કારીગરોને સિલાઈ મશીનો આપવામાં આવ્યા હતા. આ ઉપરાંત, ખાદી સંસ્થા ભાલનાકાંઠા ખાદી ગ્રામોદ્યોગ બોર્ડ, રાણપુરમાં છેલ્લા 25 વર્ષથી કાર્યરત કર્મયોગી બહેનોનું પણ સન્માન કરવામાં આવ્યું હતું. આ કાર્યક્રમમાં ધોળકાના ધારાસભ્ય શ્રી કિરીટસિંહ સરદારસંગ ડાભી, ધુંધુકાના ધારાસભ્ય શ્રી કાળુભાઈ ડાભી અને ગુજરાત સરકારના ભૂતપૂર્વ મંત્રી શ્રી ભૂપેન્દ્રસિંહ ચુડાસમા ઉપસ્થિત રહ્યા હતા. કાર્યક્રમ પહેલા, KVIC ના અધ્યક્ષે સુરેન્દ્રનગરમાં ગ્રામોત્થાન પબ્લિક સર્વિસ ટ્રસ્ટ સુરેન્દ્રનગર દ્વારા સંચાલિત ખાદી એમ્પોરિયમ, સ્વસ્તિક ચોક, મેઘનાની બાગ રોડ અને લોક સેવા ખાદી ગ્રામોદ્યોગ બોર્ડના નવીનીકરણ કરાયેલા મકાનોનું ઉદ્ઘાટન પણ કર્યું.

આ કાર્યક્રમને સંબોધતા કેવીઆઈસી અધ્યક્ષે કહ્યું કે પ્રધાનમંત્રી શ્રી નરેન્દ્ર મોદીની પ્રેરણાથી 'નવા ભારતની નવી ખાદી' મહિલા સશક્તીકરણની ઓળખ બની છે. તેમણે વધુમાં કહ્યું કે કેવીઆઈસી મહિલા સશક્તીકરણના આ અભિયાનને વધુ વેગ આપશે. તેમજ વધુને વધુ મહિલાઓને તાલીમ આપશે અને તેમના માટે માર્કેટિંગની વ્યાપક તકો પૂરી પાડશે. તેમણે એ પણ માહિતી આપી હતી કે પીએમઈજીપી, મધમાખી ઉછેર, અગરબત્તીઓનું ઉત્પાદન, માટીકામ અને ટેલરિંગ દ્વારા હજારો મહિલાઓને ઉદ્યોગ સાહસિકતાની તકો પૂરી પાડવામાં આવી રહી છે. ખાદીના ક્ષેત્રમાં મહિલાઓની ભાગીદારી પર વિશેષ ભાર મૂકતા તેમણે કહ્યું કે આ ક્ષેત્રમાં 80%થી વધુ યોગદાન માતાઓ અને બહેનોનું છે. મહિલાઓને આર્થિક રીતે સશક્ત બનાવવાના પ્રધાનમંત્રીના વિઝનને અનુરૂપ, ખાદી કારીગરોની આવકમાં 10 વર્ષમાં 213%નો વધારો થયો છે, જેનાથી લાખો મહિલાઓને આત્મનિર્ભર બનવાની તક મળી છે.

કાર્યક્રમ દરમિયાન કેવીઆઈસી ના અધ્યક્ષ શ્રી મનોજ કુમારે જણાવ્યું હતું કે પ્રધાનમંત્રી શ્રી નરેન્દ્ર મોદીની 'બ્રાન્ડ શક્તિ' ખાદીના વેચાણ અને ઉત્પાદનમાં ઐતિહાસિક વધારા તરફ દોરી ગઈ છે. તેમના સંબોધનમાં, તેમણે ખાદીના ક્ષેત્રમાં છેલ્લા 10 વર્ષની સિદ્ધિઓ પર પ્રકાશ પાડ્યો અને કહ્યું કે આ સમયગાળા દરમિયાન, ખાદી અને ગ્રામોદ્યોગ ઉત્પાદનોના વેચાણમાં 5 ગણો વધારો થયો છે. જે રૂ.31000  કરોડથી વધીને રૂ. 155000 કરોડ થયો છે. ખાદીના કપડાના વેચાણમાં 6 ગણો વધારો થયો છે.  જે રૂ. 1081 કરોડથી વધીને રૂ.6496 કરોડ થયો છે. જ્યારે ગત નાણાકીય વર્ષમાં 10.17 લાખ નવા લોકોને રોજગારી મળી છે.

કાર્યક્રમ પૂર્વે કેવીઆઈસીના અધ્યક્ષે સુરેન્દ્રનગરમાં ખાદી અને ગ્રામોદ્યોગ ભવન, સ્વસ્તિક ચોક અને લોક સેવા ખાદી ગ્રામોદ્યોગ બોર્ડની નવીનીકરણ કરેલી ઈમારતોનું પણ ઉદ્ઘાટન કર્યું હતું.

આ કાર્યક્રમમાં ખાદીના ક્ષેત્રે નોંધપાત્ર કામગીરી કરનાર ‘નારીશક્તિ’નું સન્માન કરવામાં આવ્યું હતું. આ પ્રસંગે ભાલનાકાંઠા ખાદી ગ્રામોદ્યોગ મંડળ અને ઉદ્યોગ ભારતી સંસ્થાના 100 કારીગરોને ‘ગ્રામોદ્યોગ વિકાસ યોજના’ અંતર્ગત સિલાઈ મશીન આપવામાં આવ્યા હતા. આ સાથે ખાદી સંસ્થા ભાલનાકાંઠા ખાદી ગ્રામોદ્યોગ મંડળ, રાણપુરમાં છેલ્લા 25 વર્ષથી કાર્યરત કર્મયોગી બહેનોનું પણ સન્માન કરવામાં આવ્યું હતું.

કાર્યક્રમમાં ધોળકાના ધારાસભ્ય શ્રી કિરીટસિંહ સરદારસંગ ડાભી, ધંધુકાના ધારાસભ્ય શ્રી કાળુભાઈ ડાભી અને ગુજરાત સરકારના સભ્યો તેમજ પૂર્વ મંત્રી શ્રી ભુપેન્દ્રસિંહ ચુડાસમા, ખાદી સંસ્થાઓના પ્રતિનિધિઓ, ગ્રામોદ્યોગ વિકાસ યોજનાના લાભાર્થીઓ, ખાદી કામદારો અને ગુજરાત સરકાર અને કેવીઆઈસીના અધિકારીઓ અને કર્મચારીઓ ઉપસ્થિત રહ્યા હતા.

AP/IJ/GP/JD

(Release ID: 2109655) Visitor Counter : 57