وزارت تعلیم نے آج نئی دہلی میں واقع شاستری بھون میں اپنے  کیمپس میں خواتین کا عالمی دن منایا، جس میں تمام محکموں کی خواتین ملازمین کو ان کے تعاون کا اعتراف کرنے، متاثر کن کہانیاں سنانے کے لیے اکٹھا کیا گیا۔ اس تقریب کا مقصد وزارت تعلیم میں خواتین کے تعاون کو تسلیم کرنا اور ایک انٹرایکٹیو سیشن کے ذریعے ان کی فلاح و بہبود کو فروغ دینا تھا۔

سکریٹری، محکمہ ہائر ایجوکیشن  جناب ونیت جوشی؛ ایڈیشنل سکریٹری سنیل کمار برنوال؛ ایڈیشنل سکریٹری، محکمہ اسکولی تعلیم اور خواندگی جناب آنندراؤ وشنو پاٹل؛ جوائنٹ سکریٹری ہائر ایجوکیشن، محترمہ رینا سونووال کولی کی موجودگی کے ساتھ اس موقع پر لطف اٹھایا گیا۔ اس تقریب کو این آئی ای پی اےکی وائس چانسلر ششی کلا ونجاری کی شرکت سے مزید اعزاز حاصل ہوا، جنہوں نے بطور مہمان خصوصی شرکت کی۔

تقریب کے دوران، جناب  ونیت جوشی نے کام کی انجام دہی میں خواتین کی لگن اور کارکردگی پر روشنی ڈالی، ان کی ذمہ داری اور احساس ذمہ داری پر زور دیا۔ انہوں نے سب کے لیے یکساں مواقع کو یقینی بناتے ہوئے صنفی افرادی قوت کو برقرار رکھنے کے لیے وزارت کے عزم پر زور دیا۔ انہوں نے ادارے کو مضبوط بنانے میں ان کی شراکت کا اعتراف کرتے ہوئے مختلف کرداروں میں خواتین کی طرف سے دکھائی جانے والی قیادت پر روشنی ڈالی۔

پروفیسر ششی کلا ونجاری نے اہلیہ بائی ہولکر اور جیجا بائی جیسی شخصیات سے تحریک لیتے ہوئے ہندوستانی تناظر میں خواتین کے غیر معمولی کردار پر زور دیا۔ انہوں نے اس بات پر روشنی ڈالی کہ کس طرح ان شخصیات نے خاندان اور انتظامیہ دونوں کو مؤثر طریقے سے منظم کیااور معاشرے کے لیے ایک مثال قائم کی۔

شرکاء کی حوصلہ افزائی اور انہیں بااختیار بنانے کے لیے ڈاکٹر جتیندر ناگپال، مول چند ہسپتال کے ماہر نفسیات نے ایک سیشن دیا جس میں خواتین ملازمین کی عمومی بہبود اور پیشہ ورانہ ترقی پر توجہ مرکوز کی گئی۔ سیشن نے صحت مند کام کے ماحول اور زندگی کے توازن کو برقرار رکھنے کے بارے میں قیمتی  مشورے دیئے۔

اس پروگرام میں وزارت تعلیم کی تمام خواتین ملازمین نے اس جشن میں شمولیت اختیار کی، جو وزارت کی خواتین افرادی قوت کی محنت اور لگن کو تسلیم کرنے کے عزم کی عکاسی کرتی ہے۔

***

ش ح - ظ ا

UR No.7972

(Release ID: 2109260) Visitor Counter : 17