ભારતીય માનક બ્યૂરો (BIS) એ ભારતની રાષ્ટ્રીય માનક સંસ્થા છે, જેની સ્થાપના BIS અધિનિયમ, 2016 હેઠળ કરવામાં આવી છે. તે અર્થતંત્રના વિવિધ ક્ષેત્રોમાં ઉત્પાદનો, પ્રક્રિયાઓ અને સેવાઓ માટે ભારતીય માનકો ઘડવા માટે અધિકૃત છે. તે ધોરણોના અમલીકરણને સુનિશ્ચિત કરવા માટે ગુણવત્તા પ્રમાણપત્ર સહિત અનુરૂપતા મૂલ્યાંકન યોજનાઓની રચના અને અમલીકરણ માટે પણ જવાબદાર છે.

બીઆઈએસ અમદાવાદ દ્વારા 25.02.2025ના રોજ હોટલ સરોવર પોર્ટિકો, અમદાવાદ ખાતે 'માનક મંથન"નું આયોજન કરવામાં આવ્યું હતું. આ કાર્યક્રમમાં અમદાવાદ મ્યુનિસિપલ કોર્પોરેશન, ગાંધીનગર મ્યુનિસિપલ કોર્પોરેશન, ગુજરાત અર્બન ડેવલપમેન્ટ કંપની લિમિટેડના અધિકારીઓ અને શૈક્ષણિક સંસ્થાઓના પ્રતિનિધિઓ, એનજીઓ અને ગ્રાહકો સહિતના સહભાગીઓએ ભાગ લીધો હતો અને મૂલ્યવાન પ્રતિસાદ/સૂચનો આપ્યા હતા. માનક મંથન એ નવા ઘડાયેલા ભારતીય માનકો અથવા વ્યાપક પ્રસાર હેઠળના માનકો અને નાગરિકો સાથે સંબંધિત મહત્વપૂર્ણ ઓળખ કરાયેલા ક્ષેત્રો પર ચર્ચા કરવા માટે દર મહિને BIS દ્વારા આયોજિત એક કાર્યક્રમ છે.

સલામતી અને ટકાઉ વિકાસને ધ્યાનમાં રાખીને સંબંધિત ક્ષેત્રોમાં તાજેતરના વિકાસને ધ્યાનમાં રાખીને વેસ્ટ ડિસ્પોસલ એન્ડ ટ્રીટમેન્ટ અંગેના માનકો તૈયાર કરવામાં આવ્યા છે.  આ માનકો વેસ્ટ ડિસ્પોસલ એન્ડ ટ્રીટમેન્ટ અંગેના માનકોમાં સામાન્ય રીતે લાગુ પડતી જરૂરિયાતોને સંબોધિત કરે છે.

બીઆઈએસ અમદાવાદના નિદેશક અને પ્રમુખ શ્રી સુમિત સેંગરે માનક મંથનના મહત્વ અને મ્યુનિસિપલ કોર્પોરેશન અને વેસ્ટ મેનેજમેન્ટ સંસ્થાઓની માનકીકરણની જરૂરિયાતો અને આકાંક્ષાઓને પહોંચી વળવામાં તેની ભૂમિકા પર ભાર મૂક્યો હતો.

વૈજ્ઞાનિક બી શ્રી મચા અરુણ કુમાર, વૈજ્ઞાનિક સી શ્રી શિવમ દ્વિવેદી અને વૈજ્ઞાનિક-ડી શ્રી ઈશાન ત્રિવેદીએ વેસ્ટ ડિસ્પોસલ એન્ડ ટ્રીટમેન્ટ અંગેના માનકો પર પ્રસ્તુતિઓ આપી હતી.

વૈજ્ઞાનિક-સી  શ્રી અજય ચંદેલે તમામ શ્રોતાઓને તેમની સક્રિય ભાગીદારી અને મૂલ્યવાન સૂચનો બદલ આભાર માન્યો હતો. તેમણે માહિતી આપી હતી કે, આવા સૂચનો આપણા ભારતીય માનકોને વધુ મજબૂત બનાવે છે, જે અંતિમ વપરાશકર્તા અને અન્ય હિતધારકો બંનેને મદદ કરે છે. માનકોમાં જરૂરી ફેરફારો સમાવવા માટે BIS ટેકનિકલ સમિતિ સાથે લેવા માટે, માનકો પર ટિપ્પણીઓ અમને અમારા ઇમેઇલ આઇડી: ahbo@bis.gov.in પર મોકલી શકાય છે.

 

AP/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 2106347) Visitor Counter : 89