اگر آپ کو ہندوستانی دستکاری کا شوق ہے لیکن پلیٹ فارم تلاش کرنے کے لیے جدوجہد کر رہے ہیں ، تو آپ کے لیے خوش خبری ہے !

چاہے آپ تخلیقی  نقطہ نظر کے ساتھ ابھرتے ہوئے فنکار ہوں یا اپنی رسائی کو بڑھانے کے خواہاں ہنر مند کاریگر ، ڈیجیٹل انڈیا کارپوریشن (ڈی آئی سی) کے یہ ٹولز اور پلیٹ فارم اس خلا کو پر کریں گے ، جس سے آپ کو اپنی صلاحیتوں کو ظاہر کرنے اور ڈیجیٹل دور میں ترقی کرنے کا موقع دستیاب ہوگا۔

الیکٹرانکس اور اطلاعاتی ٹیکنالوجی کی وزارت (ایم ای آئی ٹی وائی) کے تحت ڈیجیٹل انڈیا کارپوریشن (ڈی آئی سی) ہندوستان  کی سب سے بڑ ی عالمی ٹیکسٹائل  تقریب بھارت ٹیکس 2025 میں اپنے اقدامات پیش کر رہی ہے ۔

تین اہم پروجیکٹوں اور بھارت کے کاریگر مہم کے ذریعے ، ڈی آئی سی کاریگروں کو بڑے سامعین تک پہنچنے ، ان کے فن کا جشن منانے اور ان کی ہاتھ سے  تیار کردہ مصنوعات کے پیچھے کی کہانیوں کا اشتراک کرنے میں مدد کر رہا ہے ۔

بھارت ٹیکس2025   12-15 فروری 2025 کو انڈیا ایکسپوزیشن مارٹ ، گریٹر نوئیڈا اور 14-17 فروری 2025 کو بھارت منڈپم ، نئی دہلی میں منعقد ہوگا ۔

براہ کرم ایک روشن ، زیادہ جامع مستقبل کے لیے کاریگروں اور بنکروں کو بااختیار بنانے ، روایت اور ٹیکنالوجی کے امتزاج کا جشن منانے کے لیے اس  تقریب میں شامل ہوں ۔

ڈیجیٹل تبدیلی کے ذریعے کاریگروں کو بااختیار بنانا

 

الیکٹرانکس اور اطلاعاتی ٹیکنالوجی کی وزارت (ایم ای آئی ٹی وائی) کے تحت ڈیجیٹل انڈیا کارپوریشن (ڈی آئی سی) ہندوستان کی ڈیجیٹل تبدیلی میں پیش پیش رہی ہے ۔  جدید ترین ٹیکنالوجی کا فائدہ اٹھاتے ہوئے اور ڈیجیٹل  طور پربااختیار بنانے کو فروغ دیتے ہوئے ، ڈی آئی سی نے ملک کے ای کامرس منظر نامے کو  مستحکم کیا ہے اور ہینڈلوم اور دستکاری کے شعبے میں کاریگروں ، بنکروں اور دیہی کاروباریوں کے لیے مواقع میں اضافہ کیا ہے ۔

 نئی دہلی  میں واقع  بھارت منڈپم کے ہال نمبر 12 میں اسٹال نمبر12- اے 27  ٹیکسٹائل کے شعبے میں اختراع ، پائیداری اور اقتصادی طور پر بااختیار بنانے کے لیے حکومت کے عزم کی نشاندہی کرتے ہوئےتین اہم پروجیکٹوں پر روشنی ڈالی جائے گی  :

1. انڈین ہینڈ میڈ ڈاٹ کام

 انڈین ہینڈ میڈ ڈاٹ کام ایک ای کامرس مارکیٹ ہے جو خصوصی طور پر ہندوستانی ہینڈلوم اور دستکاری کی مصنوعات کے لئے ہے ۔ اس کا صارف دوست انٹرفیس ، محفوظ لین دین اور فروخت کنندگان کا مدد گار نظام کاروبار کرنے میں آسانی کو فروغ دیتے ہیں ۔ اس پلیٹ فارم میں 2500 سے زیادہ کاریگروں اور بنکروں اور 15,000 مصنوعات کی فہرست ہے ، جو انہیں اپنی مصنوعات کو براہ راست پورے ہندوستان میں فروخت کرنے کے لیے ایک خصوصی ای-مارکیٹ پلیس فراہم کرتی ہے ۔

 

2. ڈیجی بُنائی ٹی ایم

 

یہ ایک اوپن سورس سی اے ڈی سافٹ ویئر ہے ، جو ٹیکسٹائل ڈیزائن کے عمل کی ڈیجیٹل تبدیلی کو آسان بناتا ہے ۔ مفت سیکھنے اور استعمال کے پلیٹ فارم کی پیشکش پری لوم ڈیزائن تخلیق کو بہتر بناتی ہے ، روزی روٹی کے مواقع میں اضافہ کرتی ہے اور ہینڈلوم انڈسٹری میں خود روزگار کو فروغ دیتی ہے ۔ فی الحال ، ڈیجی بُنائی ٹی ایم ہندوستان کی 28 ریاستوں اور 6 مرکز کے زیر انتظام علاقوں میں 7000 سے زیادہ مستفیدین کو فروغ دے رہاہے ۔

 

سی اے ڈی فن کاری اور اختراع کے درمیان فرق کو ختم کرتا ہے ، بنکروں کو اپنے تخلیقی تصورات کو زندہ کرنے کے لیے بااختیار بناتا ہے ۔

 

3.  ای سارس ان

یہ ایک ای کامرس پلیٹ فارم ہے جسے خود منظم  اپنی مدد آپ گروپس (ایس ایچ جیز) اور خود مختار اداروں سےتصدیق شدہ دستکاری کی مصنوعات کی نمائش کرکے دیہی معاش کو بہتر بنانے کے لیے ڈیزائن کیا گیا ہے ۔  گھر اور رہائش سے لے کر ذاتی نگہداشت اور کھانے پینے کی اشیاء تک کے زمروں کے ساتھ ، ای سارس کاریگروں کو مناسب معاوضے کو یقینی بناتا ہے اور بچولیوں کے ذریعے قیمتوں میں ہیرا پھیری کو ختم کرتا ہے ۔

 

بھارت کے کاریگر سوشل اور ڈیجیٹل میڈیا مہم

جیسے جیسے بھارت ٹیک 2025 قریب آرہا ہے ، ڈیجیٹل انڈیا کارپوریشن نے ایک # بھارت کے کاریگر سماجی اور ڈیجیٹل میڈیا مہم بھی شروع کی ہے جو صارفین کو ہر ہاتھ سے تیار کردہ  مصنوعات کے پیچھے کی کہانیوں اور روایات سے جوڑتی ہے ، جس سے ہندوستانی  دستکاروں کے لیے فخر اور  اعزاز کا احساس پیدا ہوتا ہے ۔

 

ڈیجیٹل انڈیا کارپوریشن (ڈی آئی سی)

 

ڈیجیٹل انڈیا کارپوریشن (ڈی آئی سی) ایک غیر منافع بخش تنظیم ہے جسے حکومت ہند کی الیکٹرانکس اور  اطلاعاتی ٹیکنالوجی کی وزارت (ایم ای آئی ٹی وائی) نے کمپنیز ایکٹ 2013 کے سیکشن 8 کے تحت قائم کیا ہے ۔  آئی سی عام آدمی کو فائدہ پہنچانے کے مقصد سے  اطلاعات  اور مواصلات  کی ٹیکنالوجی (آئی سی ٹی) حل تیار کرکے اور تعینات کرکے ہندوستان کی ڈیجیٹل تبدیلی کو آگے بڑھانے میں اہم کردار ادا کرتا ہے ۔

 

******

ش ح۔م ش ۔ ش ب ن

U-NO.7232

(Release ID: 2104031) Visitor Counter : 22