چیف آف ڈیفنس اسٹاف جنرل انل چوہان نے ایرو انڈیا 2025 میں متعدد اعلیٰ سطحی مصروفیات کا انعقاد کیا، جس میں اسٹریٹجک دفاعی ساجھیداریاں قائم کرنے کے لیے بھارت کی آمادگی کا اظہار کیا گیا۔ اہم گفت و شنید میں پیسیفک ایئر فورس (یو ایس اے) کے کمانڈر جنرل کیون بی شنائیڈر، برطانیہ کے وزیر مملکت برائے دفاع لارڈ ورنن کوکر اور برطانیہ کے ایئر وائس مارشل ثریا مارشل، لیفٹیننٹ جنرل ابراہیم ناصر العلوی (متحدہ عرب امارات)، میجر جنرل ڈونگ وان ین (ویتنام)، میجر جنرل رو جون کالونیوائی لوگاوٹو (فیجی)، جنرل پال ویلنٹینو فیری (ملاوی) ، لیفٹیننٹ جنرل سلوم حاجی عثمان (تنزانیہ) اور وائس ایڈمرل ایکسون اوسوالڈو اسسینسیو البینو (ایل سلواڈور)سے ملاقاتیں شامل تھیں۔ گفت و شنید میں فوجی تعاون، استعداد کار بڑھانے اور دفاعی شعبے میں اسٹریٹجک ساجھیداری پر توجہ مرکوز کی گئی۔

سی ڈی ایس نے عالمی دفاعی صنعت کے رہنماؤں کے ساتھ بڑے پیمانے پر گفت و شنید کی، ساب اے بی، ایئربس، اسرائیل ایرو اسپیس انڈسٹریز، بی اے ای سسٹمز، ڈسالٹ ایوی ایشن اور رولس رائس سمیت بڑی ایرو اسپیس کمپنیوں کے ایگزیکٹوز کے ساتھ اسٹریٹجک تبادلہ خیال کیا۔ یہ گفت و شنید دیسی مینوفیکچرنگ، ٹکنالوجی کی منتقلی اور بھارت کے میک ان انڈیا اور آتم نربھر بھارت اقدامات کے تحت مخصوص صلاحیتوں کی ترقی پر مرکوز تھی۔

جنرل چوہان نے مختلف دفاعی پویلین کا بھی دورہ کیا اور بھارتی اور غیر ملکی دفاعی سازوسامان بنانے والوں، ایم ایس ایم ایز اور اسٹارٹ اپس دونوں کے ساتھ گفت و شنید کی۔ انھوں نے دوست ممالک کے فوجی طیاروں کی متاثر کن نمائش کا مشاہدہ کیا اور امریکہ سے ایف 35 ، جرمنی سے ایم آر ٹی ٹی ، اسپین سے اے 400 ، روس سے ایس یو 57 اور فرانس سے ایچ 125 سمیت صلاحیت اور کارکردگی کے پیرامیٹرز پر جامع بریفنگ لی۔

ایک قابل ذکر پیش رفت میں وزیر دفاع جناب راج ناتھ سنگھ نے اہم فوجی قیادت کی موجودگی میں ’نیٹ ورک سینٹرک ملٹی ڈومین آپریشنز‘ پر ایک تاریخی دستاویز کا اجرا کیا۔ ہیڈکوارٹرانٹیڈ ڈیفنس اسٹاف کے ذریعے تیار کردہ یہ اہم دستاویز مستقبل کی جنگ کے لیے بھارتی مسلح افواج کو تیار کرنے کے روڈ میپ کا خاکہ پیش کرتی ہے، جس میں تیزی سے بدلتی ہوئی فوجی ٹکنالوجیوں کے درمیان ڈیٹا پر مرکوز ماحول میں فیصلے کی برتری پر زور دیا گیا ہے۔

الجزائر کے وزیر دفاع اور الجزائر کی پیپلز نیشنل آرمی کے چیف آف اسٹاف جنرل چنگریہ سید کا دورہ ہند الجزائر کے دفاعی تعلقات میں ایک اہم سنگ میل کی حیثیت رکھتا ہے۔ بھارت کے اہم دفاعی اداروں اور صنعتی کمپلیکس کے اپنے جامع دورے کے دوران ، جنرل چنیگرہا نے دونوں ممالک کے مابین فوجی روایات اور ثقافتوں میں مماثلت پر گہری اطمینان کا اظہار کیا ، جس سے فوجی تعاون اور دفاعی جدیدکاری کے اقدامات میں اضافہ ہوا۔

ایرو انڈیا 2025 بھارت کے دفاعی ایکو سسٹم میں ایک تاریخی واقعہ کے طور پر ابھرا ہے ، جو ایک اہم مارکیٹ اور دفاعی ٹکنالوجی کے ابھرتے ہوئے پروڈیوسر دونوں کے طور پر ملک کے بڑھتے ہوئے قد کو ظاہر کرتا ہے۔ مختلف ممالک کے فوجی رہنماؤں کی بے مثال شرکت اور عالمی دفاعی صنعت کے بڑے اداروں کے ساتھ روابط بین الاقوامی دفاعی ساجھیداری کو تشکیل دینے میں بھارت کے اہم کردار کی نشاندہی کرتے ہیں۔ نمائش کی کامیابی نہ صرف دفاعی مینوفیکچرنگ میں خود کفیلی کے لیے بھارت کے عزم کو اجاگر کرتی ہے بلکہ ملک کو جدید فوجی نظام کی مشترکہ ترقی اور پیداوار کے لیے ایک قابل اعتماد شراکت دار کے طور پر بھی پیش کرتی ہے ، جو ’میک ان انڈیا، میک فار دی ورلڈ‘کے وژن کو عملی جامہ پہنانے کی سمت میں ایک اہم قدم ہے۔

***

(ش ح – ع ا)

U. No. 7119

(Release ID: 2103592) Visitor Counter : 49