حکومت ہند کے اسکل انڈیا مشن (ایس آئی ایم) کے تحت، ہنر مندی کی ترقی اور صنعت کاری کی وزارت (ایم ایس ڈی ای) مختلف اسکیموں کے تحت ہنر مندی کے فروغ کے مراکز/انسٹی ٹیوٹ کے وسیع نیٹ ورک - پردھان منتری کوشل وکاس یوجنا (پی ایم کے  وی وائِ)، جن سکھشن سنستھان (جے ایس ایس)، نیشنل اپرنٹس شپ پروموشن اسکیم (این اے پی ایس) اور کرافٹسمین ٹریننگ اسکیم (سی ٹی ایس) صنعتی تربیتی اداروں (آئی ٹی آئیز) کے ذریعے پورے ملک میں سماج کے تمام طبقات بشمول ریاست مغربی بنگال کے دیہی اور شہری علاقوں تک ہنر،مشقِ ہنر اور اعلیٰ مہارت کی تربیت فراہم کرتی ہے ۔ اس اسکیم کا مقصد ہندوستان کے نوجوانوں کو صنعت سے متعلقہ مہارتوں سے آراستہ مستقبل کے لیے تیار کرنے کے قابل بنانا ہے۔ ان اسکیموں کا خلاصہ درج ذیل ہے:

پردھان منتری کوشل وکاس یوجنا (پی ایم کے وی وائی): پی ایم کے وی وائی اسکیم دیہی علاقوں سمیت ملک بھر کے نوجوانوں کو شارٹ ٹرم ٹریننگ (ایس ٹی ٹی) کے ذریعے ہنر مندی کی ترقی کی تربیت فراہم کرنے اور پیشگی سیکھنے کی پہچان (آر پی ایل) کے ذریعے اپ اسکلنگ اور ری اسکلنگ کے لیے ہے۔

جن شکشن سنستھان (جے ایس ایس) اسکیم: جے ایس ایس کا بنیادی ہدف غیر خواندہ، نو خواندہ افراد اور 15-45 سال کی عمر کے گروپ میں 12ویں جماعت تک تعلیم کی ابتدائی سطح رکھنے والے افراد کو پیشہ ورانہ مہارتیں فراہم کرنا ہے، جس میں "دیویانگجن" اور دیگر معاملات میں عمر میں مناسب رعایت دی جاتی ہے۔ دیہی علاقوں اور شہری کم آمدنی والے علاقوں میں خواتین، ایس سی، ایس ٹی، او بی سی اور اقلیتوں کو ترجیح دی جاتی ہے۔

نیشنل اپرنٹس شپ پروموشن اسکیم (این اے پی ایس): یہ اسکیم اپرنٹس شپ ٹریننگ کو فروغ دینے اورنو آموزوں کو وظیفہ کی ادائیگی کے لیے مالی مدد فراہم کرکے نو آموزوں کی مصروفیت کو بڑھانے کے لیے ہے۔ تربیت بنیادی تربیت اور صنعت میں کام کی جگہ پر ملازمت کی تربیت / عملی تربیت پر مشتمل ہے۔

دستکاروں کی تربیتی اسکیم (سی ٹی ایس): یہ اسکیم ملک بھر میں صنعتی تربیتی اداروں (آئی ٹی آئیز) کے ذریعے طویل مدتی تربیت فراہم کرنے کے لیے ہے۔ آئی ٹی آئیز پیشہ ورانہ/ہنر مندی کے تربیتی کورسز کی ایک رینج پیش کرتے ہیں جس میں معاشی شعبوں کی ایک بڑی تعداد کا احاطہ کیا جاتا ہے جس کا مقصد صنعت کو ہنر مند افرادی قوت فراہم کرنے کے ساتھ ساتھ نوجوانوں کو خود روزگار فراہم کرنا ہے۔

کمپیوٹر کی تربیت فراہم کرنا اسکل انڈیا مشن (ایس آئی ایم) کے تحت مختلف اسکیموں کا ایک لازمی حصہ ہے۔ تمام کورسز اور کوالیفیکیشن پیک جو ایس آئی ایم کے تحت تربیت حاصل کرنے والوں کو تیار اور فراہم کیے گئے ہیں وہ نیشنل سکلز کوالیفیکیشن فریم ورک (این ایس کیو ایف) سے منسلک ہیں اور کورس میں شامل ڈیجیٹل اور نرم مہارتیں فراہم کرنے کے لیے وقف ماڈیولز ہیں۔ فی الحال، پی ایم کے  وی وائی 4.0 کے تحت، تربیت کمپیوٹر سے متعلق 17 ملازمتوں کے کرداروں میں دی جاتی ہے جیسے ویب ڈویلپر، سافٹ ویئر پروگرامر، ڈیٹا بیس ایڈمنسٹریٹر، اے آئی ڈیٹا ساءنٹسٹ، اے  آئی ڈیٹا انجینئر، وغیرہ۔جے یس ایس  اسکیم کے تحت، تربیت فراہم کی جاتی ہے جیسے کہ کمپیوٹر ایپلیکیشن، ڈومیسٹک اسسٹنٹ کورس، کمپیوٹر اسسٹنٹ، تمام ڈیٹا بیس کے تحت۔ پم ایم کے وی وائی ڈیجیٹل خواندگی پر تیس گھنٹے سے زیادہ کی تربیت دیتا ہے۔ نیز، ڈیجیٹل خواندگی سی ٹی ایس تربیتی پروگراموں کے نصاب کا ایک لازمی حصہ ہے۔ کمپیوٹر آپریٹر اور پروگرامنگ اسسٹنٹ، ڈیٹا بیس سسٹم اسسٹنٹ، سافٹ ویئر ٹیسٹنگ اسسٹنٹ، وغیرہ جیسے کمپیوٹر سے متعلق ٹریڈز میں تربیت دی جاتی ہے۔ این اے پی ایس کے تحت، اپرنٹس آئی سی ٹی سسٹم مین ٹیننس،سی اے ڈی-سی کام آپریٹر کم پروگرامر وغیرہ جیسے مخصوص ٹریڈز کا انتخاب کر سکتے ہیں۔

مزیدبر آں، وزارت صنعت کے ساتھ شراکت داری میں ابھرتی ہوئی ٹکنالوجیوں جیسے مصنوعی ذہانت اور ورچوئل رئیلٹی میں اسکل ہب انیشی ایٹو (ایس ایچ آئی) کے ذریعے طلباء کے علم اور قوتِ اظہار کو بڑھا رہی ہے، جس میں اسکولوں اور دیگر تعلیمی اداروں کے موجودہ انفراسٹرکچر کا استعمال، کمپیوٹر سائنس میں پیشگی پیشہ ورانہ کورسز، ، ڈیجیٹل ٹیکنالوجی وغیرہ کے طلباء کو IX سے XII کلاسوں  تک میں شامل کیا گیا ہے۔

ریاست گجرات کو پی ایم کے وی وائی کے تحت جاری کردہ فنڈز مالی سال 2023-24 کے دوران 13.08 کروڑ روپے ہیں۔ ۔ جے ایس ایس اسکیم کے تحت غیر سرکاری تنظیموں (این جی اوز) کو براہ راست فنڈز جاری کیے جا رہے ہیں۔ ریاست گجرات میں این جی اوز کو جاری کیے گئے فنڈز مالی سال 2023-24 کے دوران 4.48 کروڑ روپے ہیں ۔ اضلاع کو براہ راست فنڈز جاری نہیں کیے جاتے۔ آئی ٹی آئی کے سلسلے میں روزانہ کی انتظامیہ کے ساتھ ساتھ مالیاتی کنٹرول متعلقہ ریاستی حکومت / یو ٹی انتظامیہ کے پاس ہے۔ این اے پی ایس کے تحت، اداروں کو وظیفہ کی امداد کے ذریعے ترغیب دی جاتی ہے۔

******

ش ح ۔ ک ح۔ ع د

U-6651

(Release ID: 2103098)