نیشنل مشن فار کلین گنگا (این ایم سی جی) کی 60ویں ایگزیکٹیو کمیٹی کی میٹنگ جس کی صدارت ڈائریکٹر جنرل، این ایم سی جی نے کی نے دریائے گنگا کے تحفظ اور بحالی کے مقصد سے کئی اہم پروجیکٹوں کو منظوری دی۔ ان اقدامات کا مقصد صفائی کو بڑھانا، پائیدار ترقی کو فروغ دینا اور دریا کے ماحولیاتی اور ثقافتی ورثے کا تحفظ کرنا ہے۔

آلودگی سے نمٹنے کی سمت میں ایک اہم قدم میں کمیٹی نے درگا ڈرین کو روکنے اور اس کا رخ موڑنے اوراترپردیش کے وارانسی میں 274.31 کروڑ روپے کی لاگت سے 60 ایم ایل ڈی صلاحیت کے سیوریج ٹریٹمنٹ پلانٹ (ایس ٹی پی) کی تعمیر کو منظوری دی۔ ہائبرڈ اینوئیٹی ماڈل پر مبنی اس پروجیکٹ میں 75 ایم ایل ڈی صلاحیت کا مین پمپنگ اسٹیشن اور دیگر ضروری ڈھانچے شامل ہیں، جو طویل مدتی گندے پانی کے انتظام اور آلودگی پر قابو پانے کو یقینی بناتے ہیں۔

مزید برآں، بھدوہی میں گنگا کی ایک بڑی معاون دریا ورونا میں بغیر ٹریٹ کیے گئے گندے پانی کے بہاؤ کو روکنے کے لیے ایک اہم پروجیکٹ کو منظوری دی گئی۔ ₹127.26 کروڑ کی سرمایہ کاری کے ساتھ، یہ اقدام ایم ایل ڈی 17، ایم ایل ڈی 5 MLD، اور ایم ایل ڈی 3 کی صلاحیت کے ساتھ تین ایس ٹی پی ایس قائم کرے گا، جس کے ساتھ ایک وسیع سیوریج نیٹ ورک چار بڑے نالوں کو ٹیپ کرنے اور آلودگی کو روکنے کے لیے بنائے گا۔ یہ پروجیکٹ ڈیزائن-بلڈ-آپریٹ-ٹرانسفر (ڈی بی او ٹی) ماڈل کی پیروی کرتا ہے، جو آئندہ 15  برسوں میں پائیدار آپریشن اور دیکھ بھال کو یقینی بناتا ہے۔

NMCG کی ایگزیکٹو کمیٹی (EC) نے "گنگا تھرو دی ایجز - ایک ادبی بایوسکوپ" کی منظوری کے ساتھ ایک پیش رفت کا آغاز کیا ہے، جو ادب، تعلیم اور کمیونٹی کی شمولیت کے ذریعے گنگا کے تحفظ میں عوامی شرکت کو فروغ دینے کے لیے ڈیزائن کیا گیا ایک اختراعی پروجیکٹ ہے۔ نیشنل بک ٹرسٹ کے تعاون سے نافذ کیا گیا یہ اقدام، دریا کی تاریخی، روحانی اور ماحولیاتی اہمیت کو اجاگر کرے گا۔ گنگا موبائل پرکرما، چوپال گنگا کنارے، گنگا آگاہی ہفتہ، اور گنگا ایمبیسیڈر پروگرام جیسے پروگرام متعارف کرائے جائیں گے، جن میں موبائل لائبریریاں، ڈیجیٹل کہانی سنانے، اسکول کی ورکشاپس، اور دریا کے کنارے ادبی سیشن شامل ہوں گے۔ ان کوششوں کا مقصد طرز عمل میں تبدیلی کی ترغیب دینا اور تحفظ کی کوششوں میں کمیونٹی کی گہری شمولیت کی حوصلہ افزائی کرنا ہے۔

سائنسی ترقی کو مزید آگے بڑھاتے ہوئے کمیٹی نے مغربی بنگال میں نمامی گنگے مشن-II کے تحت پودے لگانے کا پتہ لگانے کے لیے ڈرون پر مبنی مانیٹرنگ پروجیکٹ کو بھی منظوری دی۔ یہ اقدام درختوں کی صحت کا جائزہ لے گا اور ایک ڈجیٹل ڈیٹابیس تیار کرے گا جس سے دریا کے کناروں کے ساتھ جنگلات کی مؤثر کوششوں کو یقینی بنائے گا۔

60 ویں این ایم سی جی ایگزیکٹو کمیٹی کی میٹنگ کے دوران منظور کیے گئے پروجیکٹ بنیادی ڈھانچے کی ترقی، آلودگی پر قابو پانے، اور عوامی مشغولیت کے ذریعے گنگا کے تحفظ کے لیے مشن کے عزم کی توثیق کرتے ہیں۔ کلیدی اقدامات میں سیوریج ٹریٹمنٹ پلانٹس اور جنگلات کے ساتھ ساتھ جدید ’گنگا تھرو دی ایجز - ا ے لٹریری  بائیسکوپ‘ پروجیکٹ شامل ہے تاکہ دریا کی بحالی کی کوششوں میں بیداری اور شرکت کو فروغ دیا جاسکے۔

میٹنگ میں  محترمہ رچا مشرا، جوائنٹ سکریٹری اور مالیاتی مشیر، آبی وسائل، دریا کی ترقی اور گنگا کی بحالی، جل شکتی کی وزارت، جناب نلین کمار سریواستو، ڈپٹی ڈائریکٹر جنرل، این ایم سی جی، جناب برجندر سوروپ، ایگزیکٹو ڈائریکٹر (پروجیکٹس)، جناب انوپ کمار سریواستو، ایگزیکٹو ڈائریکٹر (ٹیکنیکل ڈائریکٹر)،  جناب انوپ کمار سریواستو، ایگزیکٹیو ڈائریکٹر (ٹیکنیکل)(ایڈمنسٹریشن)، جناب  بھاسکر داس گپتا، ایگزیکٹو ڈائریکٹر (فنانس) اور محترمہ نندنی گھوش، پروجیکٹ ڈائریکٹر، مغربی بنگال ایس پی ایم جی، جناب یوگیش کمار ساگر، منیجنگ ڈائریکٹر، بہاربی یو آئی ڈی سی او اور جناب پربھاش کمار، ایڈیشنل پروجیکٹ ڈائریکٹر، اتر پردیش ایس ایم سی جی نے شرکت کی۔

****

ش ح۔  ظ ا

U.No: 6530

(Release ID: 2102510) Visitor Counter : 25