پردھان منتری آواس یوجنا گرامین (پی ایم اے وائی-جی) کا مقصد ان تمام افراد کے لیے پکے مکانات فراہم کرنا ہے جن کے پاس 2 کمروں یا اس سے کم کے کچے مکانات ہیں اور جن کے نام درست طور پر تصدیق شدہ مستقل انتظار کی فہرست (پی ڈبلیو ایل) اور آواس + فہرست میں شامل ہیں۔ سوشیو اکنامک کاسٹ سینسس (ایس ای سی سی) - 2011 کے تحت مقرر کردہ ہاؤسنگ سے محرومی کے پیرامیٹر اور اخراج کے معیار کی بنیاد پر استفادہ کنندگان کی شناخت کی گئی ہے۔ اخراج کے معیار کے اطلاق پر، ریاستوں/ مرکز زیر انتظام علاقوں کے لیے ایک ترجیحی فہرست تیار کی جاتی ہے جسے مستقل انتظار کی فہرست (پی ڈبلیو ایل) کہا جاتا ہے۔ اخراج کے اس عمل کا اطلاق ریاستوں/ مرکز زیر انتظام علاقوں کے ذریعہ آواس+ میں رجسٹرڈ مستفیدین پر بھی ہوتا ہے۔

مرکزی کابینہ نے 2 کروڑ اضافی دیہی مکانات کی تعمیر کے لیے مدد فراہم کرنے کے لیے مالی سال 2024-25 سے 2028-29 کے دوران مزید 5 سالوں کے لیے اسکیم کے نفاذ کو منظوری دی ہے۔ اسکیم کے تحت اخراج کے ترمیم شدہ معیارات کا استعمال کرتے ہوئے اہل دیہی گھرانوں کی شناخت کے لیے آواس + فہرست کو اپ ڈیٹ کرنے کے لیے بھی منظوری فراہم کی گئی ہے۔ مرکزی کابینہ کی منظوری کے مطابق، اس اسکیم کے تحت اضافی اہل دیہی گھرانوں کی شناخت کے لیے ایک سروے کیا جا رہا ہے۔ یہ سروے آواس+ 2024 موبائل ایپ کے ذریعے کیا جا رہا ہے جو کہ ترمیم شدہ اخراج کے معیار کے ساتھ 17.09.2024 کو پہلے ہی شروع کیا جا چکا ہے۔

مرکزی کابینہ نے 2 کروڑ مزید مکانات کی تعمیر کے لیے موجودہ یونٹ امداد کے مطابق مارچ 2029 تک پی ایم اے وائی-جی کو جاری رکھنے کی منظوری دی ہے۔

دیہی ترقی کے وزیر مملکت  ڈاکٹر چندر شیکھر پیمسانی نے آج لوک سبھا میں ایک تحریری جواب میں یہ معلومات فراہم کی۔

***

ش ح۔ ف ش ع

U: 6463

(Release ID: 2102074) Visitor Counter : 29