بالی جاترا ایک تہوار ہے جو اڈیشہ اور جنوب مشرقی ایشیائی ممالک، خاص طور پر بالی کے درمیان سمندری تجارت اور ثقافتی تبادلے کی یاد مناتا ہے۔ یہ تہوار ہر سال کٹک، اڈیشہ میں منایا جاتا ہے اور لاکھوں زائرین کو راغب کرتا ہے۔ بالی جاترا کا لفظی مطلب ہے 'بالی کا سفر'۔ ہر سال کارتیکا پورنیما اس دن کی نشاندہی کرتا ہے جب سمندری تجارت کرنے والے تاجر انڈونیشیا کے جزائر کے لیے روانہ ہوتے ہیں۔ اس تہوار کے لیے، اوڈیشہ کے لوگ اپنی شاندار سمندری تاریخ کا جشن منانے کے لیے رنگ برنگے لباس میں بڑی تعداد میں جمع ہوتے ہیں۔ اس جشن میں عظیم الشان میلے، وسیع سواری، کھانا اور رقص شامل ہیں۔ ہندوستانی خواتین 'بوئٹا بندنا' پیش کرتی ہیں، وہ کاغذ یا کیلے کے پتوں کی کشتیاں بناتی ہیں جس کے اندر روشن لیمپ ہوتے ہیں اور انہیں جشن کے ایک حصے کے طور پر مہاندی میں تیرتے ہیں۔ بالی جاترا ان ماہر ملاحوں کی ہوشیاری اور مہارت کا جشن مناتی ہے جنہوں نے کلنگا کو اپنے وقت کی سب سے خوشحال سلطنتوں میں سے ایک بنایا۔

اس میلے کا اہتمام حکومت کے محکمہ ثقافت اور سیاحت نے کیا ہے۔ اڈیشہ کے ایسٹرن زونل کلچرل سینٹر (ای زیڈ سی سی)، کولکتہ، جو کہ وزارت ثقافت کے تحت ایک خود مختار ادارہ ہے، ثقافتی پروگراموں کے انعقاد کے لیے جاترا کے دوران ثقافتی طائفے فراہم کرکے اس تقریب میں شرکت کرتا ہے، جس کی تفصیلات درج ذیل ہیں:

 

 

 

 

 

 

 

 

 

 

 

 

آزادی کے امرت مہوتسو کے تحت، تاریخی بالی جاترا کے افتتاح کے ساتھ ہی، ریاست کی شاندار سمندری تاریخ پر توجہ مرکوز کرنے کے لیے کٹک کے اوڈیشہ میری ٹائم میوزیم میں تین روزہ قومی دھارا پروگرام ’سمودرمنتھن‘ کا انعقاد کیا گیا۔ اس تقریب میں ملک کی سمندری تاریخ کے مقامات، روایات، جہاز سازی، نیوی گیشن، تجارتی اور ثقافتی تبادلے، میری ٹائم سیکیورٹی اور بین الاقوامی قانون پر پینل اور گول میز مباحثے شامل تھے۔

جاترا اوڈیشہ اور دیگر ریاستوں کے درمیان ثقافتی تبادلے کی سہولت فراہم کرتی ہے، ثقافتی تفہیم کو فروغ دیتی ہے۔ جاترا روایتی اوڈیا فنکاروں، کاریگروں اور موسیقاروں کو اپنی صلاحیتوں کا مظاہرہ کرنے کے لیے ایک پلیٹ فارم بھی فراہم کرتی ہے جو اوڈیا ثقافت کو زندہ کرنے اور فروغ دینے میں مدد کرتی ہے۔

یہ معلومات ثقافت اور سیاحت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب میں دی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ن م(

6202

(Release ID: 2100464) Visitor Counter : 30