دیہی ترقی کے وزیر مملکت جناب کملیش پاسوان نے آج لوک سبھا میں ایک تحریری جواب میں یہ اطلاع  دی ہے کہ حکومت نے  2024-2023  تک دین دیال انتیودیا یوجنا- قومی  دیہی  روزگار مشن (ڈی اے وائی- این آر ایل ایم ) کے تحت 10 کروڑ دیہی کنبوں  کو ایس ایچ جیز میں  شامل کرنے   کا ہدف مقرر کیا تھا۔ مارچ  2024 میں 10 کروڑ کنبوں  کو شامل  کرنے کا ہدف حاصل کیا گیا تھا۔

دین دیال انتیودیا یوجنا - قومی  دیہی  روزگار مشن  (ڈی اے وائی- این آر ایل ایم ) کے تحت ریاستی/ مرکز کے زیر انتظام علاقے کے لحاظ سے  اہداف اور گھرانوں کی تعداد کو ضمیمہ میں دیا گیا ہے۔

نیلور ضلع میں 37 دیہی بلاکس ہیں۔ تمام 37 بلاکس ڈی اے وائی- این آر ایل ایم کے تحت آتے ہیں۔

آندھرا پردیش کے لیے گزشتہ تین مالیاتی سالوں کے لیے دین دیال انتیودیا یوجنا- قومی  دیہی  روزگار مشن  (ڈی اے وائی- این آر ایل ایم) کے تحت مرکزی مختص کی رقم 756 کروڑ روپے ہے۔ تاہم  377 کروڑ روپے جاری کیے گئے۔ پوری رقم جاری نہ کرنے کی وجہ ٹریژری سے فنڈز کی وصولی میں تاخیر کی وجہ سے ریاست کی طرف سے تجاویز پیش نہ کرنا ہے۔

موجودہ مالی سال کے لیے، آندھرا پردیش کے لیے ڈی اے وائی- این آر ایل ایم کے تحت منظور شدہ مرکزی حصہ 307.69 کروڑ روپے ہے جس میں سے اب تک 76.92 کروڑ روپے جاری کیے گئے ہیں۔

مہیلا کسان سشکتیکرن پریوجنا (ایم کے ایس پی) ، ڈی اے وائی- این آر ایل ایم کے تحت ایک کلیدی ذیلی اسکیم  ہےجس کا مقصد مہیلا کسانوں ککے روزگار  اور آمدنی میں اضافہ کرنا ہے۔ وزارت نے 2011 میں  ایم کے ایس پی کے تحت 13 پروجیکٹوں کو منظوری دی تھی، جن میں آندھرا پردیش کے نیلور ضلع بھی شامل ہے۔ دو توسیعوں کی منظوری کے بعد، یہ منصوبے مالی سال 2019 میں بند ہو گئے تھے۔

مالی سال  2024-2023  کے لیے، وزارت نے ایم کے ایس پی کے لیے 64 کروڑ روپے کے ایک سالانہ ایکشن پلان کی منظوری دی،  جس میں مرکز کا  حصہ 38.40 کروڑ روپے  اور ریاست کا حصہ 25.60 کروڑ  روپے ہے۔مذکورہ سال کےفزیکل   ہدف میں  ایم کے ایس پی کے تحت 160 انٹیگریٹڈ فارمنگ کلسٹرز (آئی ایف سی) کی تشکیل شامل تھی۔ تاہم، آندھرا پردیش ایس آر ایل ایم  نے مالی سال 2024-2023  میں ایم کے ایس پی  کے لیے بجٹ ہیڈ کو نہیں کھولا ہے۔ مزید برآں،  مالی سال 2024-2023 میں  مالیاتی بندوبست کے سرکاری نظام(پی ایف ایم ایس ) ٹی آر ایس وائی-07  کی رپورٹ  میں ایم کے ایس پی بجٹ کی فراہمی کو ظاہر نہیں کیا گیا، جو محکمہ اخراجات کے اصولوں کے مطابق مرکز کے تعاون   سے چلنے والی اسکیموں کے تحت فنڈز کے اجراء کے لیے لازمی ہیں۔ جس کی وجہ سے وزارت نے مالی سال 2024-2023  کے دوران آندھرا پردیش ایس آر ایل ایم  کو ایم کے ایس پی  کے لیے کوئی فنڈ جاری نہیں کیا ہے۔ مالی سال 2025-2024 کے لیے کل مختص 15 کروڑ روپے(مرکز کے 9 کروڑ + ریاست کے 6 کروڑ روپے)  میں سے 2.25 کروڑ روپے کی رقم مرکزی حصہ کے ایک حصے کے طور پر جاری  کی گئی ہے۔

اسٹارٹ اپ  دیہی صنعت کاری پروگرام(ایس وی ای پی) کے بارے میں، جو   ایک مانگ پر مبنی اسکیم ہے، ریاست کی طرف سے تفصیلی پروجیکٹ رپورٹس(ڈی پی آر ایس) جمع کرانے کی بنیاد پر فنڈز جاری کیے جاتے ہیں۔ تاہم، آندھرا پردیش ایس آر ایل ایم نے ایس ویای پی اجزاء کے لیے مطلوبہ ڈی پی آر ایس اور مالیاتی دستاویزات جمع کرانے میں تاخیر کی ہے، جس کی وجہ سے پروگرام کے لیے فنڈز کے بروقت اجراء میں بھی تاخیر ہوئی ہے۔ کل مختص روپے میں سے مالی سال 2024-25 کے لیے 13.33 کروڑ (8 کروڑ روپے مرکزی حصہ + 5.33 کروڑ روپے ریاستی حصہ)، مرکز کی طرف سے 2 کروڑ روپے رقم  جاری کی گئی ہے۔

 

۔۔۔۔۔۔۔۔۔۔۔

ش ح۔ ک ح ۔رض

U-6150

                          

(Release ID: 2100198) Visitor Counter : 36