آدھار (مالی اور دیگر سبسڈیوں، فوائد اور خدمات کی ٹارگٹڈ ڈیلیوری) ایکٹ، 2016 کے تحت گڈ گورننس (سماجی بہبود، اختراع، علم) ترمیمی قواعد، 2025 کے لیے آدھار کی توثیق کو الیکٹرانکس اور انفارمیشن ٹیکنالوجی کی وزارت نے آج مطلع کیا ہے۔ یہ ترمیم فیصلہ سازی کے عمل میں شفافیت اور شمولیت کو بہتر بنانے میں مدد کے لیے کی گئی ہے۔

زندگی میں آسانی کے لیے آدھار کی توثیق کو بڑھانا

اس ترمیم میں آدھار کی تصدیق کے دائرہ کار اور افادیت کو بہتر بنانے کی کوشش کی گئی ہے تاکہ اچھی حکمرانی، سماجی بہبود، اختراعات اور علم کی ترسیل کو مزید فروغ دیا جا سکے جس سے خدمت کی فراہمی کو بہتر بنانے کے لیے آدھار کے استعمال کی اجازت دی جائے اور اس طرح رہائشیوں کے لیے زندگی کی آسانی میں اضافہ ہو اور ان کے لیے مختلف خدمات تک بہتر رسائی کو ممکن بنایا جا سکے۔ اس ترمیم سے لوگوں کو بغیر کسی رکاوٹ کے ای کامرس، سفر، سیاحت، مہمان نوازی اور صحت کے شعبے وغیرہ کی خدمات حاصل کرنے میں مدد ملے گی جو سرکاری اداروں کے علاوہ دیگر اداروں کی طرف سے فراہم کی جا رہی ہیں۔

یہ ترمیم سرکاری اور غیر سرکاری دونوں اداروں کو اس قابل بناتی ہے کہ وہ متعلقہ مخصوص مقاصد کے لیے عوامی مفاد میں مختلف خدمات فراہم کرنے کے لیے آدھار کی توثیق کی خدمات حاصل کر سکیں جیسے جدت طرازی کے قابل بنانا، علم کا پھیلاؤ، رہائشیوں کی زندگی میں آسانی کو فروغ دینا اور ان کے لیے خدمات تک بہتر رسائی کو ممکن بنانا۔ اس سے سروس فراہم کرنے والوں کے ساتھ ساتھ خدمت کے متلاشیوں کو بھی قابل اعتماد لین دین کرنے میں مدد ملے گی۔

آدھار کی توثیق کی درخواستوں کے لیے منظوری کا ہموار عمل

آدھار کی توثیق کے خواہاں کسی بھی ادارے کو مطلوبہ ضروریات کی تفصیلات کے ساتھ مرکزی یا ریاستی حکومت کی متعلقہ وزارت یا محکمہ کو اس مقصد کے لیے پورٹل پر دستیاب فارمیٹ میں درخواست دینے کی ضرورت ہوگی۔ درخواستوں کی جانچ UIDAI کرے گی اور MeitY UIDAI کی سفارش کی بنیاد پر منظوری جاری کرے گا۔ MeitY سے تصدیق حاصل کرنے کے بعد مرکزی یا ریاستی حکومت کی متعلقہ وزارت یا محکمہ آدھار کے استعمال کے لیے ادارے کو مطلع کرے گا۔

اس ترمیم سے افراد کے لیے موثر اور ہموار آدھار سے چلنے والی خدمات تک رسائی کو بڑھانے کی امید ہے۔ یہ آدھار کی توثیق سے فائدہ اٹھاتے ہوئے اختراعی ڈیجیٹل حلوں کی ترقی کی حوصلہ افزائی کرے گا اور بہتر حکمرانی کے حل کے لیے حکومت اور دیگر اداروں کے درمیان شراکت داری کو مضبوط کرے گا۔

*****

U.No:6115

ش ح۔ح ن۔س ا