953327 کارپورل ڈابھی سنجے ہفا بائی ماحولیاتی سپورٹ سروس اسسٹنٹ کو 28 دسمبر 11 کو آئی اے ایف میں شامل کیا گیا تھا اور وہ 03 اکتوبر سے ٹرانسپورٹیبل راڈار یونٹ میں تعینات ہیں۔

04 مئی 24 کو کارپورل ڈابھی کو اشوک لیلینڈ اسٹالین گاڑی کے لیے انڈین آرمی فیلڈ سپلائی ڈپو سے راشن لینے کے لیے مسلح ایسکارٹ کے طور پر بھیجاگیا۔ صبح 1759 بجے کے قریب فیلڈ سپلائی ڈپو سے واپس آتے وقت تین دہشت گردوں نے یونٹ آپریشن کے مقام سے ڈیڑھ کلومیٹر کے فاصلے پر شاہستار میں ڈوبا رج کے قریب گھات لگا کر گاڑی پر حملہ کردیا۔

حملے کے وقت وہ کیبن کی پچھلی نشست کے انتہائی بائیں جانب اپنے متعین کردار کے مطابق اپنے دو ساتھی مسلح محافظوں کے ساتھ بیٹھے ہوئے تھے۔ دونوں اطراف سے چھوٹے ہتھیاروں سے فائرنگ اور دستی بم حملے کی وجہ سے ان کے دائیں ہاتھ میں گولیاں لگیں اور ان کے چہرے اور جسم کے اوپری حصے پر کئی چوٹیں آئیں۔ اپنی گولی کے زخم اور بے تحاشا خون بہنے کی پرواکیے بغیر ، انھوں نے اپنا سکون برقرار رکھا ، حکمت عملی کے ساتھ خود کو ایڈجسٹ کیا اور اپنے ذاتی ہتھیار (اے کے -103) سے بائیں طرف کی کھڑکی سے دہشت گردوں پر جوابی فائرنگ کردی۔ وہ اس حملے کا سب سے پہلے مقابلہ کرنے والے تھے اور مختلف زاویوں سے دہشت گردوں پر تابڑ توڑ گولیاں چلاتے رہے ۔ ان کی ٹیکٹیکل فائرنگ کی وجہ سے، پیش قدمی کرنے والے دہشت گردوں میں سے ایک کو گاڑی سے محض 20 میٹر کے فاصلے پر موجود ایک پتھر کے پیچھے چھپنا پڑا۔ تاہم، کارپورل ڈابھی نے اس کے مقصد کو بھانپ لیا اور چھپے ہوئے دہشت گرد کی ممکنہ پوزیشن کی طرف گولی چلاتے رہےجس سے اس کی گاڑی کی طرف پیش قدمی کو روکنے میں مدد ملی اور آخر کار دہشت گردوں کو قریبی جنگل میں پیچھے ہٹنے پر مجبور ہونا پڑا۔ کارپورل ڈابھی کے اس جرات مندانہ اقدام کے نتیجے میں ان کی ٹیم کے ممبروں کی قیمتی جانیں بچ گئیں اور سروس املاک کو نقصان نہیں پہنچا۔

انتہائی مشکلات کے باوجود انھوں نے اپنے ذاتی موبائل سے یونٹ کے ساتھ رابطہ قائم کیا اور گھات کے بارے میں جائے وقوعہ کی صورت حال سے آگاہ کیا جس کے نتیجے میں ضروری طبی امداد کے ساتھ فوری انخلا ٹیم  موقع پر پہنچ سکی۔

غیر معمولی جرأت اور مثالی بہادری کے لیے کارپورل ڈابھی سنجے ہفا بائی کو ’شوریہ چکر‘ سے نوازا گیا ہے۔

***

(ش ح – ع ا)

U. No. 5624

(Release ID: 2096143) Visitor Counter : 30