سائنس اور ٹیکنالوجی کے مرکزی وزیر مملکت (آزادانہ چارج)، ارضیاتی  سائنس کے وزیر مملکت (آزادانہ چارج)، وزیر اعظم کے دفتر ، جوہری توانائی کے محکمے، خلائی محکمہ، اور عملہ، عوامی شکایات اور پنشن کے  وزیر مملکت ، ڈاکٹر جتیندر سنگھ نے 17 جنوری کو ممبئی میں ہندوستان کے اپنی نوعیت کے پہلے سی ایس آئی آر  میگا "انوویشن کمپلیکس" کا ورچوئل موڈ کے ذریعے افتتاح کیا۔ اسے اسٹارٹ اپس اور انڈسٹری کے اسٹیک ہولڈرز کے نام وقف کر دیا۔

ممبئی میں نیا انوویشن کمپلیکس، جس کا افتتاح سائنس اور ٹیکنالوجی کے مرکزی وزیر نے کیا، ایک بہت بڑا جدید ترین سیٹ اپ ہے جو نو منزلوں پر محیط ہے، جس میں آراستہ آفس  اور جدید اسٹارٹ اپ، ایم ایس ایم ای ، صنعت اور سی ایس آئی آر   لیب کے لیے نیٹ ورکنگ کی جگہوں  کے علاوہ 24 "ریڈی ٹو موو" انکیوبیشن لیب سے لیس ہے۔  اعلی درجے کا سائنسی بنیادی ڈھانچہ، مہارت، اور سی ایس آئی آر   لیب ، اسٹارٹ اپ، ایم ایس ایم ای ، اور صنعت سمیت شراکت داروں کو ریگولیٹری گذارشات اور تعمیل کے لیے ضروری ایس او پی پر مبنی مطالعات کے لیے ریگولیٹری مدد فراہم کرے گی۔

کمپلیکس میں ریڈی ٹو موو ورلڈ کلاس انکیوبیشن لیب اور اختراعی اسٹارٹ اپس کے لیے آئی پی/بزنس ڈیولپمنٹ سپورٹ، سی ایس آئی آر   لیب کے ساتھ شراکت کرنے والی کمپنیاں، ایم ایس ایم ای ، ہندوستان اور بیرون ملک  ڈیپ ٹیک کمپنیاں، سرکاری  مالی اعانت سے چلنے والے تحقیقی ادارے، اور سی ایس آئی آر   لیب شامل ہیں۔"

سامعین کے جوش و خروش کو دیکھتے ہوئے، ڈاکٹر جتیندر سنگھ نے  کہا ، "یہ افتتاح صرف آغاز ہے۔ ہم مستقبل کی صلاحیت کے بارے میں بہت پرجوش ہیں اور یہ انوویشن کمپلیکس ہندوستان کی ترقی کی کہانی میں بہت زیادہ تعاون کرے گا۔

نریندر مودی نے اپنے وژن سے  ہندوستان کو اسٹارٹ اپ اور اختراعات کے لیے ایک عالمی مرکز کے طور پر ابھرنے کے قابل بنایا ہے۔ انہوں نے اس کمپلیکس کے افتتاح کو ایک اور تاریخی قدم قرار دیا۔ انہوں نے اس بات کا اعادہ کیا کہ وزیر اعظم جناب نریندر مودی کی دور اندیش قیادت میں ہندوستان اسٹارٹ اپ اور اختراعات کے عالمی مرکز کے طور پر ابھرا ہے۔

ڈاکٹر جتیندر سنگھ نے کہا، "ہمیں دنیا کا تیسرا سب سے بڑا سٹارٹ اپ ایکو سسٹم ہونے پر فخر ہے، جس میں 100 سے زیادہ یونی کورن شامل  ہیں جو ہندوستان کے کاروباری جذبے کا ثبوت ہیں۔ یہ قابل ذکر ترقی نوجوانوں کو بااختیار بنانے اور معاشی خود انحصاری کو آگے بڑھانے کے لیے ہماری حکومت کی جانب سے متعارف کرائے گئے تبدیلی کے اقدامات اور پالیسیوں کی عکاس ہے۔

سائنس اور ٹکنالوجی کے وزیر نے مزید روشنی ڈالی کہ سی ایس آئی آر انوویشن کمپلیکس ،ممبئی ، ہندوستان کے آغاز کے سفر میں ایک اہم لمحے پر آتا ہے۔

وزیر موصوف کے مطابق، جدید ترین سہولت کو انکیوبیشن اور کاروباری جگہیں فراہم کرنے کے لیے ڈیزائن کیا گیا ہے، جس سے اسٹارٹ اپس، ایم ایس ایم ای اور صنعت کے  شراکت داروں کو سی ایس آئی آر کے محققین اور اختراع کاروں کے نیٹ ورک کے ساتھ تعاون کرنے کے قابل بنایا گیا ہے۔ یہ جدید سائنس اور حقیقی دنیا کے چیلنجوں سے نمٹنے کے لیے  ایک پل کا کام کرتا ہے، اس طرح  خود انحصار بھارت کے وژن میں  تعاون پیش کرتا ہے۔

انہوں نے انوویشن کمپلیکس کو سی ایس آئی آر کے لیے ایک اہم سنگ میل قرار دیا، جو ہندوستان کے اختراعی منظر نامے میں ایک بڑی چھلانگ کی نمائندگی کرتا ہے اور سائنس اور ٹکنالوجی میں ایک عالمی رہنما کے طور پر ملک کی پوزیشن کو مضبوط کرتا ہے۔ ڈاکٹر جتیندر سنگھ نے اسٹارٹ اپس، ایم ایس ایم ای اور سی ایس آئی آر   لیب کے لیے اہم ضروریات (لیب سے ریگولیٹر اور ریگولیٹر سے انڈسٹری کے ڈومینز تک) کو فروغ دینے کے لیے ڈیزائن کیے گئے اعلیٰ درجے کے سائنسی بنیادی ڈھانچے اور مہارت پر روشنی ڈالی۔

ڈاکٹر جتیندر سنگھ نے مطلع کیا کہ آئی سی-ممبئی  شراکت داروں (سی ایس آئی آر   لیب ، سٹارٹ اپس، ایم ایس ایم ای ، اور صنعت) کو اعلی درجے کا سائنسی بنیادی ڈھانچہ، مہارت اور ریگولیٹری سپورٹ فراہم کرے گا جو کہ ریگولیٹری گذارشات اور تعمیل کے لیے ضروری ایس او پی  پر مبنی مطالعات کے لیے  مخصوص ہیں۔

مزید برآں ، انہوں نے کہا، "اس سہولت میں عالمی معیار کی انکیوبیشن لیب اور آئی پی/بزنس ڈیولپمنٹ سپورٹ، اختراعی اسٹارٹ اپس، سی ایس آئی آر   لیب کے ساتھ شراکت کرنے والی کمپنیاں، ایم ایس ایم ای ، ہندوستان اور بیرون ملک سے ڈیپ ٹیک کمپنیاں،  مالی امداد والے تحقیقی ادارے اور سی ایس آئی آر   لیب شامل ہیں۔

صنعت اور اسٹارٹ اپس کوآگاہ کرتے ہوئے، ڈاکٹر جتیندر سنگھ نے کہا کہ یہ کمپلیکس کلیدی صنعتی شعبوں جیسے کہ صحت کی دیکھ بھال (فارما، بایو فارما، میڈٹیک)، کیمیکل ، توانائی، اور سی ایس آئی آر   لیب کے لیے دلچسپی کے دیگر متعلقہ شعبے میں  تعاون اور شراکت کے لیے ایک اختراعی اور معاون مرکز کے طور پر کام کرے گا۔

اپنے تبصرے کا اختتام کرتے ہوئے، ڈاکٹر جتیندر سنگھ نے کہا، "افتتاح صرف آغاز ہے۔ ہم مستقبل کی صلاحیت کے بارے میں بہت پرجوش ہیں اور یہ انوویشن کمپلیکس ہندوستان کی ترقی کی کہانی میں بہت زیادہ تعاون کرے گا۔ انہوں نے مزید کہا کہ سی-آئی سی ایم جیسی سہولیات تعاون، اختراع اور شمولیت کی روح کو مجسم کرتی ہیں جو کہ ایک خود انحصار ہندوستان کی تعمیر کے لیے ملک کے نقطہ نظر کی وضاحت کرتی ہے۔

تقریب میں نیتی آیوگ کے اراکین ، ڈاکٹر وی سرسوت اور ڈاکٹر وی کےپال ؛ ڈی ایس آئی آر کے سکریٹری اور سی ایس آئی آر    کے ڈی جی ڈاکٹر این کلیسیلوی؛ اور ڈاکٹر رام وشوکرما نے شرکت کی۔  افتتاحی تقریب میں صنعت کے رہنماؤں، ناروے، سوئٹزرلینڈ، اور جرمنی کے غیر ملکی مندوبین، ایم ایس ایم ای ، اسٹارٹ اپس، اور ہندوستان بھر میں سی ایس آئی آر   لیب کے 1,000 سے زیادہ سائنسدانوں کی شرکت کا مشاہدہ کیا گیا۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض۔ ن م  (

5390