नैरोबीहून आलेल्या एका प्रवाशाला 26.62 कोटी रुपयांच्या कथित तस्करी प्रकरणी महसूल गुप्तचर संचालनालयाच्या(डीआरआय) अधिकाऱ्यांनी अटक केली आहे. गुप्त माहितीच्या आधारे डीआरआयच्या अधिकाऱ्यांनी या प्रवाशाला हटकले. त्याच्याकडे असलेल्या एका हॅन्डबॅगची तपासणी केल्यावर त्या बॅगेत अतिशय चतुराईने बॅगेच्या प्रत्येक बाजूच्या आतल्या आणि बाहेरच्या स्तरामध्ये अंमली पदार्थ भरून ठेवलेले आढळले.

अधिकाऱ्यांनी या प्रवाशाकडून 26.62 कोटी रुपयांचे 2662 ग्रॅम कोकेन ताब्यात घेतले. एनडीपीएस कायदा 1985 अंतर्गत जप्तीची कारवाई करण्यात आली. या प्रवाशाला अटक करण्यात आली. या प्रकरणी पुढील तपास सुरू असल्याची माहिती डीआरआयच्या सूत्रांनी दिली.

***

JPS/S.Patil/P.Kor

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 2094181) Visitor Counter : 21