اے آئی ٹچ ایل ایل پی کو یو ایس او ایف کی محکمہ ٹیلی مواصلات کی ٹی ٹی ڈی ایف اسکیم (اب‘‘ڈیجیٹل بھارت ندھی’’) کے تحت فنڈنگ دی گئی ہے۔ اے آئی ٹچ الگ الگ 5 جی آر اے این (ریڈیو ایکسیس نیٹ ورک) کے لیے آلات و پُرزے تیار کرے گا جس میں آر اے این انٹیلیجنٹ کنٹرولر (آر آئی سی) سروس مینجمنٹ اینڈ آرکیسٹریشن (ایس ایم او) اور نیٹ ورک ڈیٹا اینالیٹکس فنکشن (این ڈبلیو ڈی اے ایف) ماڈیول شامل ہیں ۔

اس پروجیکٹ کا مقصد اے آئی/ایم ایل سے چلنے والے انجن کے ساتھ 5 جی آر اے این کے لیے ایس ایم او ، آر آئی سی ، اور این ڈبلیو ڈی اے ایف ماڈیولز کو مربوط کرنے والا ایک پلیٹ فارم تیار کرنا ہے ۔ یہ اے آئی/ایم ایل پر مبنی ایپلی کیشنز اور کلوزڈ لوپ آٹومیشن کے ذریعے آر اے این اور کور نوڈس کے ذہین اور خودکار کنٹرول کی سہولت فراہم کرتا ہے ۔ پلیٹ فارم بھیڑ بھاڑ کے منظرناموں کے دوران صارف کے استعمال  کے انتظام کے لیے ایک نمونہ ایپلی کیشن کا مظاہرہ کرے گا اور تیسرے فریق کی ایپلی کیشنز کو آن بورڈنگ کے لیے انٹرفیس فراہم کرے گا ۔ یہ پلیٹ فارم نیٹ ورک خودکار طریقے اور کارکردگی کو بڑھانے کے لیے نان ریئل ٹائم آر آئی سی ، نیئر ریئل ٹائم آر آئی سی ، ایس ایم او اور این ڈبلیو ڈی اے ایف کو مربوط کرے گا ۔ آر آئی سی ماڈیول اے آئی/ایم ایل پر مبنی نیٹ ورک کو بہتر بنانے میں مدد کریں گے ، ایس ایم او کراس ڈومین آرکیسٹریشن کو فعال کرے گا ، اور این ڈبلیو ڈی اے ایف بہتر فیصلہ سازی کے لیے تجزیات اور بصیرت فراہم کرے گا ۔ یہ حل 5 جی نیٹ ورک میں آپریشنل کارکردگی لائیں گے ۔ حکومت ہند کے محکمہ ٹیلی مواصلات (ڈی او ٹی) کے تحت اہم ٹیلی مواصلات تحقیق وترقی  کا مرکز برائے ٹیلی میٹکس ترقیات (سی-ڈی او ٹی) اس پروجیکٹ کے نفاذ کی نگرانی کرے گا ۔

معاہدے پر دستخط کی تقریب سے خطاب کرتے ہوئے سی-ڈاٹ کے سی ای او ڈاکٹر راجکمار اپادھیائے نے کہا ،‘‘سی-ڈاٹ ، نفاذ کے شراکت دار کے طور پر ، اس بات کو یقینی بنائے گا کہ پروجیکٹ تکنیکی ترقی کے اعلی ترین معیارات پر عمل پیرا ہے ۔ اے آئی ٹچ جیسے صنعت کے لیڈروں کے درمیان تعاون کو آسان بنا کر ، ہم مقامی حل کی تخلیق کا وسیلہ فراہم کر رہے ہیں جو بھارت کے ٹیلی کام ماحولیاتی نظام کو مضبوط بنائےگا ۔’’

ٹی ٹی ڈی ایف کے ڈی ڈی جی ڈاکٹر پراگ اگروال نے کہا کہ‘‘ٹی ٹی ڈی ایف اسکیم کے ذریعے ہم ہندوستان کے ٹیلی کام سیکٹر میں اختراع کو فروغ دے رہے ہیں ۔ اے آئی ٹچ کا یہ پروجیکٹ نہ صرف اے آئی پر مبنی ترقی کو آگے بڑھائے گا بلکہ ایک خود کفیل 5 جی ماحولیاتی نظام کی بنیاد بھی رکھےگا۔

اے آئی ٹچ کے شراکت دار  امیت گپتا نے کہا ،‘‘اے آئی ٹچ میں ، ہماری توجہ جدید تجزیات اور ذہین ماڈل بنانے کے لیے اے آئی اور ایم ایل سے فائدہ حاصل  کرنے پر مرکوز ہے ۔ اس پروجیکٹ میں ، ہم آر آئی سی اور این ڈبلیو ڈی اے ایف کے اندر پیشن گوئی کی صلاحیتوں اور آٹومیشن فریم ورک کی ترقی کی قیادت کر رہے ہیں ، اس بات کو یقینی بناتے ہوئے کہ یہ پلیٹ فارم درستگی کے ساتھ پیچیدہ نیٹ ورک چیلنجوں سے نمٹنے کے حل سے لیس ہے ۔

توقع ہے کہ اس پروجیکٹ سے ایسے حل فراہم ہوں گے جو آپریشنل پیچیدگیوں کو کم کریں گے ، موبائل نیٹ ورک آپریٹرز (ایم این اوز) کے لیے لاگت کی کارکردگی کو بہتر بنائیں گے اور ٹیلی کام کے شعبے میں نئی ایپلی کیشنز کی مدد کریں گے ۔ اس کا مقصد ایک مقامی 5 جی ماحولیاتی نظام کی ترقی میں تعاون دینا اور مستقبل کی ترقی کے لیے بنیاد رکھنا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ ش  ب۔ ع ن

 (U: 4972)