ڈائریکٹر، جی اگھیلا، نیشنل انسٹی ٹیوٹ آف ٹیکنالوجی، تروچیراپلی (این آئی ٹی تریچی) نے اعلان کیا کہ گلوبل ایلومنی میٹ (جی اے ایم) 2025 ، 4 جنوری 2025 کو چنئی میں منعقد ہوگی۔اس یادگار لمحے کی قیادت آر ای سی اے ایل کرے گا جو ادارے   کے سابق طلبہ کی رسمی انجمن ہے ۔یہ اجتماع آر ای سی / این آئی ٹی تریچی  کی بھرپور میراث کو منانے کے لیے پوری دنیا سے این آئی ٹی تریچی   کے سابق طلباء کو متحد کرے گا۔ جی اے ایم کا پچھلا ایڈیشن 2020 میں منعقد ہوا تھا۔

930 سے زائد  سی ای اوز  اور 1,300سے زائد  بانیوں سمیت 48,000 سے زیادہ سابق طلباء کے متحرک نیٹ ورک پر فخر کرتے ہوئے،این آئی ٹی تریچی   ٹیلنٹ اور اختراع کے پاور ہاؤس کے طور پر قائم  ہے۔ جی اے ایم  2025 ممتاز سابق طلباء کی ایک شاندار لائن اپ پیش کرے گا، بشمول:

• جناب این چندر شیکرن، ٹاٹا گروپ کے چیئرپرسن، مہمان خصوصی کے طور پر
• ڈاکٹر پلانی ویل تھیاگراجن، وزیر برائے انفارمیشن ٹیکنالوجی اور ڈیجیٹل خدمات، تمل ناڈو، بطور مہمان اعزازی
• جناب گوپی کلائیل، گوگل میں اے آئی کے لیے چیف بزنس اسٹریٹجسٹ، کلیدی خطبہ دیں گے
• چندریان 3 کے پروجیکٹ ڈائریکٹر ڈاکٹر پی ویراموتھویل، ٹی وی نریندرن، مینجنگ ڈائریکٹر، سی ای او، ٹاٹا اسٹیلز اعزازی مہمان ہوں گے۔

یہ رہنما، متعدد دیگر قابل ذکر سابق طلباء کے ساتھ، مشترکہ کامیابیوں کا جشن منائیں گے، تعاون کی ترغیب دیں گے، اور مؤثر روابط قائم کریں گے۔

تحقیق اور اختراع کے مرکز   کا آغاز

این آئی ٹی  تریچی جی اے ایم  2025  میں 20 ایکڑ پر محیط ریسرچ اینڈ انوویشن ہب کے لیے اپنے وژن کی نقاب کشائی کرے گا، جو انٹرپرینیورشپ اور بین الضابطہ تحقیق کو فروغ دینے کے اس کے مشن میں ایک اہم قدم ہے۔ یہ سہولت ابھرتے ہوئے ڈومینز جیسے ایگری ٹیک، فن ٹیک، اسپیس ٹیک، گرین ٹیک، کوانٹم کمپیوٹنگ، اور اے آئی / ایم ایل پر توجہ مرکوز کرے گی۔ اس مرکز میں 150 کروڑ روپے  کی تخمینہ جاتی  سرمایہ کاری شامل ہوگی اور اس کا مقصد ٹائر-II شہروں میں اختراع کو تیز کرنا ہے۔

طلباء  کو با اختیار بنانا  اور سابق طلباء کو مصروف کرنا

انسٹی ٹیوٹ کے جاری اقدامات، بشمول اڈوپٹ – اے- اسٹوڈینٹ   پروگرام، ٹریول گرانٹس، اور انڈومنٹ فنڈز، مستحق طلباء کی حمایت جاری رکھیں گے۔ سابق طلباء سے چلنے والے پروگرام جیسے روک فورٹ وینچرس، ایس سی آئی  ای این ٹی لیبز، اور سی ای ڈی آئی،  این آئی ٹی تریچی  کی کاروباری صلاحیتوں کو پروان چڑھانے کی لگن کی مثال ہیں۔ چیئر پروفیسر شپز کو متعارف کرانے اور عالمی تحقیقی تعاون کو بڑھانے کے منصوبے تعلیمی عمدگی اور پائیدار ترقی کے لیے ادارے کے عزم کو مزید ظاہر کرتے ہیں۔

این آئی ٹی تریچی کے ڈائریکٹر ڈاکٹر جی اگھیلا نے بتایا کہ "ریسرچ اینڈ انوویشن ہب سابق طلباء کی رہنمائی، صنعت کے زیرقیادت پروجیکٹس، اور ایک فروغ پزیر اسٹارٹ اپ ایکو سسٹم کے لیے ایک باضابطہ پلیٹ فارم فراہم کرے گا۔ یہ تحقیق کو بڑھانے اور انٹرپرینیورشپ ٹیلنٹ کو پروان چڑھانے کی طرف ایک قدم ہے۔"

آر ای سی اے ایل  کے صدر جناب کے مہالنگم نے مزید کہا، "ہمارا وسیع اور کامیاب سابق طلباء کا نیٹ ورک سرپرستی، فنڈنگ ​​اور اختراع کا ذخیرہ ہے۔ جی اے ایم 2025،   اپنی  مادر علمی  کی حمایت کے لیے ہمارے اجتماعی عزم کی نشاندہی کرتا ہے۔

این آئی ٹی تروچیراپلی کے بارے میں

این آئی ٹی تریچی، جو پہلے ریجنل انجینئرنگ کالج (آر ای سی) تھا، ہندوستان کے سب سے بڑے انجینئرنگ اداروں میں سے ایک ہے، جو مسلسل ملک میں سرفہرست  رہا ہے۔ 17 شعبوں میں انڈر گریجویٹ، پوسٹ گریجویٹ، اور ڈاکٹریٹ پروگرام پیش کرتے ہوئے یہ ادارہ  عالمی اختراع  اور صنعت کی قیادت میں اہم کردار ادا کرتا رہتا ہے۔

*****

)ش ح۔    ا       ک۔  ر ب(

U.N. 4681

(Release ID: 2088868) Visitor Counter : 17