ریاستی وزیر برائے مواصلات اور دیہی ترقی ڈاکٹر پیمسانی چندر شیکھر نے آج راجیہ سبھا میں ایک سوال کے تحریری جواب میں بتایا کہ ملک کے 6,44,131 گاؤں میں سے (رجسٹرار جنرل آف انڈیا کے مطابق) تقریباً 6,22,840 گاؤں میں موبائل خدمات دستیاب ہیں اور ان میں سے 30.09.2024 تک 6,14,564 گاؤوں میں 4جی موبائل کنیکٹیویٹی موجود ہے ۔

قبائلی امور کی وزارت کے مشن کے تحت پردھان منتری جن جاتی آدیواسی نیائے مہا ابھیان (پی ایم جن من)،خاص طور پر 4,543 حساس قبائلی گروپ(پی وی ٹی جی) کی آبادیوں کو،موبائل خدمات کی عدم دستیابی کے لئے نشانزد کیا گیا تھا جن میں سے 1,136 پی وی ٹی جی آبادیوں  میں موبائل کنیکٹیویٹی فراہم کی گئی۔

حکومت ملک کے دیہی، دور دراز اور پہاڑی علاقوں بشمول پی وی ٹی جی رہائش گاہوں میں موبائل ٹاورزنصب کرکے ٹیلی کام کنیکٹیویٹی کی توسیع کے لیے ڈیجیٹل بھارت ندھی کے تحت مختلف اسکیموں/ پروجیکٹوں کو نافذ کر رہی ہے۔ 31.10.2024 تک، 1,014 کروڑ روپے کے تخمینہ خرچ کے ساتھ پی وی ٹی جی رہائش گاہوں کو 4جی کوریج فراہم کرنے کے لیے مختلف ڈیجیٹل بھارت ندھی فنڈڈ موبائل پروجیکٹس کے تحت 1,018 موبائل ٹاورز کو منظوری دی گئی ہے۔

****

ش ح۔ا س ۔ف ر

Urdu No. 3909

(Release ID: 2083843) Visitor Counter : 18