نیشنل ہیومن رائٹس کمیشن (این ایچ آر سی)، انڈیا نے ایک میڈیا رپورٹ کا از خود نوٹس لیا ہے جس میں کہا گیا ہے کہ 30 نومبر 2024 کو کولکتہ، مغربی بنگال میں ایک سات ماہ کی بچی کو مبینہ طور پر فٹ پاتھ سے اغوا کیا گیا تھا اور اس کے ساتھ جنسی زیادتی کی گئی تھی۔ بتایا جا رہا ہے کہ بچی ایک بے گھر جوڑے کی بیٹی ہے۔ وہ فٹ پاتھ پر لیٹی ہوئی تھی، تبھی کچھ لوگوں نے اسے دیکھا اور پولیس کو اطلاع دی۔

کمیشن نے خبروں کی رپورٹ کی تفصیلات کی جانچ کی ہے، جو اگر سچ ہے، تو بچی کے انسانی حقوق کی خلاف ورزی کا سنگین مسئلہ اٹھتا ہے۔ یہ واقعہ سراسر لاقانونیت کی نشاندہی کرتا ہے۔ سماج دشمن عناصر آزادانہ گھومتے پھرتے ہیں اور بغیر کسی خوف کے کسی بھی غیر قانونی سرگرمی میں ملوث ہیں۔

اس لیے کمیشن نے چیف سکریٹری اور ڈائریکٹر جنرل آف پولیس، مغربی بنگال کو نوٹس جاری کرتے ہوئے دو ہفتے کے اندر تفصیلی رپورٹ طلب کی ہے۔ توقع ہے کہ رپورٹ میں ایف آئی آر کی حیثیت، متاثرہ بچی کی صحت، اور معاوضہ، اگر کوئی متاثرہ خاندان کو فراہم کیا گیا ہو، شامل کیا جائے گا۔

5 دسمبر 2024 کو شائع میڈیا رپورٹ کے مطابق، متاثرہ بچی کولکتہ کے ایک سرکاری اسپتال میں زیر علاج ہے۔

*********

ش ح۔ ف ش ع۔م ر

U: 3869

(Release ID: 2083504) Visitor Counter : 17