#IFFIWood, 26 नोव्‍हेंबर 2024

 

55व्या इफ्फीत 7व्या दिसा जाल्ले समारोपाच्या पत्रकार परिशदेंत ‘हिसाब बाराबर’ ह्या सिनेमाचे कलाकार आनी क्रू हांणी गोंयांतल्या पणजी हांगाच्या पीआयबी मिडिया सेंटरांत मिडियाकडेन संवाद सादलो. ‘हिसाब बराबर’ ह्या सिनेमात भारतीय रेल्वेंतलो एक मेहनती तिकेट तपासपी राधे मोहन शर्मा, जाची लोकप्रिय अभिनेतो आर माधवन हाणें भुमिका केल्ल्या पात्राची काणी सांगल्या.

ह्या सिनेमाचे निर्माते शरद पटेल हांणी आपल्या सुरवातीच्या उलोवपांत, ह्या सिनेमाचें वर्णन केलां, की तातूंत गंभीर संदेश गुंथिल्लो आसा. हो सिनेमा पळयल्या उपरांत प्रेक्षकांक तांच्या बँक वेव्हाराच्या ट्रान्सेक्शनाचेर  बारीकसाणेन नदर मारपाची  इत्सा जातली, अशें तांणी सांगलें.

आपल्या सगळ्या खर्चाचो हिशोब दवरपाक राधे तीक्ष्ण, परिपूर्ण आशिल्लो आनी ताच्या वळखीच्या लोकांनी जायते फावटीं मनशाचो कॅल्क्युलेटर अशें वर्णन केल्ल्या राधेक, ताच्या बँक खात्यांत एक ल्हानशी विसंगती मेळटा. ताका लागून ताच्या वेवस्थीत जिणेंत धुमाकूळ दिसून येता. फुडली चवकशी करतना, तो सादारण लोकांची बचतीत जावपी व्हड घोटाळो उक्ताडार हाडटा. निर्दयी बँकेचे सीईओ मिकी मेहताक तोंड दितना, राधे आपली नोकरी आनी घर गमयता. पूण  उपरांत तेका धोको जाल्ल्या दुसऱ्या लोकांचो अनपेक्षीत आदार मेळटा.

ह्या सिनेमांतल्या मिकी मेहताचें विरोधक पात्र करपी अभिनेतो नील नितीन मुकेश हाणें म्हळें, कि ताणें आतां मेरेन आपल्या अभिनय कारकिर्दींत केन्नाच विनोदी भुमिका करूंक ना. ताच्या उतरांनी, हो सिनेमा म्हळ्यार एक सामान्य मनीस विरुद्ध, एक पुराय व्हड वेवस्था आसा.

पी सुभास ह्या आपल्या पात्राचेर उजवाड घालून, अभिनेत्री कीर्ति कुल्हारी हिणे ह्या सिनेमांत खर पुलीस अधिकारी आसून लेगीत, रेल्वे प्रवासांत विकसीत जावपी आपल्या पात्रांत रोमान्टिक बाजू दाखयल्या, अशें उक्तायलें. तिच्या भुमिकेची शुध्दताय आनी निरपराधीपण कितें तरी नवें, अशें तिणें सांगलें, जें पडद्याचेर चित्रीत करपाक तिका खऱ्यांनीच आवडटा. तशेंच तिणें सांगलें, कि “एक नट म्हूण म्हजे खातीर सगळ्यांत व्हडली तोखणाय म्हणल्यार हांव खंयच्याय प्रकारचें पात्र चित्रीत करूंक शकता आनी ‘हिसाब बाराबर’ त्या दिशेन पावल उखलपाची माका एक संद दिता”.

‘हिसाब बराबर' सिनेमातलो ‘हिसाब’ निमाणें स्थीर जाता, जेन्ना राधेक कळटा, की मोग आनी नातें, नंबरासारकें प्रमाणीत करूंक शकना.

पुराय संवाद पळोवपा खातीर:

दिग्दर्शकाविशीं चड म्हायती:

अश्विनी धीर हो भारतीय चित्रपट दिग्दर्शक आनी पटकथा लेखक जाणे ‘वन टू थ्री,’ ‘अतिथी तुम कब जाओगे?’ आनी ‘सन ऑफ सरदार’ सारकिल्या चित्रपटांचें दिग्दर्शन केला आनी मराठी फिल्म आनी हेर लोकप्रिय टीव्ही शो तयार करपा खातीर तांका वळखतात.

 

* * *

PIB IFFI CAST AND CREW | Subhash/Manali/Darshana | IFFI 55

(रिलीज़ आईडी: 2078017) आगंतुक पटल : 32