ত্রিপুরাগী ৱা পাম্বীশিংনা কুংনা হৌবা লমদম অদুদা অশঙ অমানশিংনা চৎনবী অমসুং খাঙবা কনবগী ৱারী কয়া শোন্থাংননা লীরি‍। পুক্নিং হুনা নীংথিরবা লমদম অসি মনু RD ব্লোক্কী জমিরচেরা VC দগী ইচম চম্বা খুঞ্জা শ্রী নিকেস মরক্কী ময়ুম্নি‍। চহি কয়া, মহাক্কী ইমুংনা – লৈবাক্না খাবা ফক্লাং, য়ুমথক্তুনা নীংথিনা শেম-শাবিদ্রবা ৱাশিংনা কুপ্তুনা মপান্থোংগী অকন্বা শাফুশিং ৱানা থেংনরিবা মল্লবা কচ্চাগী য়ুম অমদা লৈরকখি‍। নোংজুথা খুদিং, নোংলিক্না অহোবশিংদগী লিৎশিল্লক্তুনা অমদি অকন্বা নোংলৈনা য়ুমদুগী য়ুমথক অদু হুমদুনা পুখিগদ্রা হায়বগী অনৌবা তম্বা ঙমদবা ইথক ইরৈ অমমম পুদুনা লাকই‍।

অদুবু ঙসিদি, প্রধান মন্ত্রী অৱাস য়োজনা – গ্রামিন (PMAY-G) না মরম ওইরগা, মরক্কী পুন্সিনা অওন্বা, খাঙবা কন্বা, অমসুং থাজবগী তোঙান্বা ৱারী অমা লীরি‍।

ধলাই দিসত্রিক্ত, ত্রিপুরা

 

ব্লোক এদমিনিস্ত্রেসনগী মতেঙগা লোয়ননা PMAY-G থৌশিলগী মখাদা, শ্রী মরক্না স্তেবিলাইজ মদ ব্লোক (SMB) তেক্নোলোজী অমদি ত্রীত তৌরবা ৱানা য়ুম কুপ্তুনা শাবা পক্কাগী য়ুমদা ওল্লক্লে‍। অনৌবা য়ুম অসিনা মহাক অমসুং মহাক্কী ইমুংদা অকি অখং লৈতবা, নুংঙাইবা, অমদি দিজাস্তর রেজিলিএন্সকী ইথিল পীরি, অদুগা খুঙ্গংকৈ য়ুম-কৈ শাবগী লমদা ইকো-ফ্রেন্দলী ওইবা থৌওংগী খুদম অমা ওইনসু লৈরি‍। নীংথিনা শারবা পক্কাগী য়ুম অমদা লৈদুনা, হৌজিক্তি মরক্না অকিবা ফাওদ্রে, অমদি মহাক্কী ময়ুম্না মাগী পুন্সিদা অওন্বা পুরক্লে‍।

 

মরক্কী ৱারী অসিখক্তনা লোইবা নত্তে‍। ত্রিপুরা শিন্বা থুংনা, অরোন্বা য়াওল অমা চঙশিল্লক্তুনা মহাক্কী অসিগুম্বা ইমুং কয়াগী পুন্সিদা অহোংবা পুরক্লি‍। ত্রিপুরাগী সতচান্দ RD ব্লোক্তা, SMB তেক্নোলোজীনচিংবা থৌওংশিংগা লোয়ননা চৎনবীগা ইনোভেসনগা পুল্লি‍। তেক্নিক অসিদা লমদুদগী পেকপা লৈবাকশিংগা সিমেন্ত নৎত্রগা শুনু খরগা য়ানশিন্নরগা তাশিন্নদুনা শেম্বা লৈবাক্কী ব্লোক য়াওরি‍। ব্লোকশিং অসিনা মৈদা ইকপা চেক্কী মথৌ তাহনদ্রে, য়ুম শাবগী শেঞ্জং অমসুং অকোয়বগী ফীভমদা পীরিবা চৈথেং শাথিনা হন্থহল্লি‍। মোদেল অসিনা য়ুমথক কুপ্নবা ৱা ত্রীত তৌদুনা মপুন্সি চহি ৭৫ চৎহল্লি‍। এপ্রোচ অসিনা মপুন্সি শাংহনবতা নত্তনা সস্তেনেবল দিভেলপমেন্ত গোলশিংগী পরিংদা লমদমদুদা ফংবা রিসোর্সশিংসু শীজিন্নহল্লি‍।

 

থৌশিল অসিগী মরুমদা, খুঙ্গংগী নুপীশিংনা মরুওইনা শেম্বা লোকেল সেল্ফ-হেল্প গ্রুপ (SHGs) শিংনা লৈরি‍। গ্রুপশিং অসি SMB পুথোকপদা মরুওইবা থৌদাং লৌদুনা, মখোয়গী শেন্থোক হেনগৎহন্বতা নত্তনা মখোয়গী স্কিল হেনগৎহন্দুনা মীয়ামবু হেন্না মপাঙ্গল কনখৎহল্লি‍। য়ুম-কৈ শাবা অমদি পুন্সি হিংনবগী লম্বীগা পুনশিন্নবা অসিনা থৌশিল অসিগী ইনক্লুজিব স্পিরিতপু কোনশিন্দুনা, মফমসিদা শারিবা য়ুম খুদিংদা মীয়ামদুনা পুন্না হোৎনরিবা অদুগী মমি তারি‍।

অওন্বা পুম্নমক অসি, ভারত পুম্বদা, মরুওইনা ইনোভেতিব ওইবা এপ্রোচনা রুরেল হাউজিংগী মশক তাক্লিবা ত্রিপুরাগুম্বা স্তেতশিংগী খুঙ্গংগী মীয়ামগী থাজবগী লমজিং ওইরক্লিবা প্রধান মন্ত্রী অৱাস য়োজনা-গ্রামিন (PMAY-G) না ওইহল্লকপা ঙম্বনি‍। নবেম্বর ২০, ২০১৬দা হৌদোকখিবা স্কীম অসিনা খুন্নাইগী খ্বায়দগী লায়রবা মীওই কাঙলুপশিংগী ময়ুম মকৈ শানবা তেংবাং পী‍। য়ুম করোর ২.৬৭ লোম শাবা লোইদুনা, PMAY-G না সস্তেনেবল পোলিসী অমসুং কম্ম্যুনিতী এঙ্গেজমেন্তকী অওন্বা পুরকপা ঙম্বগী মতিকপু তাক্লি‍। ত্রিপুরাগী ফজরবা মফমশিংদা, প্রোগ্রাম অসিনা লমদমদুগী য়ুম-কৈ শাবগী থৌশিলদা সস্তেনেবিলিতী, এফোর্দেবিলিতী, অমসুং ইনক্লুজিবিলিতী পুনশিন্দুনা বেঞ্চমার্ক অমা শেম্লে‍। অসিগুম্বা থৌরাংশিং অসি ত্রিপুরা অমদি মসিগী ৱাংমদা খুঙ্গংগী য়ুম-কৈ শাবগী মওং মতৌ নৌনা হোংদোক্লিবা PMAY-G স্কীমগী হেন্না পাক চাউবা মীৎয়েঙশিংগী মনুং চল্লি‍। স্তেত শিন্বা থুংনা য়ুম লাখ ৩.৫ হেন্না শাদুনা লৈফম চাফম ফংহন্বদা নত্তনা হেন্না ফবা পুন্সি অমগী য়ুম্ফমসু থোল্লি‍।

ত্রিপুরাদা পায়খৎলিবা PMAY-G অসিনা ইনোভেসনগা ইনক্লুজিবিতীগা পুনশিন্বা মতমদা করি ওইথোকপা য়াবগে হায়বগী খুদম ওইনা লেপ্লি‍। লমদমদুদা ফংবা মচাকশিং শীজিন্নদুনা, মীয়ামবু মপাঙ্গল হাপ্তুনা, অমদি সস্তেনেবল তেক্নোলোজীশিং শীজিন্নদুনা, প্রোগ্রাম অসিনা এফোর্দেবপল, দিজাস্তর-রেজিলিএন্ত হাউজিংগী মঙলান মঙফাওনহল্লে‍। মরক্কী ইমুংগুম্না, হায়রিবা য়ুমশিং অসি ফক্লান অমদি য়ুমথকখক্তা নত্তে, মখোয় অসি অকি অখঙ লৈতনবা ৱাশক অমনি, অনিংবা অপাম্বশিংগী তুংনফম্নি, অমদি অকিবা লৈতনা মঙ মঙনবা মফম অমনি‍। অদুগা ত্রিপুরাগী ওইনা, হাউজিং রিভোলুসন অসি ইমুং খুদিংদা মশাগী ময়ুম অমমম ফংহনগদৌরিবা তুংলমচৎ অমগী মায়কৈদা থাংজিন্বা খোঙথাং অমনি‍।

রিফরেন্সশিং

https://pmayg.nic.in/netiay/PBIDashboard/PMAYGDashboard.aspx

https://static.pib.gov.in/WriteReadData/specificdocs/documents/2024/nov/doc20241119437801.pdf (0.41 MB, ফোর্মেত: PDF)

PMAY মায় পাকপগী ৱারীশিং

PDF দাউনলোদ তৌনবা মসিদা নম্বিয়ু (0.27 MB, ফোর্মেত: PDF)

*****

(Release ID: 2077628) Visitor Counter : 20