#IFFIWood, 22 नोव्‍हेंबर 2024

 

55व्या भारतीय आंतरराष्ट्रीय चित्रपट महोत्सवांत “ट्रान्सफॉरमिंग लिटररी मास्टरपिसेस इनटू अँगेजिंग फिल्म्स” ह्या विशयाचेर जल्ल्या मास्टरक्लासांत चित्रपट निर्माते मणि रत्नम हांणी प्रेक्षकांक मोहित केले. आनीक एक  नामनेचे भारतीय चित्रपट दिग्दर्शक गौथम व्ही मेनन हाचेकडेन जाल्ल्या  संवादांत, रत्नम साहित्याक सिनेमांत रुपांतरीत करपाचे कलेंत खोलायेन  पावले आनी चित्रपट निर्मात्यांक आनी सिनेमाप्रेमींक मोलादीक सल्लो दिलो.

“हांव अजूनय प्रेक्षकां मदीं बसून आशिल्लो एक मनीस आसा” अशें रत्नम हाणी, आपल्या आजीवन जिज्ञासू आनी कथा सांगपाच्या आवडीविशी उलयतना म्हळे.  फिल्म निर्मितीचो मास्टर आसून लेगीत ताणें सांगलें, की “बऱ्याच वेळार म्हाका अजूनय नवोदित आशिल्ल्या सारके दिसता.”

मणि रत्नम हाणी सिनेमा आनी साहित्य हांचे मदलो खोल संबंद उजवाडाक हाडून, “सिनेमा आनी साहित्य हांचे मदलो आलेख जितलो लागीं आसतलो, तितलोच भारतीय सिनेमा बरो जातलो” अशें स्पश्ट केलें.  बरयल्ल्या उतरांचें रुपांतर आकर्शक दृश्य कथनांत करपाची, नाजूक कला चित्रपट निर्मात्यांनी शिकची पडटली, अशें तांणी सांगले.

 

पडद्याचेर साहित्याक जिवीत करप

पुस्तकांक चित्रपटांत रुपांतर करपाच्या बारीकसाणींचेर भासाभास करतना रत्नम हांणी स्पश्ट केलें, की “फिल्म हें दृश्य माध्यम, जाल्यार पुस्तकां मुखेलपणान कल्पनाशील आसतात. वाचप्याची कल्पनाशक्त जिवीत करपाक फिल्म निर्मात्यान चड जतनाय घेवची पडटा.” पटकथांनी समायोजन करपाची गरज आसूं येता, पूण ह्या बदलांनी कथेच्या मुळाव्या सारांत बदल करतना ती बरी मुखार येवपाक जाय, अशें तांणी नदरेक हाडलें.

तशेंच पौराणीक कथा आनी पुर्विल्ल्या भारतीय इतिहासाचो ताच्या नदरेक  प्रभाव पडला, ताका लागून ताका पात्रांकडेन अद्वितीय रितीन संपर्क सादपाक मेळ्ळा, अशे तांणी सांगले.  साहित्य भास सिनेमा पटकथेंत रुपांतरीत करपाच्या आव्हानां विशीं तांणी टिप्पणी केली, की कलाकारांक पटकथेवांगडा बरे रितीन काम करपाक मेळटलें, हाची खात्री करपाक जाय.

कल्की कृष्णमूर्तीच्या 1955 वर्साच्या ह्याच नांवान बरयल्ल्या प्रतिकात्मक कादंबरींतल्यान रुपांतरीत केल्ल्या ताच्या हालींच्या मॅग्नम ‘पोनीयिन सेल्वान’ विशीं भासाभास करतना मणि रत्नम हाणी सांगले, ह्या सिनेमांत चोल काळाचें चित्रण  करचें पडलें. पूण तंजावूरांतले त्या काळांतले सगळे अवशेश पयलींच नाशिल्ले हाचेर उजवाड घातलो.  ताका विस्तारान सेट तयार करपाची इत्सा नाशिल्ल्यान, ताणें भारताच्या उत्तरेक ह्या सिनेमाचें शुटींग करपाची मेकळीक घेतली आनी थंयच्या वास्तुकलेचें रुपांतर चोल काळाच्या वास्तुकले सारकें केलें.

 

एक कोलॅबोरेटिव्ह कला म्हणून चित्रपट

सिनेमाच्या कोलॅबोरेटिव्ह कामाचेर रेखांकन करतना रत्नम हाणी सांगले,  की “एक दिग्दर्शक म्हूण म्हजें काम म्हळ्यार सिनेमांतल्या दरेकल्याक, मागीर तो अभिनेतो आसूं वा क्रू मेम्बर- एका केंद्रबिंदूचेर एकठांय हाडप.”

ह्या मास्टरक्लासान प्रेक्षकांक एक समृध्द करपी अणभव दिलो, रत्नम हाणी तरणाट्या चित्रपट निर्मात्यांक विचारपूर्वक सृजनशील स्वातंत्र्य घेवपाक सांगलें. तशेंच पुस्तकाची मूळ भावना तिगोवन दवरपाक सांगलें, तेच बरोबर ताका रुपांतरा खातीर आपली खाशेली सृजनशील वापरून वेगळो रंग दिवपाक सांगलें.

हो मास्टरक्लास फिल्म निर्मात्याच्या निपुणताय आनी नम्रतेची गवाय आशिल्लो आनी प्रेक्षकां मदल्या सगळ्या आकांक्षी कथाकारांक साहित्य आनी सिनेमा ह्या दोन संवसारांत कसो वावर करचो, हाचेर ह्या सत्रात व्हड मोलादीक धडे दिले.

 

* * *

PIB IFFI CAST AND CREW | Subhash/Manali/Darshana | IFFI 55

(Release ID: 2076187) Visitor Counter : 11