تمام 36 ریاستوں اور مرکز کے زیر انتظام علاقوں کے 1.76 کروڑ سے زیادہ اسکولی طلباء نے پروجیکٹ ویر گاتھا 4.0 میں جوش و خروش کے ساتھ حصہ لیا ہے۔ طلباء نے مسلح افواج کے افسروں/ اہلکاروں کی بہادری اور قربانیوں کے اعزاز میں نظمیں، پینٹنگز، مضامین، ویڈیوز وغیرہ بھیجے ہیں۔

پروجیکٹ ویر گاتھا کا آغاز 2021 میں گیلنٹری ایوارڈ حاصل کرنے والوں کی بہادری، بے لوث قربانی اور حوصلے کی متاثر کن کہانیوں کو پھیلانے اور ان بہادروں کی زندگی کی کہانیوں کو طلباء میں حب الوطنی کے جذبے کو ابھارنے کے لیے کیا گیا تھا۔ پروجیکٹ ویر گاتھا نے اس عظیم مقصد کو اسکول کے طلباء کو بہادری کے کاموں اور بہادری کے ایوارڈ جیتنے والوں کی قربانیوں پر مبنی تخلیقی پروجیکٹس/ سرگرمیوں کو انجام دینے  کے لئے ایک پلیٹ فارم فراہم کرکے  آگے بڑھایا۔

ویر گاتھا پروجیکٹ کے تین ایڈیشن بالترتیب 2021، 2022 اور 2023 میں منعقد کیے گئے ہیں۔ ویر گاتھا پروجیکٹ 4.0 کے تحت آج تک درج ذیل سرگرمیاں انجام دی گئی ہیں۔

اسکول کی سطح پر سرگرمیاں: اسکولوں نے مختلف پروجیکٹس/ سرگرمیاں (16ستمبر  16.09.2024 سے 31 اکتوبر   2024 تک) انجام دی ہیں اور مائی گوو پورٹل پر ہر اسکول سے کل 4 بہترین اندراجات اپ لوڈ کیے ہیں۔

اس کے ساتھ ہی، اسکول کے طلباء میں بہادر ہیروز اور غیر معروف کہانیوں کے بارے میں معلومات کو مزید بڑھانے کے لیے، وزارت دفاع نے اپنی فیلڈ تنظیموں یا آرمی / بحریہ / فضائیہ  کے ذریعے ملک بھر میں  اسکولوں کے لیے ورچوئل میٹنگز / آمنے سامنے آگاہی پروگرام / سیشنز کا انعقاد کیا ہے۔

اپنے آغاز کے بعد سے، اس منصوبے نے ملک بھر میں طلباء کی بڑھتی ہوئی شرکت کا مشاہدہ کیا ہے۔ واضح رہے کہ ویر گاتھا پروجیکٹ (ایڈیشن-1) میں 8 لاکھ طلباء نے حصہ لیا تھا۔ دوسرے ایڈیشن میں 19.5 لاکھ طلباء نے حصہ لیا اور تیسرے ایڈیشن میں 1.36 کروڑ طلباء نے حصہ لیا۔

ویر گاتھا پروجیکٹ ایڈیشن I اور II کے دوران، 25 فاتحین (سپر 25) کو منتخب کیا گیا اور انہیں  نئی دہلی میں وزارت تعلیم اور وزارت دفاع کے ذریعہ نوازا گیا۔  ویر گاتھا پروجیکٹ 3.0 میں، قومی سطح پر 100 فاتحین (سپر 100) کا انتخاب کیا گیا۔ اس سال بھی پروجیکٹ ویر گاتھا 4.0 کے تحت 100 فاتحین کا انتخاب کیا جائے گا اور نئی دہلی میں مشترکہ طور پر  وزارت تعلیم اور وزارت دفاع کے ذریعہ انہیں نوازا جائے گا۔ ہر فاتح کو 10,000 روپے کا نقد انعام دیا جائے گا۔ اس کے علاوہ، ضلع کی سطح پر 4 فاتح ہوں گے اور ریاست / مرکز کے زیر انتظام علاقے کی سطح پر ہر ایک میں 8  فاتح ہوں گے اور ایسے تمام فاتحین کو متعلقہ ضلع اور ریاست / مرکز کے زیر انتظام علاقوں کی طرف سے نوازا جائے گا۔

************

U.No:2698

ش ح۔اک۔ق ر