محنت اور روزگار کی وزارت نے آج نئی دہلی میں ٹیم لیز ایڈ ٹیک کے ساتھ ایک مفاہمت نامے (ایم او یو) پر دستخط کیے جو متعدد شعبوں میں روزگار کے مواقع کو فروغ دینے میں ایک اہم سنگ میل ہے۔ اس مفاہمت نامے پر جناب امت نرمل، ڈپٹی ڈائریکٹر جنرل (روزگار) محنت اور روزگار کی وزارت اور جناب جے دیپ کیولرامانی، سی او او اور ایمپلائیبلٹی بزنس کے سربراہ، ٹیم لیز ایڈ ٹیک نے دستخط کیے۔ یہ تعاون این سی ایس کے ملازمت کے متلاشیوں کے لیے ملازمت کے مواقع کو بڑھانے کے لیے نیشنل کیرئیر سروس (این سی ایس) پورٹل سے فائدہ اٹھانے کے لیے مشترکہ عزم کی نشاندہی کرتا ہے۔

ٹیم لیز ایڈ ٹیک کے ساتھ شراکت این سی ایس پر رجسٹرڈ ملازمت کے متلاشیوں کے لیے روزگار کے امکانات کو وسیع کرنے میں ایک اہم قدم کی نشاندہی کرے گی، نیز انہیں ایسے کردار تلاش کرنے کے لیے با اختیار بنائے گی جو ان کے کیریئر کے اہداف کے مطابق ہوں۔ ایم او یو کے تحت، ٹیم لیز ایڈ ٹیک کے ساتھ روزانہ کی بنیاد پر دستیاب 15,000 سے زیادہ خالی اسامیاں انضمام کے ذریعے این سی ایس پورٹل کے ساتھ شیئر کی جائیں گی۔ یہ تعاون کام سے منسلک ڈگری پروگرام بھی متعارف کرائے گا جس میں تعلیمی آموزش کو عملی تجربے کے ساتھ جوڑ کر نوجوانوں کے روزگار کو فروغ دیا جائے گا اور تعلیم کو صنعت کی ضروریات سے ہم آہنگ کیا جائے گا۔

ایم او یو کے اہم نکات

ایم او یو دو سال کی ابتدائی مدت کے لیے طے کیا گیا ہے، جس کا خاکہ اس طرح ہے کہ ٹیم لیز ایڈ ٹیک اور اس سے منسلک ایجنسیاں نوکریوں کی اسامیوں کو پوسٹ کریں گی اور این سی ایس پورٹل پر ہائرنگ ڈرائیو کا انعقاد کریں گی۔ ٹیم لیز ایڈ ٹیک این سی ایس پورٹل پر کام کے مربوط ڈگری پروگراموں اور ملازمت کے مواقع کا اشتراک کرے گا۔ ایم او یو کے حصے کے طور پر، شناخت شدہ ماڈل کیرئیر سینٹر میں کیریئر لاؤنج قائم کیے جائیں گے، جن میں ملازمت کے متلاشی افراد کی کیریئر کے اختیارات اور پروگراموں کے بارے میں رہنمائی کے لیے خصوصی مشیروں کے ساتھ عملہ تعینات کیا جائے گا۔ اس کے علاوہ ٹیم لیز کے ڈیجیورسٹی اسکل پروگرام این سی ایس پر ملازمت کے متلاشیوں کے لیے قابل رسائی ہوں گے، جس سے مہارت کی ترقی کے مواقع بڑھیں گے۔ اس بات پر اتفاق کیا گیا کہ دسمبر 2024 کے آخر تک دو کیرئیر لاؤنج قائم کیے جائیں گے۔

این سی ایس پورٹل: ایمپلائمنٹ سروسز میں گیم چینجر

نیشنل کریئر سروس (این سی ایس) پورٹل، جو جولائی 2015 سے کام کر رہا ہے، روزگار کے منظر نامے میں ایک تبدیلی کا پلیٹ فارم رہا ہے۔ وزارت محنت اور روزگار کے زیر انتظام، یہ خدمات کی ایک وسیع رینج فراہم کرتا ہے، بشمول ملازمت کی تلاش، کیریئر کاؤنسلنگ، پیشہ ورانہ رہنمائی، اور مہارت کی ترقی کے وسائل۔ یہ پورٹل ملازمت کے متلاشی، آجروں، اور تعلیمی اداروں سمیت لاکھوں صارفین کی خدمت کرتا ہے۔

30 ریاستوں/ مرکز زیر انتظام علاقوں کے روزگار کے پورٹل اور کئی نجی جاب پورٹلز کے ساتھ مربوط، این سی ایس پورٹل اپنے ڈیٹا بیس کو مزید تقویت دینے اور ملازمت کے متلاشیوں کو صحیح کرداروں سے جوڑنا جاری رکھے ہوئے ہے۔ روزگار تک رسائی اور کیریئر کی ترقی میں اس کے تعاون نے اسے ہندوستان کی افرادی قوت کے لیے ایک اہم وسیلہ بنا دیا ہے۔

*****

ش ح۔ ف ش ع

U: 2441

(Release ID: 2073160) Visitor Counter : 32