৭৭শুবা নিংতম্বা নুমিৎকী থৌরমদা প্রধান মন্ত্রী নরেন্দ্র মোদীনা ভারত পুম্বগী কারিগরশিং অমসুং খুৎ-শা হৈবা মীওইশিংবু শক্তি লৈহন্নবা পান্দমদা মরুওইবা ইনিসিয়েতিব অমা ওইবা পি.এম. বিশ্বকর্ম য়োজনা মায়খুম হাংদোকখি। ২০২৩গী সেপ্তেম্বর ১৭দা নই দিল্লীগী দ্বারকাদা বিশ্বকর্মগী থৌরমদা ইন্দিয়া ইন্তরনেস্নেল কনভেন্সন অমসুং এক্সপো সেন্তরদা হৌদোকখিবা স্কিম অসিনা ত্রেদিস্নেল ক্রাফমেনশিপ সপোর্ত তৌনবা সরকারগী ৱারেপ অদু উৎলি। প্রধান মন্ত্রী মোদীনা সভাপতি ওইদুনা কেবিনেত কমিতী ওন ইকোনোমিক এফিয়ার্সনা ২০২৩গী ওগস্ত ১৬দা অয়াবা পীখিবা পি.এম. বিশ্বকর্ম য়োজনানা তোঙান তোঙানবা ত্রেদিস্নেল ক্রাফশিংদা ইন্দিবিজুয়েল স্কিল থাক ৱাংনা থাংগত্তুনা ভারতকী ইনাক খুল্লবা কলচরেল হেরিতেজ য়োকখৎনবা পান্দম থম্লি।  

 

স্কিম অসিনা ইনফোর্মেল নত্রগা অনওর্গনাইজ সেক্তরদা এঙ্গেজ তৌরিবা ৱার্কফোর্সকী মরুওইবা সেগমেন্ত অমা তার্গেৎ তৌরি, মদুদা য়োৎ শুবা, শনা শাবা, চফু শাবা, উ শুবা অমসুং মুর্তী শাবা অসিনচিংবা মখুৎনা অমসুং খুৎলাইনা থবক তৌরিবা  কারিগরশিংবু বিশ্বকর্ম হায়না কৌনরি।

মসি হৌদোকখিবদগী এপ্লিকেসন মিলিয়ন ২৫.৮ সবমিৎ তৌরকখিবগা লোয়ননা স্কিম অসি শিংথানিংঙাই ওইবা ইন্তরেস্ত উৎলি। মসিগী মনুংদা এপ্লিকেসন মিলিয়ন ২.৩৭ তাংকক অহুমগী ভেরিফিকেসন প্রোসেস মায় পাক্লবা মতুং রেজিস্তার তৌখ্রে।

*২০২৪গী নবেম্বর ৪দা ওইখিবা

মসিগী মথক্তা, রিজিস্তার তৌরবা কারিগর চাউরাক্না মিলিয়ন ১ ই-ভাউচরগী থোংদা লুপা ১৫,০০০ ফাওবগী তুলকীৎ ইন্সেন্তিবগী কানবা ফংলে, মদুনা মখোয়বু মখোয়গী ক্রাফমেনশিপ হেনগৎহন্নবা মতিকচাবা অনৌবা খুৎলাইশিং ফংবা ঙমহনলে।  

 

 

 

• পি.এম. বিশ্বকর্ম য়োজনা অসি চহি মঙা (শেনবা চহি ২০২৩-২৪দগী শেনবা চহি ২০২৭-২৮ ফাওবা)গী মতম অমগীদমক লুপা করোর ১৩,০০০গী শেনফম অমগা লোয়ননা কেন্দ্র সরকারনা মপুং ফানা ফন্দ পুথোক্লি।

বিশ্বকর্মশিংনা বাইওমেত্রিক্তা বেজ তৌবা পি.এম. বিশ্বকর্ম পোর্তেল অমা শিজিন্নদুনা কমন সর্বিস সেন্তরশিংগী থোংদা লেম্না রেজিস্তার তৌই।

 

• কারিগরশিং অমসুং খুৎ-শা হৈবা মীওইশিংবু পি.এম. বিশ্বকর্ম সর্তিফিকেৎ অমসুং আই.দি. কার্দ অমগী থোংদা রিকোগনিসন পীরি।  

• মখোয়না চাদা ৫গী কন্সেসনেল ইন্তরেস্ত অমগা লোয়ননা লুপা লাখ ১ (অহানবা ত্রাঞ্চে) অমসুং লুপা লাখ ২ (অনিশুবা ত্রাঞ্চে) ফাওবগী কোলেতরেল-ফ্রী ক্রিদিৎ সপোর্ত ফংলি। ভারত সরকারনা চাদা ৮ ফাওবগী ইন্তরেস্ত সবভেন্সন পীরি অমসুং শেনফম অসি বেঙ্কশিংদা অপফ্রন্তদা ফংহল্লি।

 

• স্কিম অসিনা খুৎ-শা হৈবশিংবু বেসিক অমসুং এদভান্স ত্রেনিং য়াওনা স্কিল হেনগৎহন্নবগী মেথদশিং, লুপা ১৫,০০০ ফাওবগী তুলকীৎ ইন্সেন্সিব অমসুং দিজিতেল ত্রাঞ্জেক্সন অমসুং মার্কেতিং সপোর্তকীদমক ইন্সেন্তিবশিং পীরি।

 

মরুওইবা কানবশিং

 

• তুলিং ফেসিলিতীশিং এক্সেস তৌবা হেনগৎহনবা: এম.এস.এম.ই.শিংবু তুলিং রিসোর্সশিংএক্সেস তৌবা হেনগৎহনবা, মখোয়গী ইফিসেন্সী অমসুং প্রদক্তিবিতী থৌগৎপা।
• ইন্দস্ত্রী-রেদী মেনপৱার: শরুকয়ারিবশিংবু স্কিলগা লোয়ননা মতিংক চাহন্নবা ত্রেনিং প্রোগ্রামশিং ফংহন্দুনা ইন্দস্ত্রী স্তেন্দরশিং য়ৌহনবা।
• প্রোসেস অমসুং প্রদক্ত দেবেলপমেন্তকীদমক তেংবাং: কম্পেতিতিবনেস হেনগৎনবা মরী লৈনবা সেক্তরশিংদা দেবেলপমেন্ত ইনিসিয়েতিবশিং ফংহনবা।
• কন্সলতেন্সী অমসুং জোব ৱার্ক সর্বিসশিং: তোঙান তোঙানবা ইন্দস্ত্রীশিংগী অকক্নবা মথৌতাবশিং ফংহন্নবা কন্সলতেন্সী অমসুং জোব ৱার্ক ওফর তৌবা।

 

কনানা এপ্লাই তৌবা য়াই

 

• ইন্দস্ত্রিয়েল য়ুনিৎশিং: এম.এস.এম.ই. সেক্তরগীদমক অখন্ননা তার্গেৎ তৌবা।
• ত্রেনিং প্রোগ্রাম এলিজিবিলিতী: স্কুল দ্রোপআউতশিংদগী এম.তেক দিগ্রী পায়বা মীওইশিংগীদমক হাংলি।

ত্রেদিস্নেল ত্রেদ ২৫বু পি.এম. বিশ্বকর্ম য়োজনাগী মখাদা কোনশিল্লি

পি.এম. বিশ্বকর্ম য়োজনা অসি মশাগী মখুৎনা অমসুং খুৎলাইনা চোকথবা নায়দনা থবক শুরিবা ভারতকী বিশ্বকর্মশিংবু মথকলোমদা পুখৎনবা, মখোয়বু দেবেলপমেন্তগী মেনস্ত্রিমদা পুরক্নবা অমসুং মখোয়বু মরোমদোম লেপচনবা হোৎনবা অমনি।

স্কিম অসিনা ভারত পুম্বগী খুঙ্গং অমসুং শহরদা লৈরিবা কারিগরশিং অমসুং খুৎ-শা হৈবশিংবু তেংবাং পীরগনি অমদি সরকারগী লাইরবা মুত্থৎনবা হোৎনরিবদা মতেং পাংলগনি।  

 

রিফরেন্সশিং

https://pib.gov.in/PressReleaseIframePage.aspx?PRID=195607 https://pib.gov.in/PressReleaseIframePage.aspx?PRID=1948891

https://pib.gov.in/PressReleaseIframePage.aspx?PRID=1949410#:~:text=Under%20PM%20 Vishwakarma%20scheme%2C%20the,concessional%20interest%20rate%20of%205%25

https://twitter.com/mygovindia/status/1692433142777315339 https://pmvishwakarma.gov.in/

https://msme.gov.in/sites/default/files/MSMESchemebooklet2024.pdf

https://pmvishwakarma.gov.in/Home/FAQ#:~:text=Carpenter%20(Suthar)%2C%20Boat%20Maker,Mat%20maker%2F%20Coir%20Weaver%2F%20Broom

 

গাইদলাইনশিং পানবা মসিদা ক্লিক তৌবীয়ু অহেনবা ই-পাউগীদমক মসিদা ক্লিক তৌবীয়ু

Click here to download PDF

****

 

(Release ID: 2072254) Visitor Counter : 13