امرتسر-کولکاتہ صنعتی راہداری (اے کے آئی سی) پہل نے قومی صنعتی راہداری ڈیولپمنٹ کارپوریشن (این آئی سی ڈی سی)، حکومت اتر پردیش اور اتر پردیش اسٹیٹ انڈسٹریل ڈیولپمنٹ اتھارٹی (یو پی ایس آئی ڈی اے) کے درمیان آج ریاستی تعاون کے معاہدے (ایس ایس اے) اور شیئر ہولڈر معاہدے (ایس ایچ اے) پر دستخط کرنے کے ساتھ ایک اہم قدم آگے بڑھایا۔  یہ معاہدے آگرہ اور پریاگ راج میں مربوط مینوفیکچرنگ کلسٹر (آئی ایم سی) کے ساتھ شروع ہونے والے صنعتی ترقی کو فروغ دینے اور عالمی معیار کے بنیادی ڈھانچے کی ترقی کے لیے حکومت ہند کے عزم کی نشاندہی کرتے ہیں۔ مقامی مینوفیکچرنگ کی صلاحیتوں کو تقویت دے کر اور ملکی اور بین الاقوامی سرمایہ کاری کو راغب کرتے ہوئے، اے کے آئی سی میک ان انڈیا پہل کو مضبوط کرے گا، جس سے ایک زیادہ خود انحصاری اور عالمی سطح پر مسابقتی ہندوستان کی راہ ہموار ہوگی۔

 

صنعتی ترقی اور سرمایہ کاری کے لیے ایک طریقہ کار

آگرہ اور پریاگ راج میں یہ مربوط مینوفیکچرنگ کلسٹر امرتسر-کولکاتہ صنعتی راہداری کے تحت صنعتی اور اقتصادی ترقی کے انجن بننے کے لیے بنائے گئے ہیں۔ ان کلسٹروں کی ترقی سے کاروبار کے لیے ایک سازگار ماحول  تیار ہوگا ، روزگار کے مواقع بڑھیں گے اور ایک صنعتی مقام کے طور پر اتر پردیش کی مسابقت میں اضافہ ہوگا۔ دونوں کلسٹر مقامی اور عالمی سرمایہ کاروں کو راغب کرنے کے لیے تیار ہیں، جس سے ایک عالمی مینوفیکچرنگ  مرکز کے طور پر ہندوستان کی پوزیشن مزید مستحکم ہو گی۔

منصوبوں کی اہم جھلکیاں

آئی ایم سی آگرہ

آگرہ میں مربوط مینوفیکچرنگ کلسٹر(آئی ایم سی) شہر کے اندرونی رنگ روڈ کے ساتھ ساتھ 1,058 ایکڑ پر واقع ہے۔ یہ اہم مقام دہلی این سی آر اور آگرہ-لکھنؤ ایکسپریس وے سمیت اہم جنکشنوں سے بغیر کسی رکاوٹ کے رابطے کو یقینی بناتا ہے، جو اسے ایک مثالی صنعتی مرکز بناتا ہے۔ غیر معمولی روڈ کنیکٹیویٹی کے ساتھ، کلسٹر سے توقع کی جاتی ہے کہ وہ صنعتوں کی ایک وسیع رینج کو راغب کرے گا، جس سے مقامی اور بین الاقوامی دونوں کاروباروں کی دلچسپی ہوگی۔ اس منصوبے سے 3,400 کروڑ  روپےسے زیادہ کی سرمایہ کاری کی توقع ہے، جس سے خطے کی صنعتی ترقی اور اقتصادی ترقی میں اضافہ ہوگا۔

 

آئی ایم سی پریاگ راج

مربوط مینوفیکچرنگ کلسٹر (آئی ایم سی) پریاگ راج، 352 ایکڑ پرمحیط ، اس خطے میں ایک بڑے صنعتی مرکز کے طور پر ابھرنے کے لیے تیار ہے۔ تقریباً 1,600 کروڑ روپے کی متوقع سرمایہ کاری کے ساتھ، کلسٹر کو صنعتوں جیسے ای-موبلٹی، فوڈ پروسیسنگ، چمڑے، کپڑے ، سائیکل مینوفیکچرنگ، اور پیکیجنگ پر توجہ مرکوز کرنے کے لیے ڈیزائن کیا گیا ہے۔ متنوع شعبوں میں ترقی کو فروغ دے کر، آئی ایم سی پریاگ راج کا مقصد اتر پردیش میں اقتصادی توسیع اور شعبہ جاتی تنوع کو فروغ دینا ہے۔

ان معاہدوں پر سرکاری طور پر جناب رجت کمار سینی، سی ای او اور ایم ڈی، این آئی سی ڈی سی، اور جناب میور مہیشوری، سی ای او، یو پی ایس آئی ڈی اے نے دستخط کیے، ان صنعتی کلسٹروں کی ترقی کے لیے ایک مضبوط فریم ورک قائم کیا، جواے کے آئی سی پہل کے تحت اتر پردیش میں اسٹریٹجک مرکز کے طور پر کام کریں گے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ن م(

2268

(Release ID: 2071885) Visitor Counter : 29