دیہی بھارت میں ڈیجیٹل تقسیم کو ختم کرنے اور ڈیجیٹل خدمات کو ہر شہری تک پہنچنےکو یقینی بنانے کے ایک اہم قدم کے تحت، الیکٹرانکس اور انفارمیشن ٹیکنالوجی کی وزارت (ایم ای آئی وائی ٹی) ڈیجیٹل انڈیا کامن سروس سینٹر (ڈی آئی سی ایس سی) پروجیکٹ شروع کر رہی ہے، جس کی شروعات پیلی بھیت اور گورکھپور سے ہو رہی ہے۔ یہ اقدام 10 اضلاع میں تقریباً تمام گرام پنچایتوں میں ایک ماڈ ل ڈی آئی سی ایس سی سنٹر قائم کرے گا، اورملک بھر میں کل 4,740 مراکز ہوں گے۔

بھارت بھر میں ڈی آئی سی ایس سی ایس

خاص طور پرپیلی بھیت میں 720 ڈی آئی سی ایس سی مراکز قائم کیے جائیں گے جب کہ اتر پردیش کے گورکھپور  میں 1,273 مراکز ہوں گے۔ اضافی مقامات میں 870 مراکز ہوں گے،جس میں چھترپتی سمبھاجی نگر (پرانا اورنگ آباد، مہاراشٹر)، 309 کے ساتھ چمبا (ہماچل پردیش)، 589 کے ساتھ کھمم (تلنگانہ)، 288 کے ساتھ گاندھی نگر (گجرات)، 100 کے ساتھ ممیت (میزورم)، 415کے ساتھ جودھپور (راجستھان)،95 کے ساتھ  لیہہ (لداخ) ،اور پڈوچیری ریاست میں ڈی آئی سی ایس سی ایس کے81مراکز ہوں گے۔ ان مراکز کے نفاذ اور تکنیکی نگرانی کا مرکزی انتظام سی ایس سی ای۔ گورننس سروسز انڈیا لمیٹڈ کرے گا۔

 3,160.88  لاکھ روپئے کے بجٹ کے ساتھ، اس پروجیکٹ کو ابتدائی طور پر چھ ماہ تک چلانے کے لیے تیار کیا گیا ہے، اس کے نو ماہ تک توسیع کئےجانے کا امکان ہے۔ اس کا بنیادی مقصد ایک مربوط پلیٹ فارم بنانا ہے جو دیہی شہریوں کو مالی اور تجارتی خدمات کے ساتھ ساتھ ضروری ای-گورننس خدمات فراہم کرناہے۔ پیلی بھیت میں سی ایس سی مراکز متعدد خدمات  فراہم کریں گے جن میں آدھار رجسٹریشن، بینکنگ، مالیاتی منصوبہ بندی، ٹیلی قانون، ٹیلی میڈیسن، تعلیم، اور ای کامرس سپورٹ شامل ہیں۔

ترقیاتی مہم کے فروغ کے لیے تیز رفتار انٹرنیٹ

ہر سی ایس سی مرکز تیز رفتار براڈ بینڈ کنیکٹیویٹی اور جدید ابنیادی ڈھانچےسے لیس ہو گا تاکہ ایک ملٹی فنکشنل سروس سینٹر کے طور پر کام کر سکے۔ اس پروجیکٹ کا مقصد گاؤں کی سطح کے کاروباری افراد (وی ایل ای ایس) کو بااختیار بنانا، مقامی اقتصادی ترقی کو فروغ دینا اور روزگار کے مواقع پیدا کرنا ہے۔ یہ اقدام تکنیکی نگرانی کےمرکزی نظام کے  ذریعے شفاف اور پائیدار خدمات کی فراہمی کو بھی یقینی بنائے گا۔

مزید برآں، جی پی ایس سے چلنے والی موبائل وین کو سرکاری اسکیموں کو فروغ دینے اور ضروری خدمات براہ راست دور دراز علاقوں تک پہنچانے کے لیے تعینات کیا جائے گا۔ اس جامع نقطہ نظر سے ڈیجیٹل خواندگی کو نمایاں طور پر بڑھانے اور پیلی بھیت اور گورکھپور دونوں میں خدمات تک رسائی کو بہتر بنانے کی امید ہے۔

ٖڈی آئی سی ایس سی پروجیکٹ اہم ڈیجیٹل خدمات فراہم کرکے ان خطوں کوپوری طرح تبدیل کرنے کے لیے تیار ہے  جس سے مقامی کاروباری افراد کو بااختیار بنایا جا سکے گا اور جامع ترقی کو فروغ دی جا سکے گی۔ ڈیجیٹل تقسیم کو دور کرتے ہوئے اور ضروری خدمات تک رسائی کو بڑھا کر، اس اقدام کا مقصد پیلی بھیت اور گورکھپور کے معاشی حالات کو بہتر بنانا ہےاور انہیں وسیع تر ڈیجیٹل معیشت میں ضم کرنا ہے۔

****

ش ح۔ م م ع۔ش ا

UNO-1996