سنٹرل ویجیلنس کمیشن (سی وی سی) کے رہنما خطوط پر عمل کرتے ہوئے اور آر آئی این ایل کے چیف ویجیلنس آفیسر، ڈاکٹر ایس کرونا راجو، آئی اے ایس کی ہدایت کے تحت، ویجیلنس آگاہی ہفتہ (وی اے ڈبلیو)  2024 کے حصے کے طور پر، آر آئی این ایل کا ویجیلنس ڈیپارٹمنٹ، کارپوریٹ ادارہ وشاکھاپٹنم اسٹیل پلانٹ نے آج انکاپلی ضلع کے پراودا منڈلم کے زیڈ پی ہائی اسکول دیشپترونیپالم میں ایک گراما سبھا کا اہتمام کیا۔

براہ راست، شراکتی حکومت کی حوصلہ افزائی کے لیے گاؤں میں گرام سبھا منعقد کی جاتی ہیں۔ یہ کھلا فورم گاؤں کے لوگوں  کو سرگرمیوں کی نگرانی اور جائزہ لینے، بدعنوانی کو کم کرنے اور احتساب کو فروغ دینے کی اجازت دیتا ہے۔ یہ ویجیلنس بیداری ہفتہ کے دوران انسداد بدعنوانی جیسے اہم سماجی مسائل پر بیداری پیدا کرنے کے پلیٹ فارم کے طور پر بھی کام کرتا ہے۔ گرام سبھا کے انعقاد سے، دیہی کمیونٹیز اپنی ترقی کی تشکیل اور اپنے معیار زندگی کو بہتر بنانے میں زیادہ فعال طور پر شامل ہو سکتی ہیں۔ اس اقدام کا مقصد انسداد بدعنوانی کے اقدامات، اخلاقی طریقوں کے بارے میں بیداری کو فروغ دینا اور کمیونٹی میں دیانتداری کے کلچر کو فروغ دینا ہے۔

آج کے پروگرام میں طلباء، والدین، اساتذہ اور مقامی گاؤں والوں سمیت 200 سے زائد شرکاء کے ساتھ پرجوش شرکت دیکھنے میں آئی۔ ویجیلنس ڈپارٹمنٹ کے افسران نے اسکول کی ہیڈ مسٹریس، محترمہ آر سجاتا  اور کمیونٹی کے حامی، سری جگنادم، متنوع اور مشغول سامعین کو اکٹھا کرنے کے لیے ساتھ مل کر کام کرتے ہوئے اس پروگرام میں سہولت فراہم کی۔

گرام سبھا کے دوران، آرآئی این ایل کےسینئر مینیجر (ویجلنس)، جناب پی ستیہ نارائنا  نے ویجیلنس بیداری ہفتہ (وی اے ڈبلیو) 2024 تھیم کی اہمیت اور انسداد بدعنوانی تحریک کو مضبوط بنانے میں اس کے اہم کردار پر روشنی ڈالی۔ انہوں نے بدعنوانی سے مؤثر طریقے سے نمٹنے کے لیے معاشرے کی تمام سطحوں پر شفافیت، احتساب اور دیانت داری کو فروغ دینے کی اہمیت پر زور دیا۔ جناب  ستیہ نارائنا نے ایک ایسا ماحول بنانے کے لیے اجتماعی کوششوں کی حوصلہ افزائی کی جو بدعنوان طریقوں کی حوصلہ شکنی کرے، اس بات پر زور دیتے ہوئے کہ ایک منصفانہ کمیونٹی بنانے کے لیے ہر شہری کی فعال شرکت ضروری ہے۔ ان کے خطاب نے شرکاء کو اخلاقی طرز عمل کو اپنانے اور بدعنوانی سے پاک معاشرے کے لیے احتیاط اور ویجیلنس کے جذبے کو تقویت دینے کی ترغیب دی۔

طلباء، گاؤں والوں اور آر آئی این ایل  کے عہدیداروں نے اس موقع پر "دیانتداری کا عہد" لیا۔

اس اجتماع سےآرآئی این ایل (ویجیلنس) کے ڈی جی ایم وی سوگوناکارا راو نے بھی خطاب کیا جنہوں نے ایک خوشحال ملک کی تعمیر میں شفافیت اور ایمانداری کے اہم کردار پر روشنی ڈالی۔ ہیڈ مسٹریس محترمہ سجاتا نے بھی حاضرین سے خطاب کیا، روزمرہ کی زندگی میں اخلاقی اقدار کی اہمیت پر زور دیا۔ طلباء اور والدین نے کھل کر اپنے نقطہ نظر کا اشتراک کیا، جو اس تقریب کے ذریعے فروغ پانے والی مضبوط کمیونٹی کی مصروفیت کی عکاسی کرتا ہے۔

ایس کرن کمار، ڈی جی ایم (ویجیلنس)، کے راجیشور راؤ، اے جی ایم (ویجیلنس)، ٹی سری نواس راؤ، سینئر ایم جی آر سمیت سینئر ویجیلنس افسران بھی موجود تھے اور کمیونٹی کے ساتھ سرگرمی سے مصروف عمل تھے۔

شرکاء نے کمیونٹی میں سالمیت کو فروغ دینے کے آر آئی این ایل کے عزم کو سراہتے ہوئے ویجیلنس ڈیپارٹمنٹ کے اقدام کے لیے تہہ دل سے شکریہ ادا کیا۔

گرام سبھا نے نہ صرف بیداری بڑھانے کے لیے ایک پلیٹ فارم فراہم کیا بلکہ اخلاقی طریقوں کو اپنانے اور فروغ دینے کے لیے حاضرین کے عزم کو بھی مضبوط کیا، جس سے بدعنوانی سے پاک معاشرے کے وژن میں تعاون   دیاگیا۔

 

************

ش ح۔ ام ۔

 (U:1976)

(Release ID: 2069945) Visitor Counter : 27