ہندوستان کے سب سے بڑے لوہے کے پروڈیوسر این ایم ڈی سی لمیٹڈ نے اس سال کے تھیم‘‘قوم کی خوشحالی کے لیے سالمیت کی ثقافت’’کے ساتھ سالمیت، شفافیت اور اخلاقی طریقوں کے لیے ایک نئے عہد کے ساتھ وجیلنس آگاہی ہفتہ 2024 منانا شروع کیا۔

 

تقریب کا آغاز جناب امیتاوا مکھرجی، سی ایم ڈی (ایڈیشنل چارج)، این ایم ڈی سی کے ساتھ ہوا، جو حیدرآباد میں این ایم ڈی سی ایچ او میں  انٹیگریٹی پلیج  کے عہد کا انتظام کر رہے ہیں، ان کے ساتھ جناب ونے کمار، ڈائریکٹر (تکنیکی) اور (پرسنل، اضافی چارج)، این ایم ڈی سی اور جناب بی وشوناتھ، چیف وجیلنس آفیسراین ایم ڈی سی، سینئر انتظامیہ اور ملازمین کے ساتھ اس پروقار تقریب میں سرگرمی سے حصہ لیا۔ اس کے ساتھ ہی این ایم ڈی سی کے پروجیکٹ مقامات پر پنا، ڈونی ملائی،بچیلی، کرندول، جگدل پور، ناگرنار اور دیگر علاقائی دفاتر پر بھی سالمیت کا عہد لیا گیا جس سے شفافیت اور جوابدہی کی کمپنی کے وسیع کلچر کو تقویت ملی۔

عہد لینے  کے دوران ہندوستان کے عزت مآب صدر، ہندوستان کے عزت مآب نائب صدر، ہندوستان کے معزز وزیر اعظم، اور سنٹرل وجیلنس کمیشن (سی وی سی) کے پیغامات کا اعادہ کیا گیا جس میں دیانتداری اور عوامی خدمت میں اہم اہمیت کو اجاگر کیا گیا۔

16 اگست سے 15 نومبر 2024 تک چلنے والی تین ماہ کی مہم کے ایک حصے کے طور پر این ایم ڈی سی نے تنظیم کے اندر اور اس سے باہر اخلاقی طریقوں کو فروغ دینے کے لیے متعدد پروگرام شروع کیے ہیں۔ مہم میں ملازمین کے لیے خصوصی تربیتی سیشن شامل ہیں، جن میں اخلاقی حکمرانی کی اہمیت، پروکیورمنٹ کے عمل، سی ڈی اے کے قوانین اور احتیاطی چوکسی، ہر آپریشنل سطح پر شفافیت اور ذمہ داری کو یقینی بنانا شامل ہے۔ اس مہم کی ایک اہم خصوصیت این ایم ڈی سی کی کمیونٹی تک رسائی ہے۔ کمپنی نے حیدرآباد، بیلاڈیلا، جگدل پور، ناگرنار، پنا، اور ڈونی ملائی کے 28 سے زیادہ اسکولوں اور کالجوں میں چوکسی بیداری کے پروگرام منعقد کیے گئے ہیں، جن میں 1,800 سے زیادہ  اسٹوڈنٹس تک رسائی حاصل کی گئی ہے۔ صرف حیدرآباد میں پانچ اسکولوں اور چار کالجوں کے 1,000 سے زائد اسٹوڈنٹس نے مضمون نویسی، پوسٹر سازی، اور تقریری مقابلوں میں سرگرمی سے حصہ لیا۔

طلباء کی کوششوں کو تسلیم کرنے اور ان کی حوصلہ افزائی کے لیے ایچ او این ایم ڈی سی میں افتتاحی تقریب میں ان مقابلوں کے فاتحین کے لیے انعامات کی تقسیم کی تقریب شامل تھی، جس میں نوجوانوں میں دیانتداری اور ایمانداری جیسی اخلاقی اقدار کو پروان چڑھانے کے لیےاین ایم ڈی سی کے عزائم کو اجاگر کیا گیا۔

اس موقع پر خطاب کرتے ہوئے این ایم ڈی سی کے سی ایم ڈی (اضافی چارج)  جناب امیتاوا مکھرجی نے کہا-‘‘ این ایم ڈی سی نہ صرف تنظیم کے اندر بلکہ ان کمیونٹیز میں بھی جن کی ہم خدمت کرتے ہیں شفافیت کے کلچر کو فروغ دینے کے اپنے مشن میں پرعزم ہے اور طلباء کے ساتھ مشغول ہو کر اور بیداری بڑھا کر، ہم اخلاقی طرز عمل اور ذمہ دارانہ طریقوں پر مبنی مستقبل کی بنیاد رکھ رہے ہیں۔ ہماری اجتماعی کوششوں کا مقصد بدعنوانی سے پاک ہندوستان کے ویژن کو پورا کرنا ہے، جہاں شفافیت اور جوابدہی قومی خوشحالی کے ستون بن جاتے ہیں’’۔

وجیلنس بیداری ہفتہ کے دوران، این ایم ڈی سی تمام آپریشنل سطحوں پر شفافیت، دیانتداری، اور اخلاقی طریقوں کے بارے میں بیداری کو فروغ دینے کے لیے مختلف تقریبات کا انعقاد کرے گا۔

*********

 

 

ش ح ۔ ظ ا۔  ت ع

U. No.1907

(Release ID: 2069454) Visitor Counter : 5