ٹیلی کام ریگولیٹری اتھارٹی آف انڈیا (ٹرائی) نے آج ’ٹیلی مواصلات ایکٹ2023کے تحت دیے جانے والے نیٹ ورک آتھرائزیشن کی شرائط و ضوابط‘ پر ایک مشاورتی دستاویز جاری کی ہے۔

ٹیلی مواصلات کے محکمہ (ڈی او ٹی) نے 26.07.2024 کے ایک خط کے ذریعے، ٹرائی کو مطلع کیا کہ ٹیلی کمیونیکیشن ایکٹ2023 ہندوستان کے سرکاری گزٹ میں شائع ہوا ہے؛ ایکٹ کا سیکشن 3(1)(b) ٹیلی کمیونیکیشن نیٹ ورک قائم کرنے، چلانے، برقرار رکھنے یا توسیع کا ارادہ رکھنے والے کسی بھی شخص کی طرف سے اجازت حاصل کرنے کی سہولت فراہم کرتا ہے، جو کہ اس طرح کی شرائط اور ضوابط سے مشروط ہے، بشمول فیس یا چارجز، جیسا کہ تجویز کیا گیا ہو۔ 26.07.2024 کے مذکورہ خط کے ذریعے ڈی او ٹی نے ٹرائی ایکٹ 1997 کے سیکشن11(1)(a) کے تحت، ٹرائی سے درخواست کی کہ وہ شرائط و ضوابط، بشمول فیس یا چارجز، کو قائم کرنے، چلانے، برقرار رکھنے، یا ٹیلی کمیونیکیشن ایکٹ 2023 کی دفعات کے مطابق ٹیلی کمیونیکیشن نیٹ ورک کی توسیع  کی اجازت کے لیے اپنی سفارشات فراہم کرے۔

اس کے بعد، 17.10.2024 کو ایک اور خط کے ذریعے، ڈی او ٹی نے ٹرائی سے ٹیلی کمیونیکیشن ایکٹ2023 کے سیکشن 3(1)(b) کے تحت سیٹلائٹ کمیونیکیشن نیٹ ورک کے لیے اجازت دینے پر غور کرنے کی درخواست کی۔

اس سلسلے میں،ٹیلی کمیونیکیشن ایکٹ2023 کے تحت دی جانے والی نیٹ ورک منظوری کی شرائط و ضوابط پر ایک مشاورتی دستاویز ٹرائی کی ویب سائٹ (www.trai.gov.in) پر فریقوں سے رائے /جوابی رائے  طلب کرنے کے لیے پیش کی گئی ہے۔  مشاورتی دستاویز میں اٹھائے گئے مسائل پر تحریری رائے اور جوابی رائےفریقوں سے بالترتیب 12.11.2024 اور 19.11.2024 تک طلب کی گئی ہیں۔

رائے/جوابی رائے، ترجیحی طور پر الیکٹرانک شکل میں، advmn@trai.gov.in  پر بھیجی جاسکتی ہیں۔ کسی بھی وضاحت/معلومات کے لیے، جناب اکھلیش کمار ترویدی، مشیر (نیٹ ورکس، اسپیکٹرم اور لائسنسنگ)،ٹرائی سے ٹیلیفون نمبر+91-11-20907758 پر رابطہ کیا جا سکتا ہے۔

***

ش ح۔ ف ا۔ع د

U-No. 1622)

(Release ID: 2067288) Visitor Counter : 33