تجارت اور صنعت کے مرکزی وزیر جناب پیوش گوئل نے صنعت کی انجمنوں سے اپیل کی  کہ وہ اسٹارٹ اپس کے ساتھ مصروف رہیں اور چیمبرز میں نوجوان قیادت کی حوصلہ افزائی کے لیے سرگرم رہیں۔ انہوں نے شرکاء پر زور دیا کہ وہ صنعتی انجمنوں میں زیادہ سے زیادہ خواتین کاروباریوں کو شامل کریں۔

آج نئی دہلی میں انڈین چیمبر آف کامرس (آئی سی سی) کے سالانہ مکمل اجلاس میں اپنے خطاب کے دوران ملک کی معیشت کو بڑھانے میں سیاحت کے امکانات کے بارے میں بات کرتے ہوئے، مرکزی وزیر نے کہا کہ صنعتی اداروں کو دنیا بھر میں پھیلے اپنے نمائندہ دفاتر کے ذریعے سیاحت کو فروغ دینا چاہیے۔  انہوں نے کہا کہ ہمیں زبان کی مہارت کو فروغ دینے کے لیے ذمہ داری اٹھانی ہوگی۔ انہوں نے مزید کہا  کہ سیاحت کے شعبے میں مترجموں، ٹور آپریٹرز جیسی ملازمتوں کو کھولنے کے لیے شہریوں کی زبان کی رکاوٹ کو دور کیا جا سکتا ہے۔ وزیر موصوف نے مزید کہا کہ ملازمتوں کی مانگ ہے جو دستیاب ہیں لیکن ہنرمندی کی ترقی کے ذریعے فرق کو پر کرنے کی ضرورت ہے۔ انہوں نے کہا کہ ہندوستان سیاحت اور مہمان نوازی میں دنیا کی قیادت کرے گا۔

جناب گوئل نے وزیر اعظم جناب نریندر مودی کے اصلاح، کارکردگی اور تبدیلی کے منتر کا حوالہ دیا، اور شرکاء سے اپیل کی  کہ وہ ملک کی ترقی کے بارے میں دنیا کو آگاہ کریں۔ انہوں نے کہا کہ ہم ہندوستان کے ابھرتے ہوئے رجحانات کو باقی دنیا تک لے جا سکتے ہیں، صاف توانائی کا پاور ہاؤس جو ہندوستان بنے گا۔

مرکزی وزیر نے مزید کہا کہ دنیا کو مصنوعی ذہانت، مشین لرننگ، ڈیٹا اینالیٹکس میں ہندوستان کی پیش قدمی اور ہندوستان کے جی ڈی پی کو دنیا میں پانچویں سب سے بڑی معیشت سے تیسری سب سے بڑی معیشت بننے کی کوششوں سے آگاہ کرنے کی ضرورت ہے۔ انہوں نے کہا کہ پی ایم مودی کی تیسری میعاد میں بڑے اور بہتر نتائج کے لیے تین گنا توانائی، تین گنا کوشش اور عزم کی ضرورت ہے۔

ڈیجیٹل کنیکٹیویٹی کے ذریعے ملک کے نوجوانوں کو بااختیار بنانے کے لیے وزیر اعظم جناب نریندر مودی کی کوششوں کے بارے میں بات کرتے ہوئے، جناب گوئل نے کہا کہ سماج کا حوصلہ مند  طبقہ حکومت کی توجہ کا سب سے زیادہ مستحق ہے اور اس لیے حکومت انہیں2047 تک  وکست بھارت کی طرف سفر کا حصہ بنانے پر توجہ مرکوز کر رہی ہے۔  بجٹ 2024 کے دوران پی ایم اسکیموں کے آغاز کا ذکر کرتے ہوئے، وزیر  موصوف نے صنعتی اداروں اور ان کے اراکین کو حکومت میں شامل ہونے کی ترغیب دی تاکہ نوجوانوں کو ہنر مندی کی ترقی اور روزگار کی فراہمی کو بہتر بنانے کے مواقع فراہم کیے جاسکیں۔ انہوں نے کہا کہ جامعیت ہندوستان کی کامیابی کی کہانی کو بیان کرے گی۔

انہوں نے قائدانہ کردار ادا کرنے کے لیے نوجوانوں کو شامل کرنے میں ایک مثال قائم کرنے پر تنظیم کی بھی تعریف کی اور آئی سی سی کو 35 مختلف شعبوں کی آواز بننے پر مبارکباد دی۔

*************

 

ش ح ۔ ا ک ۔ ر ب

U. No.1481

 

(Release ID: 2066334) Visitor Counter : 23