Content:

মসিগী অচেৎপা ফিরেপ অসিগী মঙাল নাইবা খুদম অমা হায়রগদি ইকাই খুম্ননীংঙাই ওইরবা মহারত্না স্তেতস ফংখিবা হিন্দুস্তান এরোনেতিক্স লিমিতেদ (HAL)না ভারতকী মসিগী রিকগনিসন ফংখিবা 14শুবা সেন্ত্রেল পব্লিক সেক্তর এন্তরপ্রাইজ (CPSE) ওইরি। মাইলস্তোন অসিনা ভারতকী এরোস্পেস অমসুং দিফেন্স সেক্তরদা মরুওইবা থৌদাং লৌরিবা HAL ফাইনান্স সেক্রেতরীনা লুচিংবা ইন্তর-মিনিস্ত্রিএল কম্মিতী (IMC) অমসুং কেবিনেৎ সেক্রেতরীনা লুচিংবা এপেক্স কম্মিতী অনিমক্না রিকমেন্দ তৌবদগী শেল-থুম মন্ত্রীনা অয়াবা পীখি।

মহারত্না স্তেতস খঙবা

মালেমগী লুচিংবা অমা ওইনবা মখোয়গী খোঙচৎতা কম্পিতিতিব এদভান্তেজ লৈবা CPSEশিং মশক খঙদোক্নবা অমসুং মতেং পাংনবা সরকারনা 1997তা 'নবরত্না' স্কিম হৌদোকখি। স্কিম অসিগী মখাদা, 'নবরত্না' CPSEশিংদা কেপিতেল ‌এক্সপেন্দিচর, জোইন্ত ভেঞ্চরশিং, অমসুং হ্যুমেন রিসোর্স মেনেজমেন্তকী শক্তি পীখি। অসিগুম্বা কম্পনী কয়া অসি মখোয়গী পিয়রশিংদগী হেন্না চাউখৎলকপদগী, ইন্দিয়ন মল্তিনেস্নেল কম্পনীশিং (MNCশিং) ওইরকপা ঙম্বা কম্পনীশিংবু মশক খঙদোক্নবা অনৌবা ক্লাসিফিকেসন (মহারত্না) অমগী তঙাইফদবা থোক্লকখি। অসিগুম্বা হেন্না ৱাংবা থাক অসিনা অতোপ্পা "নবরত্না" কম্পনীশিংবু পুক্নিং থৌগৎলি, ব্রান্দ ভেল্যু হেনগৎহল্লি, অমসুং CPSEশিংদা হেন্না শক্তি পীবা য়াহল্লি, মসিনা মখা তানা চাউখৎপা অমসুং ইন্তর্নেস্নেল কম্পিতিতিবনেসবিতী লৈহল্লি।

ভারতকী CPSEশিংদা মহারত্না স্তেতস পীরি, মসিনা মখোয়দা হেন্না চাউবা ওপরেস্নেল অমসুং ফাইনান্সিএল ওতোনোমী পীরি। স্তেতস অসিগীদমক ক্বালিফাই তৌনবগীদমক, কম্পনীশিংনা অকক্নবা ক্রাইতেরিয়া থুংহনগদবনি, মসিগী মনুংদা য়াওরিবশিংদি:

1. নবরত্না স্তেতস: কম্পনী অদু মমাংদা নবরত্না স্তেতস পীখ্রবা ওইগদবনি।
2. স্তোক মার্কেত লিস্তিং: সেক্যুরিতিজ এন্দ এক্সচেঞ্জ বোর্দ ওফ ইন্দিয়া (সেবি) গী পব্লিক শেয়রহোল্দিংগা মরী লৈনবা চৎন-কাংলোনশিং ঙাক্না চৎতুনা কম্পনী অদু ইন্দিয়ন স্তোক এক্সচেঞ্জদা লিস্ত তৌগদবনি।
3. ফাইনান্সিএল পর্ফোমেন্স:
   • হৌখিবা চহি অহুম অসিদা চাংচত্তা চহিগী ওইনা লুপা ক্রোর 25,000গী মথক্তা তর্নওভর লৈবা।
   • চপ মান্নবা মতমগী মনুংদা চাংচত্তা চহিগী নেৎ ৱার্থ লুপা করোর 15,000 হেনবা।
   • হৌখিবা চহি অহুম অসিদা তেক্স লৌরবা মতুংদা চাংচত্তা চহিগী নেৎ প্রোফিৎ অসি লুপা করোর 5,000দগী হেনবা
4. গ্লোবেল প্রেজেন্স: কম্পনী অদুদা মরুওইবা ইন্তর্নেস্নেল ওপরেসনশিং নত্ত্রগা গ্লোবেল প্রেজেন্সেস অমা লৈগদবনি।

HALগী ফাইনান্সিএল পর্ফোর্মেন্স

শেনবা চহি 2023-24গী ওইনা, HALনা ভারতকী মকোক থোংবা পব্লিক সেক্তর এন্তরপ্রাইজ অমা ওইনা মাগী থাক অসি মপাঙ্গল কনখৎহন্দুনা লুপা করোর 28,162গী অচৌবা তর্নওভর অমসুং লুপা করোর 7,595গী নেৎ প্রোফিৎ রিপোর্ত তৌখি। শেল-থুমগী মায় পাকপা অসিনা HALগী স্ত্রেতেজিক ইনিসিএতিবশিং অমসুং এরোস্পেস ইন্দস্ত্রীদা মাগী মরুওইবা থৌদাং অদুগী খুদম্নি।

মহারত্না স্তেতসকী কান্নবশিং

মহারত্না স্তেতস ফংবনা HALদা অহেনবা শেল-থুমগী ওতোনোমী ফংহন্দুনা মসিনা সরকারগী অয়াবা লৌদনা মরু ওইবা ইনভেস্তমেন্তগী ৱারেপশিং লৌবা ঙমহল্লি। মসিগী ওতোনোমী অসিনা প্রোজেক্তশিং অথুবা মতমদা পায়খৎপা, ইন্নোভেসন পুক্নিং থৌগৎপা অমসুং ওপরেস্নেল ইফিসিএন্সী হেনগৎহনগনি হায়না পানরি।

মসিগী মথক্তা, স্তেতস অসিনা HALবু ভারতকী খ্বাইদগী ইথিল লৈবা অমসুং ফাইনান্সিএল স্তেবল পব্লিক সেক্তর এন্তর্প্রাইজশিংগী মরক্তা থম্লি। মসিনা লৈবাক অসিগী মনুংদা নত্তনা মালেমগী থাক্তা মাগী স্ত্রেতেজিক ওইবা মরুওইবা অদু উৎলি।

স্ত্রেতেজিক ওইবা মরু ওইবা

মিলিতরী এভিএসনদা মশা-মরোমদোম লেপচবদা মীৎয়েং থমদুনা ভারতকী ঙাকশেলগী তৌবা ঙম্বদা HALনা মরু ওইবা থৌদাং অমা লৌরি। তেজাস অমসুং লাইৎ য়ুতিলিতী হেলিকোপ্তর (LUH) গুম্বা লাইৎ কম্বাৎ এয়রক্রাফ্ত (LCA) অসি ভারতকী লান্মীশিংবু মোদর্নাইজ তৌবদা মরু ওই। অনৌবা পুথোকপা অমসুং মগুন লৈহনবদা HALগী ফিরেপ অসিনা মালেমগী এরোস্পেস ইন্দস্ত্রীদা মরুওইবা প্লেয়র অমা ওইহল্লি।

ইন্দিজিনস এরো ইঞ্জিন প্রদক্সনগী খুত্থাংদা আত্মনির্ভর ভারত মপাঙ্গল কনখৎহল্লি

আত্মনির্ভর ভারতকী মরুওইবা খোংথাং অমা ওইনা, দিফেন্স মন্ত্রালয়না হিন্দুস্তান এয়রোনেতিক্স লিমিতেদ (HAL)গা লুপা করোর 26,000 হেনবগী এয়রো ইঞ্জিন AL-31FP 240গীদমক কন্ত্রেক্ত অমা সেপ্তেম্বর 9, 2024দা খুৎয়েক পীনখি। মসিগী কন্ত্রেক্ত অসিনা লৈবাক অসিদা মেনুফেকচরিং তৌবগী অচেৎপা ফিরেপ অমা উৎলি, মরমদি ইঞ্জিনশিং অসি HALগী কোরাপুত দিভিজনদা পুথোক্কনি, মসিনা ইন্দিয়ন এয়র ফোর্সকী ওপরেস্নেল কেপেবিলিতীশিং হেনগৎহল্লগনি। মথংগী চহি 8 অসিদা চহি খুদিংগী ইঞ্জিন 30 পুথোক্নবা HALনা পান্দম থম্লি। প্রোগ্রাম অসি লোইরবা মতুংদদি ইন্দিজেনাইজেসন অসি 63%দা হেনগৎহন্নবা থৌরাং তৌরি। মসিনা মেরামত অমসুং ওভরহোল তৌবদা লোকেল কন্তেন্ত য়াম্না হেনগৎহল্লগনি। মসিগী খোংথাং অসিনা MSMEশিং অমসুং পব্লিক অমসুং প্রাইবেৎ সেক্তর অনিমক য়াওনা ভারতকী দিফেন্স মেন্যুফেকচরিং ইকোসিস্তেমগা লোইননা খুৎশম্নদুনা লৈবাক অসিগী দিফেন্স প্রদক্সন্দা মশা-মরোমদোম লেপচবা হেনগৎহল্লি।

HALগী শমলপ্পা পুৱারী 

HALগী খোঙচৎ অসি চহি 80গী মমাংদা হৌরকখি অমসুং ভারতকী এরোনেতিকেল ইন্দস্ত্রীগা লোয়ননা চাউখৎলকখি। দিসেম্বর 23, 1940দা বেঙ্গলোরদা হিন্দুস্তান এয়রক্রাফ্ত লিমিতেদ ওইনা ভিজনরী ৱালচান্দ হিরচান্দনা লিংখৎখি। কম্পনী অসিনা লৈবাক অসিদা এয়রক্রাফ্ত পুথোক্নবা পান্দম থমখি। ভারত সরকারনা 1941দা শেয়রহোল্দর ওইখি অমসুং 1942দা মেনজমেন্তকী মপুং ফাবা কন্ত্রোল লৌখি।

অহানবদা, HALনা হার্লো ত্রেনর অমসুং কর্তিস হোক ফাইতরগুম্বা মোদেলশিং পুথোক্তুনা, মপানগী কম্পনীশিংদগী লাইসেন্স লৌদুনা এয়রক্রাফত পুথোকপদা মীৎয়েং থমখি। 1951দা, HAL অসি ঙাকশেল মন্ত্রালয়গী এদমিনিস্ত্রেতিব কন্ত্রোলগী মখাদা লাকখি অমসুং HT-2 ত্রেনর অমসুং HF-24 জেৎ ফাইতর (মরুত) অসিনচিংবা এয়রক্রাফ্তশিং দিজাইন তৌবা অমসুং দিবেলপ তৌবা হৌখি।

মরু ওইবা মাইলস্তোনশিং:

1. অমালগেমেসন: 1964দা, হিন্দুস্তান এয়রক্রাফ্ত লিমিতেদনা এয়রনৌতিক্স ইন্দিয়া লিমিতেদকা পুনশিন্নখি অমসুং ওপরেসনশিংবু হেন্না মওং তানা পাংথোক্নবগীদমক্তা “হিন্দুস্তান এয়রনৌতিক্স লিমিতেদ” হায়না মমিং থোনখি। মসিনা এয়রক্রাফ্ত দিজাইন, দিবেলপমেন্ত, মেন্যুফেকচরিং অমসুং ওভরহোলদা মীৎয়েং থম্বা হেন্না মপাঙ্গল লৈরবা এন্তিতী অমা শেমখি।
2. মখল মখাগী প্রদক্সন: দিকেদ কয়া অসিদা HALনা হেলিকোপ্তরশিং, ইঞ্জিনশিং, অমসুং এদভান্স এভিওনিক্স সিস্তেমশিং য়াওহন্নবগীদমক্তা মাগী প্রদক্তশিংগী মখল অসি পাকথোক চাউথোকহনখি। মসিনা ভারতকী স্পেস মিসনশিংদা মতেং পাংনবা, ইসরোগী সেতেলাইতশিং অমসুং লোঞ্চ ভেহিকলশিংগী পোৎলমশিং পুথোক্নবা অখন্নবা এরোস্পেস দিভিজনসু লিংখৎখি। 1970দা, বেঙ্গলোরদা M/s SNIAS, ফ্রান্সতগী লাইসেন্সকী মখাদা "চেতাক" অমসুং "চেতা" হেলিকোপ্তর পুথোক্নবা দিভিজন অমা লিংখৎখি। দানলোপ (হ্বীল অমসুং ব্রেকশিং), দাউতি (অন্দরকেরিয়েসশিং), অমসুং নোর্মেল এয়র গারেৎ (কেবিন সিস্তেমশিং), স্মিথস, SFENA, SFIM (ইন্সত্রুমেন্তশিং অমসুং গাইরোশিং), মার্তিন বেকর (ইজেক্সন সীৎশিং), অমসুং লুকাস (ফ্যুল সিস্তেমশিং) য়াওনা তোঙান তোঙানবা এয়রক্রাফশিংগা লাইসেন্স এগ্রীমেন্তশিং শেমখি। MiG-21 গী এসেসরিজশিংগীদমক্তা সোভিএত ওথোরিতীশিংগা লোয়ননা মান্নবা থৌরাংশিং লৌখৎখি।
3. ইন্তর্নেস্নেল কোল্লাবোরেসনশিং: HALনা তেক্নোলোজী ত্রান্সফর অমসুং জোইন্ত ভেঞ্চরগীদমক মখল কয়াগী ইন্তর্নেস্নেল পার্তনরশিপশিংদা শরুক য়াদুনা, সুখোই-30 MKI পুথোকপা য়াওনা এয়রক্রাফত পুথোকপদা মসিগী তৌবা ঙম্বশিং হেনগৎহল্লি। মালেমগী শান্নরোই অমা ওইনবা HALগী মিসনগা চুনবা ওইনা, এক্সপোর্তশিং অসি মরুওইবা ফোকস এরিয়া অমা ওইনা প্রাইওরিতি পীরি। HALনা ইন্তর্নেস্নেল কস্তমরশিংদা ধ্রুব, লেন্সর, চেতাক অমসুং চিতা হেলিকোপ্তরশিং, অমসুং দো-228 এয়রক্রাফ্তশিং সপ্লাই তৌখ্রে অমসুং হায়রিবা প্লেতফোর্মশিং অসিগীদমক লেপ্তনা প্রদক্ত সপোর্ত পীরি। কম্পেনী অসিনা এয়রবস, বোয়িং, রোল্স রোইস, IAI অমসুং রোসোবোরোনেক্সপোর্ত য়াওনা মালেমগী মরুওইবা এভিএসন ফার্মশিংদা অৱাংবা থাক্কী স্ত্রকচরেল অমসুং কম্পোজিৎ ৱার্ক পেকেজশিং, এসেমব্লীশিং অমসুং এভিওনিক্সশিং পীদুনা থাজবা থম্লি।

ৱারোইশিন

মহারত্না কম্পনী অমা ওইনা HALগী শকখঙবা অসি ভারতকী এরোস্পেস অমসুং দিফেন্স সেক্তরশিংদা মাগী গ্রোথ, রেসিলিয়েন্স অমসুং স্ত্রেতেজিক কন্ত্রিব্যুসনশিংগী খুদম্নি। মসিগী HALগী শেল-থুমগী ফিবম ফগৎলকপা অদুখক্তমক উৎপদা নত্তনা মসিনা দিফেন্স প্রদক্সনদা ভারতকী মশা-মরোমদোম লেপচবা অমসুং এরোস্পেস ইন্দস্ত্রীদা মালেমগী থাক ৱাংখৎহনবদা মসিগী মরুওইবা থৌদাং অদুসু উৎলি।

রিফরেন্সশিং:

https://x.com/DPE_GoI/status/1844998712512176573

https://hal-india.co.in/our-history

https://sansad.in/getFile/loksabhaquestions/annex/172/AU2444.pdf?source=pqals

https://dpe.gov.in/en/about-us/policy-i-division/list-maharatna-navratna-and-miniratna-cpses-0

https://pib.gov.in/newsite/erelcontent.aspx?relid=96030

https://pib.gov.in/Pressreleaseshare.aspx?PRID=1541715

https://pib.gov.in/PressReleasePage.aspx?PRID=2053088

PDF য়েংনবা মসিদা নম্বীয়ু:

*****