75শুবা নীংতম্বা নুমিৎতা, প্রধান মন্ত্রী শ্রী নরেন্দ্র মোদীনা লাল কিলাগী লানবনদগী জাতিদা ৱা ঙাংবদা পি.এম. গতি শক্তি খোঙথাং অসি লাউথোকখি। ওক্তোবর 13, 2021দা হৌদোকখিবা মল্তি-মোদেল কন্নেক্তিবিতীগী নেস্নেল মাস্তর প্লান্না নোংমাইজিং নুমিৎ অসিদা অহুমশুবা মপোক কুমওন পাংথোক্কনি। দিজিতেল প্লেৎফোর্ম অসিনা রেলৱেজ অমসুং রোদৱেজ য়াওনা তোঙান-তোঙানবা মন্ত্রালয়শিং পুনশিন্নদুনা ইনফ্রাস্ত্রকচর প্রোজেক্তশিংগী ইন্তিগ্রেতেদ প্লান্নিং অমসুং কোওর্দিনেৎ একজিক্যুসন তৌনবা থৌরাং তৌরি। খোঙথাং অসিনা তোঙান তোঙানবা ত্রান্সপোর্ত মোদশিংদা মীওইশিং, গুদশিং অমসুং সর্ভিসশিং পুত্থোক পুশিন তৌনবগীদমক্তা অপনবা লৈতবা অমসুং ইফিসিএন্ত ওইবা কন্নেক্তিবিতী লৈহন্নবা পান্দম থম্লি। মসিনা লাস্ত মাইলগী কন্নেক্তিবিতী হেনগৎহল্লগনি অমসুং চৎথোক চৎশিনগী মতম হন্থহল্লগনি।

পি.এম. গতি শক্তিদা ভারতমালা, সাগরমালা, ইনলেন্দ ৱাতরৱেজ, দ্রাই/লেন্দ পোর্তস, অমসুং উরানগুম্বা তোঙান তোঙানবা মন্ত্রালয়শিং অমসুং রাজ্য সরকারশিংগী ইনফ্রাস্ত্রকচর স্কিমশিং য়াওরি।

গতি শক্তি: কেন্দ্রগী মন্ত্রালয়শিং অমসুং রাজ্যনা শরুক য়াবা

পি.এম. গতি শক্তি নেস্নেল মাস্তর প্লান (NMP) অসিদা কেন্দ্রগী মন্ত্রালয় 44 অমসুং রাজ্য/য়ু.তি. 36 য়াওরি অমসুং অপুনবা দেতা লেয়র 1,614সু পুনশিনখ্রে। দেতাগী এক্যুরেসী লৈহন্নবা, মরুওইবা ইনফ্রাস্ত্রকচর মন্ত্রালয়শিংনা তায়র-অহুমগী সিস্তেম অমগীদমক স্তেন্দর্দ ওপরেতিং প্রোসিদ্যুর (SOP) ফাইনেলাইজ তৌখ্রে। ইনফ্রাস্ত্রকচর মন্ত্রালয় 8 অমসুং সোসিএল সেক্তর মন্ত্রালয় 15গীদমক SOPশিং অদু নোতিফাই তৌখ্রে। অতোপ্পা মন্ত্রালয়শিং অমসুং রাজ্যশিং/য়ু.তি.গীদমক DPIITনা শেম্বা দেতা মেনেজমেন্তকী পি.এম. গতি শক্তি নেস্নেল মাস্তর প্লানগী কম্পেন্দিয়মদা স্তেকহোল্দরশিংগী থৌদাংশিং অদু পনখি।

পি.এম. গতি শক্তি ভোল্যুম I অমসুং ভোল্যুম IIগী কম্পেন্দিয়ম অমা শেমখ্রে অমসুং হৌদোকখ্রে, মসিনা পি.এম. গতি শক্তিগী মায় পাকপগী ৱারীশিং উৎলি। .এম.গী গতি শক্তিগী ৱাখল্লোনশিং ঙাক্না চৎলিবা তোঙান তোঙানবা মন্ত্রালয়শিংগী লুপা করোর লাখ 15.39গী ইনফ্রাস্ত্রকচর প্রোজেক্ত 208গী এসেসমেন্ত তৌবগী মাইলস্তোন অমা ফংবা ঙমখ্রে। মসিগী মথক্তা, রেলৱেজ মন্ত্রালয়গী ইকনোমিক কোরিদোর অহুমগী মখাদা লৈরিবা প্রোজেক্ত 434 অসি ‌ইভালুএৎ তৌখ্রে অমসুং PMOগা শেয়র তৌখ্রে। মখোয়শিং অসি ইনর্জী, মিনরেল অমসুং সিমেন্ত কোরিদোর, হাই ত্রাফিক দেন্সিতী কোরিদোর অমসুং রেল সাগরনি।

দিস্ত্রিক্ত-লেবেল ইন্তিগ্রেসন

পি.এম. গতি শক্তি অসি জিলা থাক্তা পাকথোক চাউথোকহন্নবা দিস্ত্রিক্ত মাস্তর প্লান (DMP) পোর্তেল অমা শেমগৎলি। পোর্তেল অসিনা দিস্ত্রিক্ত ওথোরিতীশিংবু পুন্না থৌরাং তৌবদা, ইনফ্রাস্ত্রকচরগী অৱাৎপা খঙদোকপদা অমসুং স্কিম ইমপ্লিমেন্ত তৌবদা মতেং পাংগনি। পোর্তেল অসিগী বিতা ভর্সন অসি এস্পিরেস্নেল দিস্ত্রিক্ত 28গীদমক হান্ননা শেমখ্রে অমসুং হায়রিবা দিস্ত্রিক্তশিং অসিদা য়ুজরগী একাউন্তশিং অসি সেপ্তেম্বর 18, 2024দা ফংহনখ্রে। পোর্তেল অসিগী ত্রাইএল রনশিং হৌজিক চৎথরি। ওক্তোবর 2024দা ওরিএন্তেসন প্রোগ্রামশিং চৎথরগনি। লৈবাক অসিগী দিস্ত্রিক্ত পুম্নমক্তা DMP পোর্তেলশিং অসি ফেজ তৌরবা মওংদা শেমগৎকনি অমসুং মার্চ 31, 25 ফাওবদা লোইশিনগনি।

পি.এম. গতিশক্তি নেস্নেল মাস্তর প্লান (NMP)গী মখাদা মরু ওইবা মায়পাকখিবশিং

পি.এম. গতিশক্তি NMPনা তোঙান তোঙানবা সেক্তরশিংদা মশিং য়াম্লবা মায়পাকপশিং ফংবা ঙমখ্রে। মসিনা প্রোজেক্ত প্লান্নিং, খোঙজেল অমসুং থবক পায়খৎপদা চাউনা খুমাং চাউশিলহনখ্রে।

• রোদ ত্রান্সপোর্ত অমসুং হাইৱেজ মন্ত্রালয় (MoRTH) না NMP শীজিন্নদুনা কিলোমীতর 8,891গী লম্বীশিংগী প্লান তৌখি, অদুগা রেলৱেজ মন্ত্রালয়না NMPনা কিলোমীতর 27,000গী রেলৱে লাইনশিংগী প্লান তৌবদা শীজিন্নখি। MoR না FY ’21দা FLS 57গা চাংদম্নবদা FY’22দা FLS 449 ওইদুনা ফাইনেল লোকেসন সর্ভে (FLS) মপুং ফাহনবগী থবকসু য়াঙখৎখি।
• পেত্রোলিয়ম অমসুং নেচরেল গ্যাস মন্ত্রালয়না দিতেল রুত সর্ভে (DRS) গী থৌওংবু স্ত্রীমলাইন তৌখ্রে। ইলেক্ত্রোনিক DRS (eDRS) শীজিন্নদুনা রিপোর্ত শেম্নবা মতম থা 6-9দগী নোংমখক্তদা হন্থহনখ্রে।
• NMPগী প্রিন্সিপলশিং শীজিন্নদুনা, লেহ (লদাখ) দগী কাইথাল (হরিয়ানা) ফাওবা গিগাৱাৎ 13গী রিন্যুএবল ইনর্জী প্রোজেক্ত অমনা ইন্তর স্তেৎ ত্রান্সমিসনগীদমক "গ্রীন ইনর্জী কোরিদোর"গী ওপ্তিমেল এলাইনমেন্ত ফংলে।
• গোৱাদা অমোনা তুরেলগী মপান্দা ঈশিং-ঈচাউ থোকপা য়াবা মফমশিংগীদমক্তা দিজাস্তর মেনেজমেন্ত প্লান অমা শেমগৎনবা NMP প্লেৎফোর্ম শীজিন্নখি
• উত্তর প্রদেশ সরকারনা পহুঞ্চ পোর্তেলগী খুত্থাংদা অন্দরসর্ব ওইবা মফমশিংদা অনৌবা স্কুলশিংগী মফমশিং মশক খঙদোক্নবা স্তেত মাস্তর প্লান (এস.এম.পি.) পোর্তেল শীজিন্নখি।
• গুজরাতনা NMP শীজিন্নদুনা কিলোমীতর 300গী কোস্তেল কোরিদোরগী থৌরাং তৌখি, মসিনা ক্লিয়রেন্সকীদমক মথৌ তাবা NoCগী অয়াবা লৌবা মথৌ তাবা অসি মশিং 28দগী 13দা হন্থহনখি, মসিনা তুরিজম হেনগৎহন্দুনা জিলা মরিগী মরক্তা কন্নেক্তিবিতী হেনগৎহনখি।
•  দিপার্তমেন্ত ওফ স্কুল এজুকেসন এন্দ লিতরেসীনা পি.এম.শ্রী স্কুলশিংগা লোকেল ইন্দস্ত্রীশিংগা দিস্ত্রিক্ত-স্পেসিফিক স্কিল ত্রেনিংগীদমক লিঙ্ক তৌনবা NMP পোর্তেল শীজিন্নখি।
• হকশেল অমসুং য়াইফ য়ুম্বাল মন্ত্রালয়না NMP শীজিন্নদুনা ইন্তরনেত সেদ এরিয়াশিং মশক খঙদোকখি অমসুং অনৌবা হেল্থকেয়র ফেসিলিতীশিংগী মফমশিং মেপ তৌখি।
• ইকনোমিক ক্লস্তরশিংগী মনাক্তা অনৌবা ত্রেনিং ইন্সতিত্যুৎশিং লিংখৎনবগীদমক মতিক চাবা মফমশিং মশক খঙদোক্নবা স্কিল দিবেলপমেন্ত অমসুং ওন্তোপ্রিনোরশিপ মন্ত্রালয়না NMP শীজিন্নখি।
• রুরেল দিবেলপমেন্ত মন্ত্রালয়না হেন্না ফবা এসেৎ প্লানিং অমসুং ইমপ্লিমেন্ত তৌনবগীদমক PMGSY অমসুং PMAY-G গুম্বা ইন্তিগ্রেতেদ স্কিমশিং পায়খৎলে।
•  ত্রাইবেল এফিয়র্স মন্ত্রালয়না পি.এম. জনমন পোর্তেল শীজিন্নদুনা পার্তিক্যুলর্লী ভলনরেবল ত্রাইবেল গ্রুপ (PVTG) গীদমক ইনফ্রাস্ত্রকচরগী অৱাৎপশিং মশক খঙদোকখ্রে।

অসিগুম্বা মায়পাকপশিং অসিনা তোঙান তোঙানবা মন্ত্রালয়শিং অমসুং সেক্তরশিংদা প্লান্নিং, ইফিসিএন্সী অমসুং কোলাবোরেসন ফগৎহনবদা NMPগী পাক চাউরবা কান্নবা অদু উৎলি।

নেস্নেল লোজিস্তিক্স পোলিসী (NLP) 2022: খুমাং চাউশিনবা অমসুং মরু ওইবা থৌশিলশিং

ইন্তিগ্রেতেদ, ইফিসিএন্ত, অমসুং কোস্ত ইফেক্তিব লোজিস্তিক্স নেৎৱার্ক অমা শেমদুনা ভারতকী শেন্মিৎলোন চাউখৎহন্নবা নেস্নেল লোজিস্তিক্স পোলিসী (NLP) অসি সেপ্তেম্বর 17, 2022দা হৌদোকখি। পোৎ-চৈ পুথোক-পুশিন তৌবদা চংবা শেনফম হন্থহন্নবা, 2030 ফাওবদা ভারতকী লোজিস্তিক্স পর্ফোমেন্স ইন্দেক্স (LPI) রেঙ্কিং ফগৎহন্নবা অমসুং দেতা-দাইরেস্ত দিসিজনমেকিং প্রমোৎ তৌনবা পোলিসী অসিনা পান্দম থম্লি। ইমপ্লিমেন্তেসন অসি কম্প্রিহেন্সিব লোজিস্তিক্স এক্সন প্লান (CLAP) না চলাইরি। মসিদা দিজিতেল লোজিস্তিক্স সিস্তেমশিং, এসেত স্তেন্দার্দাইজেসন, হ্যুমেন রিসোর্স দিবেলপমেন্ত, স্তেৎ এঙ্গেজমেন্ত, অমসুং EXIM লোজিস্তিক্সকুম্বা হিরমশিংদা মীৎয়েং থম্লি।

পোলিসী অসিনা কেপাসিতী বিল্দিং কম্মিসন (CBC) গা খুৎশম্নদুনা ত্রেনিং অমসুং কেপাসিতী বিল্দিংগী থবকশিংদা মরুওইবা পীরি। ত্রেনিং মোদ্যুলশিং অসি ৱেবিনারশিং, ৱার্কশোপশিং অমসুং দিজিতেল প্লেৎফোর্মশিংগী খুত্থাংদা সেন্ত্রেল অমসুং এদমিনিস্ত্রেতিব ত্রেনিং ইন্সতিত্যুৎশিংগা পুনশিন্নরি।

স্তেৎ লোজিস্তিক্স প্লানশিং (SLP): স্তেৎ 26 অমসুং য়ুনিয়ন তেরিতোরীশিংনা মীয়ামগী পোলিসীদা লোজিস্তিক্সতা মীৎয়েং চঙহন্নবগীদমক মখোয়গী স্তেৎ লোজিস্তিক্স পোলিসীশিং নোতিফাই তৌদুনা নেস্নেল লোজিস্তিক্স পোলিসী (NLP)গা চুন্নহনখি।

LEADS সর্ভে: তোঙান-তোঙানবা স্তেৎশিংদা লোজিস্তিক্স ইজ ওভর দিফরেন্ত স্তেৎস (LEADS) রিপোর্তকী মঙাশুবা এদিসন অসি 2023গী দিসেম্বরদা হৌদোকখি। তরুকশুবা ইদিসন অসি 2024গী জনুৱারীদা থাদোকখি। LEADSনা রাজ্যশিং অমসুং য়ু.তি.শিংদা লৈরিবা ইনফ্রাস্ত্রকচর অমসুং সর্ভিসশিংদা য়ুম্ফম ওইদুনা লোজিস্তিক্সকী ইজিলীগী চাং য়েংশিল্লি।

য়ুনিফাইদ লোজিস্তিক্স ইন্তিগ্রেতেদ প্লেৎফোর্ম (ULIP): ULIP না মন্ত্রালয়10দা লোজিস্তিক্সকা মরী লৈনবা সিস্তেম 33 পুনশিল্লি, ইন্নোভেসন প্রমোৎ তৌরি। হৌজিক্কী ওইনা, প্রাইবেৎ কম্পনী 930 হেন্না রেজিস্তর তৌখ্রে, এপ্লিকেসন 95 পুথোকখ্রে অমসুং কম্পনী 185না NDA সাইন তৌখ্রে। ULIPনা এন্দ-তু-এন্দ কার্গো ত্রেকিংগীদমক GST দেতাসু ইন্তিগ্রেৎ তৌখি।

লোজিস্তিক দেতা বেঙ্ক (LDB): ভারতকী কন্তেনরাইজ তৌরবা EXIM কার্গোগী 100% ত্রেক তৌবা অমসুং ত্রেসিং তৌনবগীদমক, লোজিস্তিক দেতা বেঙ্ক (LDB) শেমগৎখ্রে। LDBনা ভারতকী EXIM কন্তেনরগী খোঙচৎকী রিএল-তাইম ত্রেকিং পীনবা ইন্তর্নেৎ ওফ থিংস (IoT), বিগ দেতা অমসুং ক্লাউদ-বেজ সোলুসনশিংগী খুত্থাংদা RFID তেক্নোলোজী শীজিন্নরি। মসি সিঙ্গল ৱিন্দো, ক্লাউদ-বেজ লোজিস্তিক ভিজুএলাইজেসন সোলুসন অমনি। মসিনা পোর্তশিংদগী ইনলেন্দ কন্তেনর দিপোৎশিং/ কন্তেনর ফ্রেৎ স্তেসনশিং অমসুং পোর্তকা মরী লৈনবা পার্কিং প্লাজাশিং, তোল প্লাজা অমসুং রেলৱেজ ফাওবদা কন্তেনর মুভমেন্ত ত্রেক তৌবা ফংহল্লি।

LPI রেঙ্ক হেনগৎহল্লি

LPIগী পেরামিতর তরুক্তা লোজিতিক্সকী শীংনবশিং কোকহন্নবা মন্ত্রালয় কয়া (MoRTH, MoR, MoPSW, MoCA) য়াওনা অখন্নবা LPI এক্সন প্লান অমা শেমখ্রে। ৱর্ল্দ বেঙ্ককা লেপ্তনা থবক তৌমিন্নবনা 2024গী ফেব্রুৱারীদা পাংথোক্কদৌরিবা নেস্নেল ৱার্কশোপকা লোয়ননা লোজিস্তিক্স ইফিসিএন্সী, রিফোর্মশিং অমসুং LPI মেথোদোলোজীগী মতাংদা খন্ন-নৈনহনখি।

পোলিসী অসিনা এসিয়ান দিভেলপমেন্ত বেঙ্ক (ADB) অমসুং কোরিয়াগী LPI ফগৎহন্নবা স্ত্রেতেজীশিংগা খুৎশম্নদুনা মালেমগী খ্বাইদগী ফবা থৌওংশিং য়াওরি। 2024গী মার্চ থাদা USতা ৱর্ল্দ বেঙ্ককা লোয়ননা ভারতকী ইন্নোভেতিব এপ্রোচশিং অমসুং লোজিস্তিক্সকী ফগৎলকপশিংগী মতাংদা খন্ন-নৈননবা রাউন্দ তেবল অমা পাংথোকখি।

খোঙথাংশিং অসিগী খুত্থাংদা, NLPনা ভারতপু মালেমগী চাংদম্নবা হেনগৎহন্দুনা হেন্না কান্নবা লোজিস্তিক্স ইকোসিস্তেম অমগী মায়কৈদা পুরক্লি।

গতি শক্তি সঞ্চার পোর্তেল

লৈবাক শিনবা থুংনা, মরু ওইনা খুঙ্গংগী মফমশিংদা ব্রোদবেন্দ সর্ভিসশিং য়ুনিভর্সেল অমসুং ইক্বিতেবল ওইনা ফংহনবা অসি প্রধান মন্ত্রী নরেন্দ্র মোদীগী খ্বাইদগী মরু ওইবা ভিজনশিংগী মনুংদা অমনি। পি.এম. গতি শক্তি নেস্নেল মাস্তর প্লানগী মতুং ইন্না, সেন্ত্রেলাইজ তৌরবা রাইৎ ওফ ৱে (RoW) গী অয়াবা লৌনবগীদমক “গতি শক্তি সঞ্চার” পোর্তেল অসি মে 14, 2022দা হৌদোকখ্রে।

তেলিকোম ইনফ্রাস্ত্রকচর অথুবা মতমদা পুথোকপা ঙম্নবা গতি শক্তি সঞ্চার পোর্তেল অসি মরুওইবা রিফোর্ম অমনি। মসিনা সেন্ত্রেলাইজ তৌরবা রাইৎ ওফ ৱাই (RoW) পোর্তেল অমনি। মসিনা এপ্লিকেন্তশিং হায়বদি তেলিকোম সর্ভিস প্রোভাইদরশিং/ইনফ্রাস্ত্রকচর প্রোভাইদরশিং/ইন্তরনেৎ সর্ভিস প্রোভাইদরশিং (TSP/IP/ISPs) না রাইৎ ওফ ৱেগী অয়াবা লৌনবগীদমক এপ্লাই তৌবা য়াহল্লি। 2024গী ওক্তোবর 11 ফাওবদা, এপ্লিকেসন লাখ 2.11 অয়াবা পীখ্রে।

পোর্তেল অসি রাজ্য/য়ু.তি. 36 অমসুং রেলৱেজ মন্ত্রালয় (MoR), রোদ, ত্রান্সপোর্ত অমসুং হাইৱেজ মন্ত্রালয় (MoRTH), এনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয় (MoEFCC) অমসুং দিফেন্স মন্ত্রালয় (MoD)গুম্বা মরু ওইবা কেন্দ্রগী মন্ত্রালয়শিং ইন্তিগ্রেৎ তৌখ্রে।

2022গী ওক্তোবর 1দা ভারত্তা 5G সর্ভিসশিং হৌদোকখি। হৌজিক ফাওবদা সবস্ক্রাইবর করোর 13 হেনবনা 5G সর্ভিসশিং শীজিন্নবা হৌখ্রে। মসিনা মালেমগী মফম অমহেক্তদা 5Gগী খ্বাইদগী খোঙজেল য়াংনা রোল আউৎ তৌবগী থৌওং ওইরে। লৈবাক অসিদা তেলিকোম কন্নেক্তিবিতী হেন্না ফগৎহন্নবা, সরকারনা তোঙান তোঙানবা স্কিমশিং পায়খৎলি।

• চাউরাক্না খুঙ্গং লিশিং 55দা 4G কন্নেক্তিবিতী ফংহন্নবা লুপা করোর 41,331গী শেনফমগা লোয়ননা অপুনবা মোবাইল তাৱর 41,160গী অয়াবা পীখ্রে।
• ভারতনেত প্রোগ্রামগী স্কোপ অসি মী তাবা খুঙ্গং পুম্নমকপু শম্নহন্নবা চাউথোকহনখ্রে লোয়ননা মসিগীদমক লুপা করোর লাখ 1.88 থাদরি।

ৱারোইশিন

পি.এম. গতি শক্তি ইনিসিএতিব অসিনা ভারত্তা ইনফ্রাস্ত্রকচর দিবেলপমেন্তকীদমক ত্রান্সফোর্মেতিব এপ্রোচ অমা উৎলি। মসিগী পান্দমদি মল্তি-মোদেল ত্রান্সপোর্তেসন নেৎৱার্ক অমা শেমগৎপনি। তোঙান তোঙানবা মন্ত্রালয়শিংনা হোৎনরিবশিং পুনশিন্নদুনা অমসুং অরিবা তেক্নোলোজীশিং শীজিন্নদুনা, থৌরাং অসিনা লৈবাক শিনবা থুংনা কন্নেক্তিবিতী হেনগৎহন্নবা অমসুং লোজিস্তিক্কী শেনফম হন্থহন্নবা হোৎনরি। গতি শক্তি সঞ্চার পোর্তেল অসিনা রাইৎ ওফ ৱেগী অয়াবা পীবগী থৌওং অসি হেন্না মওং তানা পাংথোক্তুনা, তেলিকোম ইনফ্রাস্ত্রকচর শেমগৎ-শাগৎপদা খোঙজেল য়াংখৎহন্দুনা অমসুং লৈবাক শিনবা থুংনা 5G সর্ভিসশিং অথুবা মতমদা হৌদোকপদা মতেং পাংলি। অসিগুম্বা অপুনবা খোঙথাংশিং অসিগা লোয়ননা, ভারতনা আত্মনির্ভর ভারতকী পান্দমশিং ফংনবগীদমক্তা অফবা মওংদা লৈরে।

রিফরেন্সশিং

https://pmgatishakti.gov.in/pmgatishakti/login

https://www.india.gov.in/spotlight/pm-gati-shakti-national-master-plan-multi-modal-connectivity

https://pmgatishakti.gov.in/pmgatishakti/about_pmgati

পি.এম. গতি শক্তিনা ভারতকী ইনফ্রাস্ত্রকচরদা অওনবা পুরকপা -https://static.pib.gov.in/WriteReadData/specificdocs/documents/2023/apr/doc2023427188001.pdf

https://www.pib.gov.in/PressReleasePage.aspx?PRID=1825332

Rajya Sabha Unstarred Question No. 56 Dated February 02, 2024

https://gatishaktisanchar.gov.in/

https://pib.gov.in/PressNoteDetails.aspx?NoteId=152010&ModuleId=3

PDF দাউনলোদ তৌনবা মসিদা নম্বীয়ু

*******