کامرس کا محکمہ 2024 کی جاری ’سوچھتا ہی سیوا‘ مہم میں سرگرم عمل ہے، اپنے محکموں اور منسلک تنظیموں میں صفائی اور بیداری کی مختلف سرگرمیاں انجام دے رہا ہے۔ صفائی مہم شروع کرنے سے لے کر حفظان صحت سے متعلق بیداری کو فروغ دینے تک اس مہم کا مقصد ایک صاف ستھرا اور صحت مند ہندوستان کی حوصلہ افزائی کرنا ہے۔

 

وزیر تجارت اور صنعت نے سوچھتا کا عہد لیا

 

17 ستمبر 2024 کو، تجارت اور صنعت کے مرکزی وزیر جناب پیوش گوئل، مرکزی وزیر مملکت جناب جتن پرساد اور کامرس سکریٹری جناب سنیل برتھوال نے وزارت کے سینئر افسران کے ساتھ سوچھتا کا عہد لیا۔ وزراء اور سینئر عہدیداروں نے گندگی سے پاک ہندوستان کے لئے اپنی وابستگی کا اعادہ کیا اور ملک کو اس نیک مقصد میں سرگرم حصہ لینے کی ترغیب دی۔ یہ عہد محکمہ کی جانب سے سوچھتا ہی سیوا مہم کے تحت "سوبھاؤ سوچھتا" اور "سنسکار سوچھتا" موضوعات کی حمایت کرنے کی وسیع تر کوششوں کا حصہ تھا۔

 

 

سوچھتا سمواد اور کوئز

 

محکمہ تجارت نے 18 ستمبر 2024 کو سوچھتا سمواد سیشن بھی منعقد کیا، جس میں تعلیمی ویڈیوز اور سوچھ بھارت ابھیان کے بارے میں بات چیت کی نمائش کی گئی۔ 20 ستمبر 2024 کو، صفائی اور حفظان صحت کے بارے میں بیداری پیدا کرنے کے لیے سوچھ بھارت پر ایک کوئز کا انعقاد کیا گیا، جس میں افسران کی حوصلہ افزائی کی گئی کہ وہ صاف ستھرے ہندوستان کے پیغام کو اپنائیں اور اس  کی تشہیر کریں۔

 

'ایک پیڑماں کے نام' پہل

 

25 ستمبر 2024 کو، کامرس سکریٹری، جناب سنیل برتھوال نے، محکمہ کے دیگر افسران کے ساتھ، نئی دہلی کے وانجیہ بھون میں ’ایک پیڑ ماں کے نام‘ پہل میں حصہ لیا۔ اس مہم میں ماحولیات کا احترام کرنے اور ایک سرسبز اور پائیدار ہندوستان بنانے میں حصہ لینے  کے لیے درخت لگانا شامل تھا۔

 

 

’سوچھتا شرمدان‘ اور صفائی مہم

 

محکمہ نے 28 ستمبر 2024 کو آر کے پورم میں ایک ’سوچھتا شرمدان‘ کا انعقاد کیا، جہاں افسران اور اہلکار سوچھ بھارت مشن میں حصہ لیتے ہوئے اپنے اردگرد کی صفائی کے لیے اکٹھے ہوئے۔ محکمہ کے تحت مختلف محکموں اور تنظیموں بشمول کانڈلا اسپیشل اکنامک زون (ایس ای زیڈ)، میرین پراڈکٹس ایکسپورٹ ڈیولپمنٹ اتھارٹی (ایم پی ای ڈی اے) اورآئی ٹی پی او (انڈیا ٹریڈ پروموشن آرگنائزیشن) نے صفائی مہم شروع کی، شجرکاری کی سرگرمیاں شروع کیں، اور ہیلتھ چیک اپ کیمپوں کا اہتمام کیا۔ سوچھتا کے مقاصد کے مطابق ایم پی ای ڈی اے نے محکمہ جنگلات اور یو ان ڈی پی کے تعاون سے ساحل سمندر کی صفائی مہم کی قیادت کی۔

 

منسلک تنظیموں کی مصروفیت

 

ربڑ بورڈ، اسپائسز بورڈ، ٹوبیکو بورڈ اور اے پی ای ڈی اے جیسی منسلک اداروں نے مہم کے ایک حصے کے طور پر اہم سرگرمیاں کیں۔ ان میں پوسٹر اور پینٹنگ کے مقابلے، فارم ورکرز کے لیے ہیلتھ کیمپ اور صفائی کے ہدف یونٹ (سی ٹی یو) اور شجرکاری مہم جیسے معنون سوچھتا اقدامات شامل تھے۔ یہ سرگرمیاں محکمہ کی تنظیموں میں وسیع شرکت کی عکاسی کرتی ہیں۔

ان اقدامات کے ذریعے کامرس کے محکمے نے صفائی اور حفظان صحت کے لیے اپنی مضبوط وابستگی کا مظاہرہ کیا ہے، جس نے سوچھتا ہی سیوا 2024 مہم میں اہم کردار ادا کیا ہے۔ محکمہ ملک کے صفائی کے مشن کو آگے بڑھانے، شہریوں اور کمیونٹیوں کو ایک صاف ستھرا، صحت مند ہندوستان بنانے میں فعال طور پر مصروف ہونے کے لیے وقف ہے۔

 

************

U.No:1099

ش ح۔ح ن۔ع ر

(Release ID: 2063778) Visitor Counter : 35