حکومت کی طرف سے شروع کی گئی خصوصی مہم 4.0، جس کا نوڈل محکمہ انتظامی اصلاحات اور عوامی شکایات ہے، نے قابل ذکر رفتار حاصل کی ہے۔ خصوصی مہم 4.0 کا تیاری کا مرحلہ (16 سے 30 ستمبر  ، 2024ء) 30 ستمبر ، 2024 ء کو مکمل ہوا اور عملی  آوری کا مرحلہ 2 اکتوبر ، 2024 ء سے شروع ہو گیا  ہے ۔

مندرجہ ذیل اہداف وزارتوں/محکموں کی طرف سے 4 اکتوبر ، 2024 ء  کو پورٹل پر اپ لوڈ کیے گئے ہیں:

4:

مرکزی وزراء، ریاستی وزراء، وزارتوں /محکموں کے سکریٹریوں نے خصوصی مہم 4.0 کی تیاریوں کی قیادت کی ہے اور خصوصی مہم کو بڑی کامیابی بنانے کے لیے اپنائی جانے والے حکمت عملیوں پر قیادت فراہم کی ہے۔ ریکارڈ افسران نے جائزے کے لیے درکار ریکارڈز کو ریکارڈ رومز سے متعلقہ افسران کے پاس منتقل کیا ہے۔ نوڈل افسران نے تواریخ کے تحفظ کے لیے ریکارڈز کی شناخت کرنے  کی خاطر ریکارڈ رومز کا معائنہ کیا ہے ۔ بھارت کے قومی آرکائیوز  محکمے نے ایک نمائش ’’سُشاسن  اور ابھلیکھ ‘‘ کا اہتمام کیا ہے، جو خصوصی مہمات 1.0-3.0 کے دوران حاصل کردہ تاریخی اہمیت کے ریکارڈز کو پیش کرتی ہے۔ یہ نمائش 1 سے 31 اکتوبر  ، 2024 ء تک این اے آئی جنپتھ میں ہوگی۔

چوتھی ملاقات خصوصی مہم 4.0 کے نوڈل افسران کے ساتھ سووچھتا اور زیر التواء معاملات کے تصفیے کے لیے 4 اکتوبر ، 2024 ء کو جناب وی سری نیواس، سکریٹری ڈی اے آر پی جی  کی صدارت میں منعقد ہوئی تاکہ وزارتوں/محکموں کی طرف سے خصوصی مہم 4.0 پورٹل پر درج اہداف کا جائزہ لیا جا سکے اور  ان اہداف کو حاصل کرنے کے لیے نقشۂ راہ تیار کی جا سکے۔ اس اجلاس میں 84 وزارتوں/محکموں کے 250 سینئر افسران نے شرکت کی۔ تمام وزارتیں/محکمے 2 سے 31 اکتوبر ، 2024 ء تک خصوصی مہم 4.0 کے عملی مرحلے کے لیے پوری طرح تیار ہیں۔

خصوصی مہم 4.0 نے سوشل میڈیا پر اہم دلچسپی حاصل کی ہے، جس میں وزارتوں/محکموں کی جانب سے #SpecialCampaign4 پر 2600 سے زائد ٹوئیٹس اور انفو گرافکس اور 113 پی آئی بی  بیانات جاری کیے گئے ہیں۔

………………………………………

( ش ح  ۔ ش ا ر  ۔ ع ا  )

U.No. 906