কেন্দ্রগী হকশেল অমসুং ইফ-য়ুম্বালগী মন্ত্রী, শ্রী জগৎ প্রকাশ নদ্দানা ঙসি প্রেস কনফরেন্স অমদা সরকার অসিগী অহানবা নুমিৎ 100দা কেন্দ্রগী হকশেল মন্ত্রালয়না ফংলকপা মরুওইবা মায়পাকপশিং অদু পনখি। কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রী শ্রী প্রতাপরাও গনপতরাও য়াদব অমসুং শ্রীমতি অনুপ্রিয়া সিংহ পতেলসু থৌরম অসিদা শরুক য়াখি।

কেন্দ্রগী হকশেল মন্ত্রীনা হায়খি মদুদি হৌখিবা নুমিৎ 100 অসিদা তোঙান তোঙানবা মন্ত্রালয়শিংদা লুপা করোর লাখ 15গী ইনভেস্তমেন্ত তৌখ্রে। ভারত্তা হেল্থকেয়র দেলিভরী অমসুং এক্সেস হেনগৎহন্নবা পান্দমদা হকশেল অমসুং য়াইফ-য়ুম্বাল মন্ত্রালয়না মরুওইবা খোঙথাং কয়া অমা হৌদোক্লে হায়না মহাক্না পনখি। তোঙান তোঙানবা হেল্থ স্কিমশিংদা হৌখিবা নুমিৎ 100দা ফংখিবা মায় পাকপগী খরা মখাদা পীরি:

আয়ুশ্মান ভারত PM-JAY:

আয়ুশ্মান ভারত PMJAY স্কিম অসি চহি 70 অমসুং মসিগী মথক্তা লৈবা ইনকম কাংলুপ অমহেক্তগী সেনিয়র সিতিজেন পুম্নমক য়াওহন্নবা নৌনা লাউথোকখিবা অসিনা ইমুং করোর 4.5গী মনুংদা মীওই করোর 6না কান্নবা ফংগনি হায়না শ্রী নাদ্দানা ফোংদোকখি। আয়ুশ্মান ভারত অসি মালেমগী খ্বাইদগী চাউবা পব্লিক্লি ফন্দিং হেল্থ কভরেজ প্রোগ্রামনি হায়না পল্লদুনা শ্রী নাদ্দানা হায়খি মদুদি পাকথোক চাউথোক্লবা স্কিম অসি চহি অসিগী ওক্তোবরদগী চৎনবা হৌরগনি।

U-WIN পোর্তেল:

অতোপ্পা মরুওইবা খোঙজেল অমা হায়রগদি য়ুনিভর্সেল ইম্ম্যুনাইজেসন প্রোগ্রামগী মখাদা মীরোনবী নুপী অমসুং অঙাংশিংগী পোকপদগী চহি 17 ফাওবগী মপুংফাবা ভেক্সিনেসন রেকোর্দকীদমক ভেক্সিনেসন সর্ভিসশিংগী মপুংফাবা দিজিতেলাইজেসনগীদমক শেমখিবা U-WIN পোর্তেলনি। দিজিতেল প্লেৎফোর্ম অসিগী সিতিজন-সেন্ত্রিক সর্ভিসশিংগী মনুংদা ‘এনিতাইম এক্সেস' অমসুং ‘এনিৱের' ভেক্সিনেসন সর্ভিসশিং ফংহল্লি, U-WIN ৱেব-পোর্তেল নত্ত্রগা U-WIN সিতিজন মোবাইল এপ্লিকেসন শীজিন্নদুনা সিতিজনশিংনা মশাগী রেজিস্ত্রেসন তৌবা, ওতোমেতেদ SMS এলর্তশিং, য়ুনিভর্সেল QR - বেজ ই-ভেক্সিনেসন সর্তিফিকেৎ অমসুং মখোয় মশাগীদমক মখোয়গী আয়ুশ্মান ভারত হেল্থ একাউন্ত (ABHA) ID অমসুং মখোয়গী অঙাংশিংগীদমক চাইল্দ ABHA ID শেম্নবা য়ুতিলিতী য়াওরি। পোর্তেল অসি হিন্দী য়াওনা লমদমসিগী লোল 11দা ফংলি।

য়ুনিভর্সেল ইম্ম্যুনাইজেসন প্রোগ্রামগী মখাদা মীরোনবী নুপীশিং অমসুং চহি 17 ফাওবগী মনুংদা লৈবা অঙাংশিংগী মপুং ফাবা ভেক্সিনেসন রেকোর্দকীদমক ভেক্সিনেসন সর্ভিসশিংগী মপুং ফানা দিজিতেলাইজেসন তৌনবগীদমক U-WIN পোর্তেল শেমখ্রে হায়না পল্লদুনা মহাক্না হায়খি মদুদি পোর্তেল অসি পাইলোৎ ওইনা মথৌ তৌরি। 2024গী সেপ্তেম্বর 16 ফাওবদা বেনিফিসরী করোর 6.46 রেজিস্তর তৌখ্রে, ভেক্সিনেসন সেসন করোর 1.04 পাংথোকখ্রে অমসুং পোর্তেল অসিদা ভেক্সিন দোজ করোর 23.06 কাপখ্রে।

অনৌবা তি.বি.গী লায়েং পথাপ অমসুং মেদ-ইন-ইন্দিয়া তি.বি. দাইগ্নোস্তিক্স:

নেস্নেল তি.বি. ইলিমিনেসন প্রোগ্রাম (NTEP) গী মখাদা শীজিন্ননবা হৌজিক হেন্না অতেনবা অমসুং হেন্না ইফেক্তিব ওইবা লায়েংগী থৌরাং অমা লৈরে। মসিনা লায়েংগী মতম থা 9-12দগী থা 6দা  হন্থহনবদা মতেং পাংগনি। মসি ICMRনা হেল্থ তেক্নোলোজী এসেসমেন্ত (HTA) গা লোয়ননা ভেলিদেদ তৌখ্রে। কেন্দ্রগী হকশেল মন্ত্রালয়না রাজ্য/য়ু.তি. সরকারশিংগা তান্নদুনা মথং চহিগী অঙনবা শরুক্তা অনৌবা থৌরাং অসি হৌদোক্নবগীদমক লোজিস্তিক্স অমসুং হকশেলগী প্রোফেস্নেলশিংগী ত্রেনিংগীদমক অকুপ্পা মরোলগী ওইবা থৌরাং অমা শেম-শারি হায়না শ্রী নাদ্দানা ফোংদোকখি। মহাক্না লৈবাক শিনবা থুংনা চাউরাক্না DRTB কেস 75,000দা লায়েংবগী মতম হন্থরকপা য়াই হায়বগী থাজবা থমখি।

লৈবাক শীনবা থুংনা তি.বি. অমসুং দ্রগ রেসিস্তেন্সী দাইগ্নোসিসকীদমক "স্তেৎ ওফ দি আর্ত" মোলিক্যুলর মেথদশিং শীজিন্নদুনা কভরেজ ফংহন্নবা, ICMR না অনৌবা ইন্দিজেনস দাইগ্নোসিস সিস্তেম (পেথো দাইগ্নোসিস) অমা ফিল্দ ফীজিবিলিতীগা লোয়ননা ভেলিদেদ তৌখ্রে। শ্রী নাদ্দানা হায়খি মদুদি মসিনা তেস্তকী ফলশিং লৌবগী মতম হন্থহল্লগনি, মসিনা তি.বি. নাবা মীওইশিংগী মোরবিদিতী অমসুং মোর্তেলিতী হন্থহল্লগনি।

BHISM ক্যুবশিং দিপ্লোই তৌবা:

BHISHM ক্যুবশিং অসি দিজাস্তর/ পব্লিক হেল্থ ইমর্জেন্সী থোকপা মতমদা ইমর্জেন্সী লাইফ সেভিং ক্লিনিকেল কেয়র পীনবগীদমক শেম্বা পোর্তেবল অমসুং য়াম্না থুনা শিজিন্নবা য়াবা মোদ্যুলর মেদিকেল ফেসিলিতী অমনি। কেন্দ্রগী হকশেল মন্ত্রীনা হায়খি মদুদি BHISHM ক্যুবশিংনা ত্রোমা, ঈ থোকপা, মৈ চাকপা, ফ্রেকচর, অসিনচিংবা ইমর্জেন্সীগী ফিভমদা তোঙান তোঙানবা মখলগী কেস 200 রোম য়েংশিনবা ঙম্মি। অহানবা ফেজদা, BHISHM ক্যুবশিং অসি দিজাস্তর/হেল্থ ইমর্জেন্সীগী থৌওং থোকপা মতমদা মরী লৈনবা লমদমশিংদা অথুবা মতমদা শীজিন্ননবা AIIMS অমসুং ইন্সতিত্যুত ওফ নেস্নেল ইম্পোর্তেন্স (INI) 25দা থমগনি। রাজ্যশিংনা স্ত্রেতেজিক ওইবা মফমশিংদা তুংদা থম্লবা য়াই। ইকুই কুইদ্রিঙৈদা প্রধান মন্ত্রীগী লৈবাক অসিদা চৎখিবা খোঙচৎ মনুংদা ভারতনা য়ুক্রেনদা BHISHM ক্যুব মরি খুদোল ওইনা পীখি।

দ্রোন সর্ভিসশিং শীজিন্নবা:

দ্রোন সর্ভিসশিং অসিনা মনুং চংশিনবা অমসুং খুদোংচাদবা মফমশিংদা মেদিকেল সপ্লায়শিং অমসুং সেম্পশিংগী খোঙজেল য়াংনা, শেল চংদনা আমসুং শাফনা দেলিভরী তৌবদা মতেং পাংই। দ্রোন সর্ভিসশিংগীদমক AIIMS/INIs/NE ইন্সতিত্যুসন 15 মশক খঙদোকখ্রে। ইন্সতিত্যুৎ 12দা দ্রোন চাংয়েং অমসুং ত্রেনিং লোইশিনখ্রে। শ্রী নদ্দানা হায়খি মদুদি দ্রোনশিংনা হিদাক-লাংথকশিং, ভেক্সিনশিং, ঈ, দাইগ্নোস্তিক স্পেসিমেনশিং অমসুং অতোপ্পা পুন্সি কন্নবগী পোৎলমশিং লায়না ফংদবা মফমশিংদা সেফ, এক্যুরেৎ অমসুং থাজবা য়াবা মওংদা পিক অপ অমসুং দেলিভরী তৌরি।

মেদিকেল এজুকেসন:

মেদিকেল কোলেজশিং হেনগৎলকপা:

কেন্দ্রগী হকশেল মন্ত্রীনা হায়খি মদুদি মেদিকেল কোলেজশিং অমসুং MBBS অমসুং PG গী সীতশিং হেনগৎলকপনা হকশেলগী পথাপ অসিদা দোক্তরশিংগী মশিং হেনগৎহনগনি।

মেদিকেল কোলেজশিং অসি 2023-24দা 706 ওইরম্বদগী 2024-25দা 766 ওইদুনা 8.07% হেনগৎলে। মেদিকেল কোলেজশিংগী মশিং অসি 2013-14দা 387 ওইরম্বদগী 2024-25দা 766দা চাদা 98 হেনগৎখ্রে। হায়রিবা মতম অসিদা অনৌবা মেদিকেল কোলেজ 379 লিংখৎখ্রে অমসুং হৌজিক লৈবাক অসিদা মেদিকেল কোলেজ 766 (গবর্ণমেন্ত: 423, প্রাইবেৎ: 343) লৈরে।

MBBS সীতশিংদা হেনগৎলকপা:

2023-24দা MBBS সীত 1,08,940দগী 2024-25দা 1,15,812দা 6.30% হেনগৎলগনি। MBBS সীতশিং অসি 2013-14 (সীত 51,348) দগী 2024-25 (সীত 11,5812) ফাওবদা 64,464 (হায়বদি 125%) হেনগৎলে।

PG সীতশিংদা হেনগৎলকপা:

2023-24দা পি.জি. সীত 69,024দগী 2024-25দা 73,111 ফাওবা 5.92% হেনগৎলে। হৌখিবা চহি 10 অসিদা, পি.জি. সীতকী মশিং অসি 2013-14 (সীত 31,185) দগী 2024-25 (সীত 73,111) ফাওবদা 39,460 (হায়বদি 127%) হেনগৎলে।

নেস্নেল মেদিকেল রেজিস্তরগী ওপরেস্নেলাইজেসন:

নেস্নেল মেদিকেল রেজিস্তর (NMR) অসি ভারত্তা রেজিস্তর তৌরবা এলোপেথিক (MBBS) দাক্তর পুম্নমক্কীদমক কম্প্রিহেন্সিব দাইনামিক দেতাবেজ অমনি। NMR অসি দোক্তরশিংগী আধার IDগা লিঙ্ক তৌদুনা মীওই অদুগী ওথেন্তিসিতি লৈহল্লগনি।

শ্রী নদ্দানা হায়খি মদুদি NMR অসি লৈবাক অসিগী আয়ুশ্মান ভারত দিজিতেল মিসনগী মরুওইবা শরুক অমা ওইবনা, মসি হেল্থকেয়র প্রোফেস্নেল রেজিস্ত্রি (HPR) গী শরুক অমা ওইগনি। মহাক্না মখা তানা হায়খি মদুদি এন.এম.আর.না লৈবাক অসিদা লৈরিবা দোক্তর লাখ 13গী অকুপ্পা মরোলশিং- রাজ্যগী মতুং ইন্না, লৈবাক অসি থাদোকখ্রবশিং, থবক তৌবগী লাইসেন্স মাংখ্রবশিং, নৎত্রগা পুন্সি মাংখ্রবা দোক্তরশিংগী অকুপ্পা মরোলশিং য়াওবা দেতা ফংহনগনি।

নেস্নেল ক্বালিতী এস্যুরেন্স স্তেন্দর্দশিং (NQAS):

আয়ুশ্মান অরোগ্য মন্দির-সব সেন্তরগী এসেসমেন্তগী ভর্চুএল নেস্নেল ক্বালিতী এস্যুরেন্স স্তেন্দর্দশিং(NQAS):

NQAS অসি দিস্ত্রিক্ত হোস্পিতালশিং, কম্ম্যুনিতী হেল্থ সেন্তরশিং, আয়ুশ্মান অরোগ্য মন্দির - প্রাইমরী হেল্থ সেন্তর, আয়ুশ্মান অরোগ্য মন্দির - অর্বান প্রাইমরী হেল্থ সেন্তর অমসুং আয়ুশ্মান অরোগ্য মন্দির - সব হেল্থ সেন্তরশিংদা হেল্থকেয়র সর্ভিসশিংগী মগুন হেনগৎহন্নবা অমসুং ক্বালিতী লৈহন্নবা শেমখিবা স্তেন্দর্দশিংগী সেত অমনি।

2024গী ওগস্ত 31 ফাওবদা পব্লিক হেল্থ ফেসিলিতী 13,782 NQAS  সর্তিফাইদ তৌখি। 2024গী এপ্রিল 1দগী হৌরগা হৌজিক ফাওবদা পব্লিক হেল্থ ফেসিলিতী 5,784 NQAS সর্তিফাইদ তৌখ্রে। মসিগী মনুংদা অহানবা নুমিৎ 100গী মনুংদা ফেসিলিতী 3,134 (আয়ুশ্মান অরোগ্য মন্দির- সব সেন্তর 2,734 য়াওনা) রাজ্য পুম্নমক্তা NQAS সর্তিফাইদ তৌখ্রে।

আয়ুশ্মান অরোগ্য মন্দির- সব সেন্তরশিংগীদমক নেস্নেল ক্বালিতী এস্যুরেন্স স্তেন্দর্দশিংগী ভর্চ্যুএল এসেসমেন্তশিং ওগস্ত 1দা মথৌ তাবা ত্রেনিংশিং ফংলবা মতুংদা হৌখ্রে। এসেসমেন্ত 58 পাংথোকখ্রে, সেপ্তেম্বর 2024গী অরোইবা শরুক্তা অতোপ্পা এসেসমেন্ত 104 পাংথোক্নবা থৌরাং তৌরি। শ্রী নাদ্দানা হায়খি, "মসিনা প্রজাশিংগী মপুং ফাবা প্রাইমরী হেল্থকেয়র ফগৎহন্দুনা পব্লিক হেল্থকেয়র ফেসিলিতীশিংগী থাক খুদিংদা ক্বালিতী স্তেন্দর্দশিং ফংহন্নবা পুক্নিং থৌগৎকনি।"

ইন্তিগ্রেতেদ পব্লিক হেল্থ লেবোরেতোরীশিংগীদমক নেস্নেল ক্বালিতী এস্যুরেন্স স্তেন্দর্দশিং:

দিস্ত্রিক্ত লেবেল হেল্থ ফেসিলিতীশিংদা লৈরিবা IPHLশিংগীদমক NQAS থাদোকপা অসিনা IPHLশিংদা মেনেজমেন্ত অমসুং তেস্তিং সিস্তেমশিংগী ক্বালিতী অমসুং কম্পেন্সেন্স ফগৎহন্নবা পান্দম থম্লি। মসিনা তেস্তকী মহৈশিং থাজবা য়াবা ওইহনগনি অমসুং দাইগ্নোস্তিক্স অমসুং পেসেন্ত কেয়রগী ক্বালিতী হেনগৎহনগনি।

দরভঙ্গাদা AIIMS লিংখৎপা:

কেন্দ্রগী মন্ত্রীমন্দলনা লুপা করোর 1264গী চাউরাকপা শেনফমগা লোয়ননা দরভঙ্গাদা অনৌবা AIIMS অমা লিংখৎনবা সেপ্তেম্বর 15, 2020দা অয়াবা পীখ্রে। শ্রী নদ্দানা হায়খি মদুদি চহি অহুমগী মথক্তা লেপ্পা লৈতনা লৈরকখিবা AIIMS দরভঙ্গাগীদমক লমগী এলোৎমেন্তগী ইসু অসি লোইশিনখ্রে অমসুং বিহার সরকারনা AIIMS দরভঙ্গাগীদমক দরকার ওইরিবা একর 150.13গী লম অসি 12.8.2024দা এলোৎ তৌখ্রে অমসুং শিন্নখ্রে। মহাক্না মখা তারদুনা হায়খি মদুদি AIIMS ইন্সতিত্যুসনশিং অসিনা মমল হোংবা তেরিয়রী হেল্থকেয়র সর্ভিসশিংগী মরক্তা লৈরিবা অৱাৎপা অসি মেনশিনবা অমসুং পেকেতকী শেল থাদবা হন্থহনবদা মতেং পাংগনি।

সুপর স্পেসিএলিতী ব্লোকশিং লোইশিনবা:

বিহারদা PMSSY গী মখাদা লৈরিবা গবর্নমেন্ত মেদিকেল কোলেজ মরিগী অপগ্রেদেসন প্রোজেক্তশিংগী মনুংদা সুপর স্পেসিএলিতি ব্লোকশিং (SSB) গী কন্সত্রক্সন ৱার্কশিং লোইশিনখ্রে।

a) জৱাহরলাল নেহরু মেদিকেল কোলেজ, ভগলপুর

b) অনুগর নারায়ন মগধ মেদিকেল কোলেজ, গায়া

c) শ্রী কৃষ্ণ মেদিকেল কোলেজ, মুজাফ্ফরপুর

d) দরভঙ্গা মেদিকেল কোলেজ এন্দ হোস্পিতাল

গবর্নমেন্ত মেদিকেল কোলেজশিং (বিহার) দা সুপর স্পেসিএলিতী ব্লোকশিং হৌদোকপা অসিনা মমল হোংবা তরসিয়রী হেল্থকেয়র সর্ভিসশিংগী মরক্তা লৈরিবা অৱাৎপশিং কোকহন্নবা অমসুং ফুরিৎ খাওদগী শেল চৎপা হন্থহন্নবা হোৎনগনি হায়না শ্রী নাদ্দানা ফোংদোকখি।

ফুদ ইম্পোর্ত রিজেক্সন এলর্স হৌদোকপা:

ভারতকী ঙমখৈদা চিঞ্জাক পুশিল্লকপা য়াদবগী মতাংদা মীয়াম অমসুং মরী লৈনবা চিঞ্জাক্কী সেফতী ওথোরিতীশিংদা খঙহন্নবা শেমখিবা ওনলাইন পোর্তেল অমা ওইরিবা ফুদ ইম্পোর্ত রিজেক্সন এলর্তস (FIRA) হৌদোকখিবা অমসুং FSSAI না ফুদ স্ত্রীৎ ভেন্দরশিং ত্রেনিং পীরকখিবা অদুসু কেন্দ্রগী মন্ত্রীনা পনখি। পোর্তেল অসি ঙসি ভারত মন্দপমদা FSSAI না য়ুম্বু ওইদুনা পাংথোকপা গ্লোবেল ফুদ রেগুলেতরশিংগী মীফম 2024গী অনিশুবা ইদিসনদা হৌদোকখ্রে।

শ্রী অপূর্ব চন্দ্র, কেন্দ্রগী হকশেলগী সেক্রেতরী, হকশেল অমসুং য়াইফ-য়ুম্বাল মন্ত্রালয়; শ্রীমতি পুনিয়া সলিলা শ্রীবাস্তব, ওফিসর ওন স্পেসিএল দ্যুতী, হকশেল অমসুং য়াইফ য়ুম্বাল মন্ত্রালয়; শ্রীমতি এল এস চাংসান,, এদিস্নেল সেক্রেতরী, হকশেল অমসুং য়াইফ য়ুম্বাল মন্ত্রালয়; শ্রী ধীরেন্দ্র ওজাহা, ইনফোর্মেসন অমসুং ব্রোদকাস্তিং মন্ত্রালয়গী PIB গী প্রিন্সিপাল DG. অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিংসু থৌরম অসিদা শরুক য়াখি।

*****