રાષ્ટ્રીય પોષણ માહ 2024ની ઉજવણીના ભાગરૂપે, ગુરુવારે પૂર્ણા યોજના (પ્રીવેન્શન ઓફ અંડરન્યુટ્રીશન એન્ડ રિડક્શન ઈન ન્યુટ્રિશનલ એનિમિયા) અંતર્ગત ઉના બ્લોક, ગીર-સોમનાથ જિલ્લામાં એનિમિયા પર એક સત્રનું આયોજન કરવામાં આવ્યું હતું.  ગુજરાત સરકાર દ્વારા વર્ષ 2018થી અમલમાં મુકવામાં આવેલી આ યોજનાનો ઉદ્દેશ વ્યાપક પોષણ અને બિન પોષણ સેવાઓ પૂરી પાડીને કિશોરીઓને (15-18 વર્ષ) સશક્ત બનાવવાનો છે.

આ સત્રમાં યુવતીઓમાં એનિમિયા અને કુપોષણને દૂર કરવાના મહત્વ પર પ્રકાશ પાડવામાં આવ્યો હતો, જેમાં પૂર્ણા સખી/સહ-સખી (પીઅર એજ્યુકેટર્સ) અને કિશોરીઓ ઉપસ્થિત રહી હતી. આરોગ્ય વિભાગના આંગણવાડી કાર્યકરો અને આશા વર્કરોએ પૂર્ણા યોજના અને એનિમિયા વિશે મૂલ્યવાન માહિતી આપી હતી, જ્યારે પોષણ અંગેના વ્યવહારુ પાઠો પણ પૂરા પાડ્યા હતા.

પૂર્ણા યોજના દ્વારા ગુજરાતે કિશોરીઓમાં કુપોષણ અને એનિમિયાના પડકારોને પહોંચી વળવા માટે એક મહત્વપૂર્ણ પગલું ભર્યું છે. આ યોજનાનો ઉદ્દેશ દરેક રીતે દરેક છોકરીને "પૂર્ણા" (પૂર્ણ) બનાવવાનો છે, જેથી તેમના માટે તંદુરસ્ત અને ઉજ્જવળ ભવિષ્ય સુનિશ્ચિત થાય.

 

AP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(Release ID: 2054367) Visitor Counter : 45