இன்றுவரை இந்தியாவின் மிக வெற்றிகரமான பாராலிம்பிக் செயல்பாடு, 2024 பாரிஸ் ஒலிம்பிக்கில் வெளிப்பட்டது. இந்திய வீரர்கள் 7 தங்கம், 9 வெள்ளி மற்றும் 13 வெண்கலம் என 29 பதக்கங்களை வென்று சாதனை படைத்தனர். இந்த சாதனை இந்தியாவின் பாராலிம்பிக் வரலாற்றில் ஒரு புதிய உச்சத்தைக் குறிக்கிறது, இது உலக அரங்கில் நாட்டின் வளர்ந்து வரும் முக்கியத்துவத்தைக் காட்டுகிறது. பாரிஸ் பாராலிம்பிக் போட்டிகள் பாரா விளையாட்டுகளில் இந்தியாவின் குறிப்பிடத்தக்க வளர்ச்சியை அடிக்கோடிட்டுக் காட்டியது மட்டுமல்லாமல், பாராலிம்பிக் இயக்கத்தின் பரந்த பரிணாமத்தையும் எடுத்துக்காட்டியுள்ளன.

2012 முதல் 2020 வரையிலான காலம் இந்தியாவின் பாராலிம்பிக் வரலாற்றில் ஒரு மாற்றத்தக்க அத்தியாயத்தைக் குறித்தது, செயல்திறன் மற்றும் உலகளாவிய அங்கீகாரம் இரண்டிலும் இணையற்ற வளர்ச்சியைக் கண்டது. 2012 லண்டன் பாராலிம்பிக்கில் கிரிஷா என் கவுடாவின் ஒரே வெள்ளிப் பதக்கத்துடன் தொடங்கி, அதைத் தொடர்ந்து 2016 ரியோ பாராலிம்பிக்கில் நான்கு பதக்கங்களை வென்று, 2020 டோக்கியோ பாராலிம்பிக்கில் இந்தியாவின் 19 பதக்கங்களை வென்ற சாதனை, இந்த சகாப்தம் இந்திய பாரா விளையாட்டு வீரர்களின் அசைக்க முடியாத அர்ப்பணிப்பு மற்றும் மகத்தான திறமையை எடுத்துக்காட்டுகிறது.

2012 லண்டன் பாராலிம்பிக்கில், கிரிஷா என் கவுடாவின் விதிவிலக்கான செயல்திறன் மூலம் இந்தியா தனது ஒரே பதக்கத்தை வென்றது. ஆண்கள் உயரம் தாண்டுதல் எஃப் 42 பிரிவில் போட்டியிட்ட கவுடா வெள்ளிப் பதக்கம் வென்றார், இது இந்திய தடகளத்தில் குறிப்பிடத்தக்க சாதனையைக் குறிக்கிறது.

2016 ரியோ பாராலிம்பிக்கில் இந்தியாவின் செயல்திறன் குறிப்பிடத்தக்கது, நாடு மொத்தம் நான்கு பதக்கங்களை வென்றது. ஆண்களுக்கான உயரம் தாண்டுதல் எஃப்42 பிரிவில் தமிழ்நாட்டின் மாரியப்பன் தங்கவேலு தங்கப்பதக்கம் வென்றார். வருண் சிங் பாட்டியும் அதே போட்டியில் பங்கேற்று வெண்கலப் பதக்கம் வென்றார், இது தடகளத்தில் வலுவான செயல்திறனுக்கு பங்களித்தது.தேவேந்திர ஜஜாரியா ஆண்கள் ஈட்டி எறிதல் எஃப் 46 பிரிவில் தங்கப் பதக்கத்தையும்,  தீபா மாலிக் பெண்களுக்கான குண்டு எறிதல் எஃப் 53 பிரிவில் வெள்ளிப் பதக்கத்தையும் வென்று  பாராலிம்பிக் வரலாற்றில் தடம் பதித்தனர்.

2021, ஆகஸ்ட் 24 முதல் செப்டம்பர் 5 வரை நடைபெற்ற 2020 டோக்கியோ பாராலிம்பிக்கில், இந்தியா சிறந்த செயல்திறனை வெளிப்படுத்தி 5 தங்கம், 8 வெள்ளி மற்றும் 6 வெண்கலம் உட்பட மொத்தம் 19 பதக்கங்களை வென்றது. இந்த குறிப்பிடத்தக்க  சாதனை பாராலிம்பிக் அரங்கில் நாட்டின் வளர்ந்து வரும் முக்கியத்துவத்தை அடிக்கோடிட்டுக் காட்டுகிறது. ஒட்டுமொத்த பதக்க நிலைகளில் இந்தியா 24 வது இடத்தைப் பிடித்தது, விளையாட்டு வீரர்களின்  அபாரமான செயல்திறன் மற்றும் உலக அரங்கில் ஒரு குறிப்பிடத்தக்க சாதனைக்கு ஒரு சான்றாகும்.

2024, ஆகஸ்ட் 28 முதல் செப்டம்பர் 8 வரை நடைபெற்ற பாரிஸ் 2024 பாராலிம்பிக் விளையாட்டுகள், உலகளாவிய தடகள வலிமை மற்றும் உள்ளடக்கத்தின் பிரமாண்டமான கொண்டாட்டமாக இருந்தன. உலகெங்கிலும் இருந்து 4,400 விளையாட்டு வீரர்கள் 22 விளையாட்டுகளில் போட்டியிட்டனர். இந்தியாவைப் பொறுத்தவரை, 2024 பாரிஸ் பாராலிம்பிக், இன்றுவரை நாட்டின் மிக வெற்றிகரமான விளையாட்டுகளைக் குறித்தது. 12 விளையாட்டுகளில், 84 வீரர், வீராங்கனைகள் பங்கேற்றதன் மூலம் பாரதம் பங்கேற்பு புதிய உச்சத்தை எட்டியுள்ளது. பாரிஸ் பாராலிம்பிக்கில் இந்திய வீரர்கள் தங்கள் சிறந்த செயல்திறனை வெளிப்படுத்தினர், 29 பதக்கங்களைப் (7 தங்கம், 9 வெள்ளி மற்றும் 13 வெண்கலம்) பெற்று, ஒட்டுமொத்த பதக்க எண்ணிக்கையில் 18 வது இடத்தைப் பிடித்தனர். இந்த சாதனை இந்திய பாரா விளையாட்டுகளுக்கு ஒரு திருப்புமுனை தருணத்தை பிரதிபலிக்கிறது, இது உலக அரங்கில் இந்திய விளையாட்டு வீரர்களின் திறனை வெளிப்படுத்துகிறது.

2024 பாரிஸ் பாராலிம்பிக் இந்தியாவின் விளையாட்டு வரலாற்றில் ஒரு வரையறுக்கும் அத்தியாயமாக நினைவுகூரப்படும், எதிர்கால தலைமுறை விளையாட்டு வீரர்களுக்கு ஊக்கமளிக்கும் மற்றும் விளையாட்டில் அனைவரையும் உள்ளடக்கிய நாட்டின் உறுதிப்பாட்டை மீண்டும் உறுதிப்படுத்தும்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://pib.gov.in/PressReleasePage.aspx?PRID=2053156

***

BR/RR