রেলৱে মন্ত্রালয়
মন্ত্রী মন্দলনা কিমি ৩০৯ শাংবা অনৌবা লাইন প্রোজেক্ত অয়াবা পীখ্রে: অচৌবা কম্মর্সিএল হব অনি - মুম্বাই অমসুং ইন্দোরগী মরক্তা খ্বায়দগী তেন্বা রেল কন্নেক্তিবিতী ফংহন্নবা পায়খৎপনি
অয়াবা পীরবা প্রোজেক্ত অসিনা কম্মর্সিএল হব মুম্বাই অমসুং অনিবু খ্বায়দগী তেন্বা রেল লম্বীনা শম্নহনবগী মথক্তা, মহারাস্ত্র অমসুং মধ্য প্রদেশকী শম্নদ্রিবা মফমশিং মহারাস্ত্রগী দিস্ত্রিক্ত ২ অমসুং মধ্য প্রদেশকী দিস্ত্রিক্ত ৪ ফাওনা চত্তুনা শম্নহনগনি
প্রোজেক্ত অসিগী অপুন্বা শেঞ্জং লুপা করোর ১৮,০৩৬নি অমসুং ২০২৮-২৯ ফাওবদা লোইশিনগনি
প্রোজেক্ত অসিনা শেমগৎ শাগৎলিঙৈ মনুদা থবক মেন-দেজ লাখ ১০২ রোম হকথেংননা ফংহনগনি
Posted On:
02 SEP 2024 3:31PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক এফ্যার্স (CCEA)না রেলৱেজ মন্ত্রালয়গী মখাদা লুপা করোর ১৮,০৩৬ (চাউরাক্না) ওইগদবা অনৌবা রেলৱে লাইনগী প্রোজেক্ত অয়াবা পীখ্রে। প্রপোজ তৌরিবা ইন্দোর অমসুং মনমদ অনিগী মরক্কী অনৌবা লাইন অসিনা দাইরেক্ত কন্নেক্তিবিতী অমসুং ফীভম ফগৎলবা মোবিলিতী ফংহন্দুনা ইন্দিয়ন রেলৱেজকী হেন্না ফবা ইফিসিএন্সী অমসুং সর্ভিস রিলাইএবিলিতী ফংহনগনি। প্রোজেক্ত অসি থবক পীবা/ মশানা থবক পীজবগী খুদোংচাবা হেনগৎহনগদবা হীরমশিংদা মপুং ফানা চাউখৎপা পুরক্তুনা লমদমসিগী মীওইশিংবু “আত্মনিরভর” ওইহনগদবা অনৌবা ভারত অমগী প্রধান মন্ত্রী শ্রী নরেন্দ্র মোদী জীগী মঙলান পরিংদা পায়খৎপনি।
প্রোজেক্ত অসি, ইন্তিগ্রেতেদ প্লান্নিংগী খুত্থাঙদা ওইথোকপা ঙমহল্লিবা পি.এম.-গতী শক্তি নেস্নেল মাস্তর প্লান ফোর মল্তি-মোদেল কন্নেক্তিবিতীগী মহৈনি, অমসুং মী, পোৎ-চৈ অমসুং সর্ভিসশিং অপন্বা লৈতনা চত্থোক চৎশিন, পুথোক পুশিন য়াহনগনি।
প্রোজেক্ত অসিনা মহারাস্ত্র অমসুং মধ্য প্রদেশ হায়রিবা স্তেত ২ অসিগী দিস্ত্রিক্ত ৬ কোনশিন্দুনা হৌজিক লৈরিবা ইন্দিয়ন রেলৱেজকী নেতৱর্ক অসি কিমি ৩০৯ হেনগৎহল্লগনি।
প্রোজেক্ত অসিগা লোয়ননা অনৌবা স্তেসন ৩০ শাগত্তুনা এস্পিরেস্নেল দিস্ত্রিক্ত বর্ৱানী ফাওবগী কন্নেক্তিবিতী হেনগৎহনগনি। অনৌবা লাইন প্রোজেক্ত অসিনা চাউরাক্না খুঙ্গং ১০০ অমসুং মীশিং লাখ ৩০ রোমদা কন্নেক্তিবিতী ফংহল্লগনি।
প্রোজেক্ত অসিনা লৈবাকসসিগী নোংচুপ/খা-নোংচুপ থংবা শরুক্কা ময়ায়থংবা ভারতকগী মরক্তা হেন্না তেন্বা লম্বী পীদুনা তুরিজম য়োকখৎকনি। মসিনা শ্রী মহাকালেস্বর জ্যোতিরলিঙ্গ লাইশঙ য়াওনা উজ্জৈন – ইন্দোর রিজনগী তোঙান তোঙানবা লমকোয়ফম/ লাইশিংগী মফমশিংদা লমকোয়বা লাক্বগী মশিং হেনগৎহনগনি।
প্রোজেক্ত অসিনা JNPAগী গেতৱে হিথাংফম অমসুং স্তেতকী অতৈ হিথাংফমশিংদগী পিথমপুর ওতো ক্লস্তরগা (অচৌবা য়ুনিৎ ৯০ অমসুং অপিকপা অমদি ময়ায় ওইরপ চাউবা য়ুনিৎ ৭০০ লৈবা) হকথেংননা শম্নহনগনি। প্রোজেক্ত অসিনা মধ্য প্রদেশকী চনান পুথোকপা দিস্ত্রিক্তশিং অমসুং মহারাস্ত্রগী তিল্হৌ পুথোকপা দিস্ত্রিক্তশিং হকথেংননা শম্নহন্দুনা হায়রিবা পোত্থোকশিং অদু লৈবাক্কী অৱাং অমসুং খা থংবা শরুকশিংদা য়ৌহনগনি।
লম্বী অসি লৌউ-শিংউগী পোত্থোকশিং, হার, কন্তেনর, য়োৎকী ওর, স্তীল, সিমেন্ত, POL অসিনচিংবা পোৎলমশিং পুথোক পুশিন তৌবগী মরুওইবা লম্বী অমনি। কেপাসিতী হেনগৎহন্বগী থবক পায়খৎপনা MTPA (মিলিয়ন তন পর এনম) ২৬গী অহেন্বা ফ্রৈত ত্রাফিক লৈহনগনি। রেলৱেজ অসি অকোয়বগী ফীভমগা চুনবা অমসুং ইনর্জী য়াম্না চঙদবা চত্থোক চৎশিনগী পাম্বৈ অমা ওইবনা ক্লাইমেত গোলশিং ফংবদা অমসুং লৈবাকসিগী লোজিস্তিক কোস্ত হন্থহন্বদা, ওইল ইম্পোর্ত হন্থহন্বা (লিতর ক্রোর ১৮) অমসুং উ পাম্বী করোর ৫.৫ থাবগা মান্নগদবা CO2 থাদোকপা হন্থহন্বদা (কেজি করোর ১৩৮) মতেঙ ওইগনি।
*****
(Release ID: 2051092)
Visitor Counter : 33