ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মরুওইবা স্কিম অহুম মখা চৎথনবা, সাইন্স অমসুং তেক্নোলোজি দিপার্তমেন্তগী অপুনবা কেন্দ্রগী স্কিম ‘বিজ্ঞান ধরা’ দা পুনশিনবদা অয়াবা পীরে।

স্কিম অসিগী কম্পোনেন্ত অহুম লৈরি:

1. সাইন্স অমসুং তেক্নোলোজিগী ইন্সতিতুৎশিং অমসুং মীওইশিংগী কেপাসিতি বিল্দিং,
2. রিছার্স অমসুং দিবলপমেন্ত অমসুং
3. ইন্নোবেসন, তেক্নোলোজি দিবলপমেন্ত অমসুং থবক্তা শীজিন্নবা

১৫শুবা ফাইনান্স কম্মিসন মতমদা ২০২১-২২ দগী ২০২৫-২৬ ফাওবগী মনুংদা অপুনবা স্কিম ‘বিজ্ঞান ধরা’ গীদমক লুপা করোর ১০,৫৭০.৮৪ কাইথোক্লগনি।

স্কিমশিং স্কিম অমদা পুনশিনবা অসিনা ফন্দ শীজিন্নবা হেনগৎহনগনি অমসুং সব-স্কিমশিং/থৌরমশিংগী মনুংদা পুন্না থবক তৌমিন্নবা ঙমগনি।

‘বিজ্ঞান ধরা’ স্কিমগী মরুওইবা পান্দমদি সাইন্স অমসুং তেক্নোলোজিগী কেপাসিতি বিল্দিং শেমগৎপা অমসুং লৈবাক অসিদা সাইন্স, তেক্নোলোজি অমসুং ইন্নোবেসনগী ইকোসিস্তেম লৈহন্নবা রিছার্স, ইন্নোবেসন অমসুং তেক্নোলোজি চাউখৎনবা থবকশিং ফগৎহনবনি। স্কিম অসি থবক ওইনা পায়খৎলকপা মতমদা মহৈলোয়শঙশিংদা অফবা রিছার্স অমসুং দিবলপমেন্তগী হেন্না লৈহন্দুনা লৈবাক অসিদা সাইন্স অমসুং তেক্নোলোজিগী ইনফ্রাস্ত্রকচর মপাঙ্গল কনখৎহনগনি।

মালেমগী অচৌবা খুদোংচাবশিং পীদুনা বেসিক রিছার্স তৌনবা, স্তেনেবল ইনর্জি অমসুং ঈশিংদা লৈবাকশিংগা লোয়ননা রিছার্স তৌবা অমসুং মালেমগী লৈবাকশিং অমসুং ইন্সতিতুৎশিংগা লোয়ননা পুন্না রিছার্স তৌবা স্কিম অসিনা য়োকখৎকনি। ফুল-তাইম ইকুইবলেন্ত(ই তি ই) রিছার্সরশিং মশিং হেনগৎহন্নবা লৈবাক অসিদা সাইন্স অমসুং তেক্নোলোজিগী থবক অমসুং রিছার্স অমসুং দিবলপমেন্তগী থবক পাকথোক-চাউথোক্নবা মরুওইবা হুমেন রিছোর্স শেমগৎপদা স্কিম অসিনা মতেং পাংগনি। সাইন্স, তেক্নোলোজি অমসুং ইন্নোবেসন(এস তি আই)দা নুপীশিং হেন্না চিংশিন্দুনা সাইন্স অমসুং তেক্নোলোজিদা নুপীশিং শরুক য়াবা হেনগৎহন্নবা মীৎয়েং থমদুনা স্কিম অসিনা থবক পায়খৎকনি। স্কুলগী থাক্তগী হৌরগা অৱাংবা থাক্কী মহৈলোয়শঙ ফাওবদা অমসুং উদ্যোগশিং অমসুং স্তার্দ-অপশিংগীদমক থাক খুদিংমক্তা ইন্নোবেন ফগৎনবা সরকারনা পায়খৎলিবা থবকশিংদা স্কিম অসিনা মতেং পাংগনি। মহৈলোয়শঙ, সরকার অমসুং উদ্যোগশিংগী মরক্তা মতেং পাংনবা হেনগৎহন্নবা শিংথাবা য়াবা মতেং পাংগনি।

‘বিজ্ঞান ধরা’ স্কিমগী মখাদা পায়খৎকদৌরিবা থৌরম খুদিংমক, বিকসিত ভারত ২০৪৭ গী পান্দমশিং থবক ওইনা পাংথোক্নবা মাইকৈদা সাইন্স অমসুং তেক্নোলোজি দিপার্তমেন্তগী চহি ৫গী পান্দমশিংগা পুন্না চৎমিন্নগনি। স্কিম অসিগী রিছার্স অমসুং দিবলপমেন্তগী কম্পোনেন্ত অসি অনুসন্ধান নেসনেল রিছার্স ফাউন্দেসন(এ এন আর এফ)গা চৎমিন্নগনি। স্কিম অসি পায়খৎপা মতমদা মালেমগী চৎনরিবা নাপচৈশিংনা ওনবগা লোয়ননা লৈবাক্কী মরুওইবশিং ফংবা ঙম্নবা হোৎনগনি।

নুঙগীৱারোল:

লৈবাক অসিদা সাইন্স অমসুং তেক্নোলোজিগী থবকশিং য়োকখৎপা অমসুং শীনবা লাংবগী নোদেল দিপার্তমেন্ত ওইনা সাইন্স অমসুং তেক্নোলোজি দিপার্তমেন্তনা থবক তৌরি। লৈবাক অসিদা সাইন্স অমসুং তেক্নোলোজি অমসুং ইন্নোবেসন চাউখৎনবা সাইন্স অমসুং তেক্নোলোজি দিপার্তমেন্তনা পায়খৎলিবা মরুওইবা স্কিম অহুম অদুদি (১) সাইন্স অমসুং অমসুং তেক্নোলোজিগী ইন্সতিতুৎশিং অমসুং মীওইশিংগী কেপাসিতি বিল্দিং (২) রিছার্স অমসুং অমসুং দিবলপমেন্ত অমসুং (৩) ইন্নোবেসন, তেক্নোলোজি দিবলপমেন্ত অমসুং থবক্তা শীজিন্নবনি। হায়রিবা স্কিম অহুম অসি অমতা ওইনা ‘বিজ্ঞান ধরা’ স্কিমদা পুনশিল্লে।

****