मुंबई, 24 ऑगस्ट 2024

 

भारतीय अन्न महामंडळाच्या महाराष्ट्रातील प्रादेशिक कार्यालयाने ऑगस्ट 2024 च्या पहिल्या आठवड्यापासून खुल्या बाजारातील विक्री (देशांतर्गत) योजनेंतर्गत (OMSS (D)) विक्रीसाठी तांदूळ उपलब्ध करून देण्यास सुरुवात केली आहे.  28.08.2024 या दिवशी होणाऱ्या लिलावासाठी गोवा राज्यासह संपूर्ण महाराष्ट्र प्रदेशात तांदूळाचा एकूण 20,000 मेट्रिक टन साठा विक्रीसाठी उपलब्ध करून दिला जाणार आहे.

हा तांदूळ साठा खरेदी करण्यास इच्छुक असलेले खरेदीदार, "m-Junction Services Limited" (https://www.valuejunction.in/fci/) या भारतीय अन्न महामंडळाच्या ई-लिलाव सेवा प्रदात्याच्या नामिका सूचीमध्ये समाविष्ट होऊ शकतात आणि तांदूळ साठ्याकरिता बोली लावू शकतात.  अशा प्रकारे नाव नोंदणी करू इच्छिणाऱ्यांसाठीची नामिका सूची प्रक्रिया 72 तासांमध्ये पूर्ण केली जाईल. तांदळाचे व्यापारी किंवा मोठ्या प्रमाणात खरेदी करणारे खरेदीदार आणि उत्पादक या बोलीत सहभागी होऊ शकतात. किमान 1 मेट्रिक टन आणि जास्तीत जास्त 2000 मेट्रिक टन तांदूळासाठी बोली लावता येईल. 

खुल्या बाजारातील विक्री (देशांतर्गत) योजना देशात धान्याच्या वाढत्या किमतींवर नियंत्रण ठेवण्यास मदत करेल आणि यामुळे सर्वसामान्य नागरिकांना मोठा दिलासा मिळेल. 

 

* * *

PIB Mumbai | M.Pange/S.Mukhedkar/D.Rane

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2048504)