حکومت ہند کی ماہی پروری، مویشی پروری اور دودھ کی پیداوار کی وزارت  کےمویشی پروری اور ڈیری کے  محکمہ (ڈی اے ایچ ڈی) اور میزبان ریاست ہماچل پردیش نے، ریاستی اور ضلع نوڈل افسران (ایس این او/ڈی این او) اور ’’ہماچل پردی‘‘ کے نگرانوں کے لیے،  سافٹ ویئر (موبائل اور ویب ایپلیکیشن/ڈیش بورڈ) اور نسلوں پر 21ویں مویشیوں کی مردم شماری کی ریاستی سطح کی تربیت کا انعقاد کیا۔  یہ ورکشاپ آج ہماچل پردیش کے شملہ میں منعقد کی گئی،تاکہ ریاستی اور ضلعی نوڈل افسروں (ایس این او/ڈی این او) اور ریاست کے نگرانوں کو 21ویں مویشی شماری کے انعقاد کے لیے ،نئے شروع کیے گئے موبائل اور ویب ایپلیکیشنز پر تربیت دی جائے جو کہ ستمبرسےدسمبر 2024 کے دوران کی جائے گی۔

ورکشاپ کا افتتاح، مہمان خصوصی ،ہماچل پردیش سرکار میں کابینی وزیر زراعت  و مویشی پروری جناب چندر کمار ،ہماچل پردیش  سرکار کےمحکمہ اے ایچ  کےسکریٹری جناب راکیش کنور نے ، حکومت ہند کےمویشی پروری اور ڈیری  کےمحکمہ  مویشیوں کے شماریات کے ڈائرکٹر  ، جناب وی پی سنگھ ، ڈائریکٹر، آئی سی اے آر -این بی اے جی آر ڈاکٹر بی پی مشرااور ڈاکٹر پردیپ شرما، ڈائریکٹر، اے ایچ ڈی، ہماچل پردیش سرکار کی موجودگی میں کیا۔

تقریب کا آغاز قومی ترانے اور چراغاں کی رسم سے ہوا۔ ان معزز معززین کے خطابات نے افتتاح کی شان  کو دوبالا کیا اور مویشیوں کی مردم شماری کے انعقاد کے لیے ضلع اور ریاستی سطح کے نوڈل دفاتر کی کامیاب تربیت کے لیے ایک مشترکہ کوشش کی راہ ہموار کی۔

جناب چندر کمار نے اپنے خطاب میں اس ورکشاپ کی اہمیت پر روشنی ڈالی، اور درست اور موثر ڈیٹا اکٹھا کرنے کے لیے ٹکنالوجی سے فائدہ اٹھانے کے محکمے کے عزم پر زور دیا۔ انہوں نے 21ویں لائیو اسٹاک مردم شماری کی کامیابی کو یقینی بنانے کے لیے تمام  متعلقہ فریقین کی اجتماعی ذمہ داری پر زور دیا، جو کہ مویشی پروری کے شعبے کی مستقبل کی پالیسیوں اور پروگراموں کی تشکیل میں اہم کردار ادا کرے گی نیز ان پر زور دیا کہ وہ جدید ترین ٹیکنالوجی سے استفادہ کریں تاکہ اس کی کامیابی کو یقینی بنایا جا سکے۔

جناب راکیش کنور نے ورکشاپ سے خطاب کیا اور نچلی سطح پر جامع تربیت اور صلاحیت سازی کی ضرورت پر روشنی ڈالی۔ انہوں نے ہندوستان کی معیشت اور غذائی تحفظ کے لیے مویشیوں کے شعبے کی اہمیت کو اجاگر کیا۔ انہوں نے مردم شماری کی محتاط منصوبہ بندی اور اس پر عملدرآمد پر زور دیا، اس بات پر زور دیتے ہوئے کہ اکٹھا کیا گیا ڈیٹا مستقبل کے اقدامات کی تشکیل اور اس شعبے میں درپیش چیلنجوں سے نمٹنے میں اہم کردار ادا کرے گا۔

اس ورکشاپ میں اجلاس کا ایک سلسلہ منعقد کیا گیا جس کی شروعات 21 ویں مویشیوں کی مردم شماری کی مختصر تفصیل کے ساتھ ہوئی،جس کا آغاز مویشیوں کے شماریات ڈویژن کی طرف سے ہوا، اس کے بعد ڈاکٹر بی پی مشرا اور آئی سی اے آر- نیشنل بیورو آف اینیمل جینیٹک ریسورسز (این بی اے جی آر) کی اس ٹیم کی طرف سے تفصیلی پریزنٹیشن دی گئی۔ انواع کی نسل کی تفصیلات جو مردم شماری میں شامل کی جائیں گی۔ نسل کی درست شناخت کی اہمیت پر زور دیا گیا، جو کہ لائیو اسٹاک شعبے کے مختلف پروگراموں اور پائیدار ترقیاتی اہداف (ایس ڈی جیز) کے نیشنل انڈیکیٹر فریم ورک (این آئی ایف) کے لیے درست اعدادوشمار تیار کرنے کے لیے اہم ہے۔

اپنے خطاب میں، جناب وی پی سنگھ نے مویشیوں کے شعبے میں پائیدار طریقوں کے انضمام پر زور دیا۔ انہوں نے نشاندہی کی کہ لائیو اسٹاک کی مردم شماری کے بعد حاصل ہونے والے اعداد و شمار کا تجزیہ اور منطقی استعمال، مستقبل کی محکمانہ پالیسیاں بنانے اور پروگراموں پر عمل درآمد کی راہ ہموار کرے گا، ساتھ ہی نئی اسکیمیں تشکیل دینے اور مویشیوں کے فائدے کے لیے مویشیوں کے شعبے میں روزگار کے مواقع پیدا ہوں گے۔

جناب پردیپ کمار نے ہماچل پردیش حکومت کی طرف سے ہندوستان بھر میں دودھ کی پیداوار میں بہترین طریقوں کو اپنانے پر روشنی ڈالی اور بتایا کہ کس طرح مویشی، کسانوں کی مالیاتی بااختیار بنانے میں اپنا حصہ رسدی کرتے ہیں، ان کی نقدی کی ضروریات کو مؤثر طریقے سے پورا کرتے ہیں۔ انہوں نے  مویشی پروری اور ڈیری کے محکمے (ڈی اے ایچ ڈی) کی طرف سے تیار کردہ جدید ترین ٹیکنالوجیوں کے بارے میں بھی بات کی، جیسے کہ جنس کے مطابق سیمن کا استعمال۔ انہوں نے تمام ریاستوں کے مندوبین کا پرتپاک خیرمقدم کیا اور انہیں کامیاب تربیتی اجلاس کی مبارک باد دی۔

ورکشاپ میں، 21ویں لائیوا سٹاک مردم شماری کے سافٹ ویئر کے طریقہ کار اور لائیو ایپلی کیشن کے بارے میں تفصیلی اجلاس شامل تھے ،جن میں حکومت ہند کے مویشی پروری اور ڈیری کے محکمے کی سافٹ ویئر ٹیم نے ریاستی اور ضلعی نوڈل افسران کے لیے موبائل ایپلیکیشن اور ڈیش بورڈ سافٹ ویئر کی تربیت دی تھی۔ یہ نوڈل افسران اپنے متعلقہ ڈسٹرکٹ ہیڈ کوارٹرز میں شمار کنندگان کے لیے تربیت کا انعقاد کریں گے۔

ورکشاپ کا اختتام، ہماچل پردیش سرکار کے مویشی پروری کے محکمے کے جوائنٹ سکریٹری کے شکریہ کے ساتھ ہوا۔ اپنے خطاب میں انہوں نے تمام معززین اور متعلقہ فریقین کا ان کی موجودگی پر شکریہ ادا کیا اور اس امید کے ساتھ اختتام کیا کہ مردم شماری کا آپریشن کامیاب ہوگا۔

******

U. No.10076

(ش ح –ا ع- ر ا)