பின்லாந்து, போலந்து, இந்தியா, சீனா, அமெரிக்கா, செக் குடியரசு, ஜப்பான், ஜெர்மனி, ஸ்பெயின், இத்தாலி ஆகிய 10 நாடுகளைச் சேர்ந்த 32 விஞ்ஞானிகள் அடங்கிய குழு நடத்திய புதிய ஆய்வில், ஒரு ஜோடி சிறிய கருந்துளை கண்டுபிடிக்கப்பட்டது. இதன்மூலம் முதன்முறையாக சுற்றும் கருந்துளை பார்வைக்கு புலப்பட்டுள்ளது.

நான்கு பில்லியன் ஒளியாண்டுகள் தொலைவில் உள்ள விண்மீன் திரளான ஓ.ஜே 287-ன் மையத்தில் இரண்டு கருந்துளைகள் உள்ளன என்ற பின்லாந்தில் உள்ள துர்கு பல்கலைக்கழக வானியலாளர்களால் முதன் முதலில் பரிந்துரைக்கப்பட்ட கோட்பாட்டை பல சர்வதேச ஆராய்ச்சி குழுக்கள் ஏற்கனவே உறுதிப்படுத்தியுள்ளன.

2021-ஆம் ஆண்டில், நாசாவின் எக்ஸோபிளானெட் செயற்கைக்கோள் விண்மீன் ஓ.ஜே 287-ஐ நோக்கி சுட்டிக்காட்டப்பட்டது, இது விண்மீனின் மையத்தில் இரண்டு கருந்துளைகள் இருப்பதாக பின்லாந்தின் துர்கு பல்கலைக்கழக ஆராய்ச்சியாளர்கள் ஆரம்பத்தில் முன்மொழிந்த கோட்பாட்டை வானியலாளர்களுக்கு உறுதிப்படுத்த உதவுகிறது.

டிரான்சிட்டிங் எக்ஸோபிளானட் சர்வே சேட்டிலைட் (டெஸ்) வானத்தில் பிரகாசமான சிறிய நட்சத்திரங்களைச் சுற்றி வரும் ஆயிரக்கணக்கான எக்ஸோப்ளானெட்டுகளைக் கண்டறிய வடிவமைக்கப்பட்டுள்ளது. சிறிய கருந்துளையின் இருப்பை சரிபார்க்க, டெஸ் முதன்மை கருந்துளை மற்றும் அதனுடன் தொடர்புடைய ஜெட்டின் பிரகாசத்தை கண்காணித்தது. பெரிய கருந்துளையைச் சுற்றி வரும் சிறிய கருந்துளையை நேரடியாகக் கவனிப்பது மிகவும் கடினமாகும். ஆனால் அதன் திடீர் பிரகாசத்தின் மூலம் அதன் இருப்பு  ஆராய்ச்சியாளர்களுக்கு வெளிப்படுத்தப்பட்டது.

இந்த வகையான நிகழ்வு இதற்கு முன்பு ஓ.ஜே 287-ல் காணப்படவில்லை, ஆனால் பின்லாந்தில் உள்ள துர்கு பல்கலைக்கழகத்தைச் சேர்ந்த ஆராய்ச்சியாளர் பவுலி பிஹஜோகி ஏற்கனவே 2014-ல் தனது ஆய்வறிக்கையில் இந்த நிகழ்வை கணித்துள்ளார். அவரது ஆய்வறிக்கையின்படி, அடுத்த விரிவடைதல் 2021-ன் பிற்பகுதியில் நடைபெறும் என்று எதிர்பார்க்கப்பட்டது.

அதன்படி டெஸ் செயற்கைக்கோள் நவம்பர் 12, 2021 அன்று எதிர்பார்க்கப்பட்ட விரிவடைவதைக் கண்டறிந்தது. இந்திய அரசின் அறிவியல் மற்றும் தொழில்நுட்பத் துறையின் கீழ் செயல்படும் ஆர்யபட்டா ஆராய்ச்சி நிறுவனத்தைச் சேர்ந்த சுபம் கிஷோர், அலோக் சி.குப்தா, அமெரிக்காவின் நியூ ஜெர்சி கல்லூரியைச் சேர்ந்த பால் விட்டா ஆகியோர் நடத்திய ஆய்வில் சிறிய கருந்துளை கண்டுபிடிக்கப்பட்டது.

இந்த கண்டுபிடிப்பை நாசாவின் ஸ்விஃப்ட் தொலைநோக்கியும் உறுதிப்படுத்தியது, இதுவும் அதே இலக்கை சுட்டிக்காட்டியது.

கூடுதலாக, போலந்தின் கிராகோவில் உள்ள ஜாகியெல்லோனியன் பல்கலைக்கழகத்தைச் சேர்ந்த ஸ்டாஸ்ஜெக் ஜோலா தலைமையிலான ஒரு பெரிய சர்வதேச ஒத்துழைப்பு, பூமியின் பல்வேறு பகுதிகளில் தொலைநோக்கிகளைப் பயன்படுத்தி அதே நிகழ்வைக் கண்டறிந்தது.

மேலும், அமெரிக்காவின் பாஸ்டன் பல்கலைக்கழகத்தைச் சேர்ந்த ஸ்வெட்லானா ஜோர்ஸ்டாட் தலைமையிலான குழு மற்றும் பிற நோக்கர்கள், ஒளியின் துருவமுனைப்பை ஆராய்ந்து இந்த கண்டுபிடிப்பை உறுதிப்படுத்தினர்.

***

(Release ID: 2034082)

PKV/BR/KR