ہندوستانی بحریہ 2 فروری  2025 ء کو نئی دلّی میں  اپنے اولین ہاف میراتھن کا انعقاد کرے گی ، جسے پہلے 06 اکتوبر  ، 2024  ء کو  منعقد کیا  جانا تھا  ۔ اس تقریب کا مقصد سول سوسائٹی کے ساتھ بحریہ کے تعلقات کو  مضبوط بنانا اور ملک کی بحری سکیورٹی  اور مفادات  کے تحفظ میں بحریہ کے اہم کردار کے بارے میں بیداری  پیدا کرنا ہے۔

اس میراتھن کا مقصد زندگی کے تمام شعبوں سے تعلق رکھنے والے شرکاء کے درمیان اچھی صحت اور تندرستی کو فروغ دینے کے لیے ایک پلیٹ فارم فراہم کرنا ہے ، جس سے انہیں مختلف قسم کی جسمانی سرگرمیوں میں مشغول ہونے اور مجموعی فلاح و بہبود کو یقینی بنانے کے لیے ایک فعال طرز زندگی کا انتخاب کرنے کی ترغیب ملے گی۔

یہ تقریب صنفی مساوات، خواتین کو بااختیار بنانے اور سبھی کی شمولیت کی اقدار کو اجاگر کرے گی۔ متنوع پس منظر اور معاشرے کے تمام طبقوں سے تعلق رکھنے والے افراد کو فعال طور پر شامل کرکے، یہ تقریب  مبنی بر شمولیت اور سب کے لیے یکساں مواقع کے رواج کو فروغ دینے  سے متعلق  ہندوستانی بحریہ کے عزم کو اجاگر کرے گی۔

یہ میراتھن لوگوں کو دوستی اور مسابقت کے جذبے کے ساتھ  یکجا کرے گی  اور  اس تقریب  سے این سی آر اور اس سے باہر کے لوگوں کے درمیان مضبوط رشتوں کو مضبوط کرنے کی  بھی توقع کی جاتی ہے ۔  اس کے علاوہ  ، اس سے نوجوانوں کو ہندوستانی بحریہ میں شامل ہوکر ایک مہم جوئی کی زندگی اختیار کرنے کی ترغیب   بھی حاصل ہوگی ۔

اس تقریب میں ہاف میراتھن (21.1 کلومیٹر)  کی دوڑ اور 10 کلومیٹر اور 05 کلومیٹر کی دوڑ کا انعقاد کیا جائے گا ، جس میں ہر عمر اور فٹنس لیول کے شرکاء  شرکت کر سکیں گے ۔  ہندوستانی بحریہ کی طرف سے ہر سال ممبئی، وشاکھاپٹنم اور کوچی میں منعقد کیے جانے والے اسی طرح کے دیگر پروگراموں کے ساتھ مل کر،  اس میراتھن  کا ایک سالانہ تقریب ہونے کا تصور کیا جاتا ہے۔

 

*********

 ش ح۔    ع م    - ع ا

U.No. 8403

(Release ID: 2033937) Visitor Counter : 51