ٹرائی  ایکٹ 1997 کی دفعات کے مطابق، ٹیلی کام ریگولیٹری اتھارٹی آف انڈیا (ٹرائی)، ٹیلی مواصلات خدمات کے لیے ایک خود مختار ریگولیٹر، ملک میں ٹیلی مواصلات خدمات کی شرحوں کو منظم کرتا ہے۔ پچھلی دو دہائیوں سے، موبائل خدمات کے نرخوں کو ٹرائی نے برداشت کے تحت رکھا ہے۔ حکومت کی پالیسیوں اورٹرائی کے ذریعہ مطلع کردہ ریگولیٹری فریم ورک کے نتیجے میں ہندوستان میں موبائل خدمات کے صارفین کے لئے سب سے کم لاگت آئی ہے۔ 140 منٹ + 70 ایس ایم ایس +2جی پر مشتمل کم از کم موبائل، آواز اور ڈیٹا باسکٹ کے لیے، موبائل خدمات کی قیمتوں کا موازنہ، جیسا کہ بین الاقوامی ٹیلی مواصلات یونین (آئی ٹی یو) (2023) نے کچھ پڑوسی اور ترقی یافتہ ممالک میں شائع کیا ہے:

*نوٹ: ہندوستان کے معاملے میں، 1.89 امریکی ڈالر ماہانہ کی اوسط قیمت پر، موبائل سبسکرائبر کے لیے عملی طور پر لامحدود آواز اور 18 جی بی ماہانہ دستیاب ہے۔

2. موبائل خدمات کے ٹیرف سے متعلق لائسنس کی شرائط ذیل میں دوبارہ پیش کی گئی ہیں:

"لائسنس حاصل کرنے والا ٹیرف آرڈر/ضابطوں/ہدایات/فیصلوں کے مطابق ٹرائی کی طرف سے وقتاً فوقتاً جاری کردہ سروس کے لیے ٹیرف وصول کرے گا۔ لائسنس دہندہ ٹیرف کی اشاعت، اطلاعات اور معلومات کی فراہمی کے حوالے سے تقاضوں کو بھی پورا کرے گا جیسا کہ ٹرائی کی جانب سے ہدایت کردہ اپنے احکامات/ ضوابط/ ہدایات کے ذریعہ ٹرائی ایکٹ، 1997 کی دفعات کے مطابق وقتاً فوقتاً ترمیم کی جاتی ہے۔

3. ہندوستان میں، فی الحال، موبائل  خدمات تین نجی شعبے کے لائسنس یافتہ اور ایک پبلک سیکٹر کے لائسنس یافتہ کے ذریعہ فراہم کی جا رہی ہیں۔ مقابلے کے نقطہ نظر سے، یہ موبائل خدمات کے لیے مارکیٹ کا بہترین ڈھانچہ ہے۔

4. ٹیلی مواصلات خدمات کے نرخوں کا فیصلہ مارکیٹ فورسز کے ذریعہ یعنی آزاد ریگولیٹر کے ذریعہ مطلع کردہ ریگولیٹری فریم ورک کے اندر کیا جاتا ہے۔ ٹرائی حکومت آزاد بازار کے فیصلوں میں مداخلت نہیں کرتی ہے کیونکہ فعالیت ٹرایہ کے دائرہ کار میں ہے اور ٹیرف برداشت کے تحت ہیں۔ موبائل خدمات کے ٹیرف میں کسی بھی تبدیلی کی اطلاع ٹی پی ایس کے ذریعہ ٹرائی کو دی جاتی ہے، جونگرانی کرتی ہے کہ اس طرح کی تبدیلیاں مقررہ ریگولیٹری فریم ورک کے اندر ہیں۔ یہاں یہ بات قابل ذکر ہے کہ ٹی ایس پی نے 2 سال سے زائد عرصے کے بعد موبائل  خدمات کی قیمتوں میں اضافہ کیا ہے۔ پچھلے 2 سالوں میں، کچھ ٹی پی ایس نے ملک بھر میں5 جی خدمات کو شروع کرنے میں بہت زیادہ سرمایہ کاری کی ہے۔ اس کے نتیجے میں موبائل کی اوسط رفتار میں 100 ایم بی پی ایس کی سطح تک نمایاں اضافہ ہوا ہے اور ہندوستان کے بین الاقوامی رینک اکتوبر 2022 میں 111 سے آج  تک 15پہنچ گیا ہے۔

5. صارفین کے مفادات کا تحفظ کرتے ہوئے، ٹیلی کمیونیکیشن سیکٹر کی منظم ترقی کے لیے، جس میں جدید ترین ٹیکنالوجی جیسے 5 جی، 6 جی ،آئی او ٹی/ ایم 2ایم برائے صنعت 4.0 وغیرہ میں سرمایہ کاری شامل ہے، اس شعبے کی مالی استحکام اہم ہے۔

6. پچھلے 10 سالوں سے پہلے، ٹیلی کمیونیکیشن کا شعبہ تنازعات میں گھرا ہوا تھا، شفافیت کا فقدان تھا اور اسی وجہ سے موبائل خدمات کی ترقی جمود کا شکار تھی۔ پچھلے 10 سالوں کے دوران، حکومت کی ترقی پسند پالیسیوں کی وجہ سے، ٹیلی مواصلات خدمات کی شرحیں خواہ وہ آواز ہو یا ڈیٹا، میں تیزی سے کمی آئی ہے۔ حکومت اسپیکٹرم نیلامی سے غیر ٹیکس آمدنی کی ایک بڑی رقم سے مستفید ہوئی ہے جو مکمل طور پر شفاف اور موثر رہی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

8117