خواتین اور بچوں کی ترقی کی وزارت (ایم ڈبلیو سی ڈی) نے دیہی ترقی کی وزارت (ایم او آر ڈی) اور پنچایتی راج کی وزارت (ایم او پی آر) کے اشتراک سے دو قومی سطح کے ویبینار شروع کیے، جن میں سے پہلا آج  منعقد کیا گیا تھا۔اس ویبینار میں  حال ہی میں نافذ کردہ فوجداری قوانین کی دفعات: ’’بھارتیہ نیائے سنہتا‘‘، ’’بھارتی ناگرک سرکشا سنہتا‘‘، اور ’’بھارتیہ ساکشیہ ادھینیم‘‘پر بات چیت کی گئی۔ خواتین اور بچوں کے تحفظ، بہبود، حفاظت اور تحفظ سے متعلق موضوعات پر خصوصی طور پر تبادلہ خیال کیا گیا۔

پہلا ویبینار، جو آج ہندی میں منعقد ہوا، جس میں ایم ڈبلیو سی ڈی، ایم او پی آر، اور ایم او آر ڈی کے سیکرٹریوں کے افتتاحی خطابات پیش کیے گئے، اس کے بعد جامع اجلاس ہوئے جن میں بیورو آف پولیس ریسرچ اینڈ ڈیولپمنٹ (بی پی آر اینڈ ڈی) کے ماہرین کے ذریعہ نئے قوانین کی کلیدی دفعات کا خاکہ پیش کیا گیا ۔ ایم ڈبلیو سی ڈی کے ماہرین نے خواتین اور بچوں کے لیے ان قوانین کے مثبت مضمرات کا مزید جائزہ لیا۔

اس تقریب میں ملک بھر میں تقریباً 40 لاکھ اسٹیک ہولڈرز کی زبردست شرکت دیکھی گئی، جن میں پنچایتی راج اداروں کی منتخب خواتین نمائندے، خواتین کے سیلف ہیلپ گروپس(خود امدادی گروپس)، اورایم ڈبلیو سی ڈی، ایم او آر ڈی، اورایم او پی آر کے متنوع شراکت دار  شامل ہیں۔

انگریزی میں ہونے والا دوسرا ویبینار 25 جون 2024 کو منعقد کیا جائیگا، جو معاشرے کے وسیع تر طبقات میں مزید نظریات کی اشاعت  اور مشغولیت کو یقینی بناتا ہے۔ ان اصلاحاتی قوانین کی منظوری ہندوستان میں خواتین اور بچوں کو بااختیار بنانے کے لیے قانونی ڈھانچہ کو مضبوط کرنے کے مقصد سے محترم وزیر اعظم کے وسیع تر وژن کا حصہ ہے۔

 

----------------------

ش ح۔س ب ۔ ع ن

U NO: 7769

(Release ID: 2028198) Visitor Counter : 43