سیاحت اور ثقافت  کے وزیر جناب گجیندر سنگھ شیخاوت نے آج بین الاقوامی یوم یوگ کے موقع پر نئی دہلی میں واقع قطب مینار کامپلیکس میں سن ڈائل لانس میں منعقدہ عوامی یوگا سیشن میں شرکت کی۔ اس تقریب کا اہتمام وزارت سیاحت نے کیا۔ اس سال کے بین الاقوامی یوم یوگ کا موضوع ہے ’’یوگ- اپنے لیے اور سماج کے لیے‘‘۔

شری گجیندر سنگھ شیخاوت، فرد اور معاشرے کی روز مرہ کی زندگی میں یوگا کی اہمیت کے بارے میں شرکاء اور میڈیا سے خطاب کرتے ہوئے ۔

محترمہ وی ودیاوتی، سکریٹری (سیاحت) اور وزارت سیاحت کے دیگر سینئر افسران بھی اس تقریب کے دوران موجود تھے۔ تقریب کا انعقاد مختلف ایجنسیوں کے ساتھ مل کر شاندار طریقے سے کیا گیا۔

جناب گوپال رشی، یوگا ماہر اور ان کی ٹیم نے یوگا کے عملی سیشن کا مظاہرہ کیا اور یوگا کے مختلف پہلوؤں اور اہمیت کے بارے میں بتایا۔

اس موقع پر، سفر تجارت اور سیاحتی صنعت کے اسٹیک ہولڈرز، یووا ٹورازم کلب کے طلباء، خصوصی طور پر معذور بچوں اور سیاحت کی وزارت، حکومت ہند کے عہدیداروں اور مقامی لوگوں نے یوگا سیشن میں حصہ لیا۔

علاوہ ازیں، یوگا سیشنوں کا اہتمام شمالی خطے یعنی، اترپردیش میں آگرہ، وارانسی اور لکھنؤ، راجستھان میں جے پور اور جودھپور، پنجاب میں چمکور صاحب، اتراکھنڈ  میں دہرادون کے فاریسٹ ریسرچ انسٹی ٹیوٹ اور دون سنسکرتی اسکول (قبائلی) میں، ہماچل پردیش میں شملہ، جموں و کشمیر میں سری نگر اور لداخ میں کیا گیا۔

**********

 

(ش ح –ا ب ن۔ م ف)

U.No:7714

(Release ID: 2027767) Visitor Counter : 12