یوگا کا 10 واں بین الاقوامی دن ‘‘خود اور معاشرے کے لیے یوگا’’ کے تھیم کے ساتھ نئی دہلی کے تاریخی پرانہ قلعہ میں وزارت  ثقافت اورآرکیولوجیکل سروے آف انڈیا کے ذریعے منایا گیا۔ اس موقع پر ثقافت کی وزارت کے سکریٹری جناب گووند موہن بھی موجود تھے۔ اپنے خطاب میں جناب  گووند موہن نے کہا کہ یوگا ،دماغ اور جسم کا تال میل اور خیالات اور عمل کے درمیان توازن کو  بنائے رکھتا ہے۔ انہوں نے یوگا کو ہماری روزمرہ کی زندگیوں میں شامل کرنے اور ایک مستقل مشق کو برقرار رکھنے کی اہمیت پر زور دیا۔

بین الاقوامی یوگا دن پر، اندرا گاندھی نیشنل سینٹر فار دی آرٹس (آئی جی این سی اے ) کے عہدیداروں اور ملازمین نے اجتماعی یوگا مشق میں حصہ لیا۔ آئی جی این سی اے  کے رکن سکریٹری ڈاکٹر سچیدانند جوشی نے ادارے کے احاطے میں اپنے خطاب میں ہندوستان کی قدیم یوگا حکمت کے دنیا بھر میں اثر و رسوخ پر زور دیا، اور اس بات کی ضرورت  پر زور دیا کہ ہم اس یوگا مشق کو اپنائیں اور اس سے استفادہ کریں۔ ڈاکٹر جوشی نے یوگا کو فروغ دینے میں وزیر اعظم نریندر مودی کی کوششوں کا بھی اعتراف کیا۔ انہوں  نے  اقوام متحدہ کے ہیڈکوارٹر میں گزشتہ سال کے پروگرام اور اس سال جموں و کشمیر  کے سری نگر میں ہونے والے یوگا مشق  سیشن کی اہمیت کو ایک جاری سفر میں سنگ میل قرار دیا۔

یوگا انسٹرکٹر ڈاکٹر ستیندر سنگھ کی قیادت میں یوگا سیشن کا اختتام امن کی دعا کے ساتھ ہواجس میں شرکاء پوری طرح سے  یوگا مشق میں شامل رہے۔ یوم یوگا کی پیش رفت میں، آئی جی این سی اے نے 21 مئی سے 20 جون تک یوگا کلاسز کی ایک ماہ طویل سیریز کا اہتمام کیا  جس سے کمیونٹی میں یوگا کی مشق کے ساتھ گہرے تعلق کو فروغ دیا گیا ۔

************

U.No:7701

ش ح۔ع ح

(Release ID: 2027685) Visitor Counter : 44