وزارت تعلیم کےمحکمہ اسکولی تعلیم اور خواندگی (ڈی او ایس ای ایل) نے 10ویں اور 12ویں بورڈ کے امتحانات کے دوران طالبات کی صحت، وقار اور تعلیمی کامیابی کو یقینی بنانے کے لیے متعدد فعال اقدامات کا اعلان کیا۔ امتحانات کے دوران سینیٹری مصنوعات اور ماہواری سے متعلق حفظان صحت کی سہولیات تک محدود رسائی کی وجہ سے لڑکیوں کو درپیش چیلنجوں کو تسلیم کرتے ہوئے، محکمہ اسکولی تعلیم اور خواندگی  نے ریاست/مرکز کے زیر انتظام علاقے، سنٹرل بورڈ آف سیکنڈری ایجوکیشن، کیندریہ ودیالیہ سنگٹھن، اور نوودیا ودیالیہ سمیتی کے تمام اسکولوں کے لیے ایک ایڈوائزری جاری کی ہے۔

ماہواری سے متعلق حفظان صحت کا انتظام ایک لڑکی کی مجموعی بہبود کا ایک اہم پہلو ہے اور اسے اس کی تعلیمی کارکردگی کے راستے میں نہیں آنا چاہیے۔ محکمہ اسکولی تعلیم اور خواندگی 10ویں اور 12ویں بورڈ کے امتحانات کے دوران طالبات کی مدد کے لیے اسکول میں ماہواری سے متعلق صفائی کے انتظام کو ترجیح دیتا ہے۔

اہم اقدامات میں  یہ شامل ہیں:

• سینیٹری مصنوعات کی فراہمی: تمام 10ویں اور 12ویں بورڈ کے امتحانی مراکز پر مفت سینیٹری پیڈ آسانی سے دستیاب ہوں گے، اس بات کو یقینی بناتے ہوئے کہ اگر ضرورت ہو تو لڑکیوں کو امتحانات کے دوران ضروری حفظان صحت سے متعلق مصنوعات تک رسائی حاصل ہو۔
• ریسٹ روم کے وقفے: خواتین طالبات کو ماہواری کی ضروریات کو پورا کرنے، تکلیف کو کم کرنے اور امتحانات کے دوران توجہ کو فروغ دینے کے لیے ضروری ریسٹ روم استعمال کرنے  کی اجازت دی جائے گی۔
• حساسیت پیدا کرنے  اور بیداری کے پروگرام: طالبات، اساتذہ اور عملے میں ماہواری کی صحت اور حفظان صحت کے بارے میں بیداری پیدا کرنے کے لیے تعلیمی پروگرام ریاستوں/مرکز کے زیر انتظام علاقوں/اے بیز کے ذریعے نافذ کیے جائیں گے۔ اس نقطہ نظر کا مقصد بدنما داغ کو کم کرنا اور اسکول کے ماحول کو مزید سمجھنے کی ہمت افزائی کرنا ہے۔

امتحانات کے دوران ماہواری سے متعلق حفظان صحت کے خدشات کو دور کرتے ہوئے، محکمہ اسکولی تعلیم اور خواندگی طالبات کے ساتھ ان کی ماہواری کی ضروریات کے حوالے سے عزت اور احترام کے ساتھ پیش آنے کی اہمیت پر زور دیتا ہے ساتھ ہی ساتھ لڑکیوں کو امتحانات میں اعتماد کے ساتھ شرکت کرنے اور اپنی تعلیمی صلاحیت کو حاصل کرنے کے لیے بااختیار بناتا ہے۔

************

U.No:7403

ش ح۔ ا ک۔رب